Rɔmnda 4:14 - BII BILA

¹⁴ Te le tɔŋndo biyɔɔ vana sɔla kɛ́ɔ ni, mɛɛ fondo fúú laalanndo co ni, o kon kpema Hala-o bɛɛ ndu del.

Rɔmnda 4:14 Referans Kwoze

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

Hebreea 7:28

Tɔŋ Moise-o ndu handun le vanndacieea tiun te-a. Kɛ mí sɔɛi Hala mɛnan-nde, i hin o tɔŋndo kɔɔli-e i siinguu Poo bolle vanaa-solia-lasálàá, o sɔla tiuvɔnndo le fɛɛn a fɛɛn-ndo.

Hebreea 7:19

Kani tɔŋ Moise-o tosa dɛnɛ peelan kɛ́-kɛ̀ le. Kɛ mí tiindan hiow naŋɔɔ-o kennun naa, ndu tosá ni mí n sɔɔnguu Hala ikɛi.

Kalatea 2:21

I kɛɛ le kɛndɛi Hala-e kɛɔ. Kani te tɔŋndo siinguu vana vana sandaa ni, mɛɛ fondo fúú koni Krista vi ni.

Rɔmnda 4:16

Lelan, le laalanndo naa n sɔla ɲɛm Hala yii kpemaa le naa keo-von ni, vɛ̀ɛ̀ kɛndɛi le co ken te! O kon, kpema kon co le vanaa-vanaa co cuavaa-imamaa Abraham-nda: a co o tɔŋndo bɛngu-a a á laalan vɛlɛ maa ndu Abraham fuɲa naa faw-faw-vo-a.

Rɔmnda 3:31

Vɛ̀ɛ̀ mì tɔŋndo ndu tambu niko le laalan naa? O co lende le i co le. Kɛ kon kpeekpei cɔm ɲama ndɔɔ ni.

Esai 55:11

Lende koni sɔɛi fula ya (Mɛlɛka) o sondo-e co ni: sɔɛi nii muungu ya o ibuŋ mì i kɛɛ ɲɛ pum tosa le. Fɔ mì i tosa hɛnan nuu, mí i peelu ɲɛ ya vem ndi le tosaa-o ɲɛkɛndɛi.

Kalatea 5:4

Niaa sɛyan a Krista-a, niaa co sandei nuwviaa o tɔŋndan biyɔɔ nin-nda, mbɔ̀ la fola kɛndɛi Hala-e fɔ́!

Yeremi 19:7

O fonda kon ya tɛɛmbuunin tuula Yerusalɛm ndan a tuula Yuda lan ni. Mì tosa mì yaamɔaa ndaa diw nda o cɔwvo, mì yɔngu duàá a tivolla dialun ndan, mà de mun.

Condii lisai 119:126

Telenndo co hoo ni, Mɛlɛka, mà tosa ɲɛ pum le vanaa co tɔŋ nɔmndo tɛɛmbuuo-a.

Kundalan 30:15

Kani te o tuei ndi pɛ, mò kuuna laa ndɔ le háá diimandɔɔ, mɛɛ laa ndɔ co lo o yiinanndo a yoei o baa-e, te kon te a ciɛ́ɔn o cua-on kpow. Kani kon cɔm ni maa pɔnɔ ndɔ cɛl sɔɛi ken, bau o kuuna ndu paale o tuei ndi len te.

Kundalan 30:12

te pɔnɔ ndɔ tuei pɛ sɔɛi ken, mò dimi ɲɛ-ɲɛ le, mɛɛ o lo o yiinanndo a yoole o baa len a á ciɛ́i o cua-e.

1Korɛntea 1:13

Vɛ̀ɛ̀ o piɔvaa Krista co ni? Vɛ̀ɛ̀ Pol nda baŋ o yɔm singafilaa coo le niaa ni? Vɛ̀ɛ̀ o diola Pol-tan niaa sɔla yinɔɔ ni?