Rɔmnda 4:13 - BII BILA

¹³ Mí Hala yiilu Abraham a cuavaa ndɔa imamaa kpemaa, maa a sɔlanin ceendo kɛ́ɔ. O ve le mɛɛ o va tɔŋndo biyɔɔ yɛ le, kɛ le tùú ndóò ce ndu vana sandaa le laalan ndɔɔ-o o yiilu ndu kpema kon ni.

Rɔmnda 4:13 Referans Kwoze

Kalatea 3:29

Te o va yɛ pɛ maa le Krista niaa co ni, mɛɛ niaa co polale Abraham-nden ni, niaa co vanaa cuanin kɛ Hala yii kpemaa-o ni.

Rɔmnda 9:8

Kon co dimio ni maa o co cuavaa velun o falon nin-nda le a co cuavaa Hala-a le, kɛ cuavaa kpemaa co cuavaa nɔ diolan o polalen coo-a ni.

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

Condii lisai 2:8

Ɲuna ya, mì yɔngu nɔm vanaa-mangalaa-isɔɔa kpede kɛ́ɔ, mì ke nɔm lɛŋnden háá o mɛɛlula ndɔlan, mì le va ɲɛ nɔm pɛ́-pɛ́.

O Kandɔɔ 17:16

I co ndu duaa dɔvɔɔ mò vilul nɔm hɔ́ɔ́ piaandoo. I co ndu duaa dɔvɔɔ mo siŋnun kala-mama vanaa-mangalaa-isɔɔa súúlan taw. Masaa súúlan taw a fulanin ndu o ipulu.»

O Kandɔɔ 12:3

Vanaa dɔawnin nɔm duaa-a, i dɔawnin nda duaa. Kɛ vanaa dɔawnin nɔm danga-a, i dɔawnin nda danga. O nɔm kɔɔli vanndacieea o ceendo coo kpow a sɔlanin duaa ni.»

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Dɛnnda kiilaa 13:32

Naa bɛɛ, Yoongu Kɛndɛ kon naa hin niaa tiiyallo ho ni: o Hala ndóò dimi le fuɲaa naa mamaa-o,

Rɔmnda 4:12

Ndu koni co fuɲaa vanaa dii tomaa-a ni, o co ko le tooma nda dii-o daama le, kɛ le kela nda co o nɛila Abraham fuɲa naa lan coo-o. La o kela coo, lɔ́ɔ́ ndóò dii-yɔ toomaa loo lan.

Hebreea 7:6

Mɛlkisedɛk kon yɛ, o fula o polale Levii len nin te, kɛ mó bii Abraham o-tɔ́ndɔɔ o ba o ɲɛm ndóò nɔ-on nin kpow. O kon mí ndu Mɛlkisedɛk dɔaw vana Hala ndóò yiilu kpemaa-o duaa.

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.