12 Ndu koni co fuɲaa vanaa dii tomaa-a ni, o co ko le tooma nda dii-o daama le, kɛ le kela nda co o nɛila Abraham fuɲa naa lan coo-o. La o kela coo, lɔ́ɔ́ ndóò dii-yɔ toomaa loo lan.
I tɛɛlun Tite le kɔlan o niaa lo mí viam puapilɛ naa pum nda ndu. Vɛ̀ɛ̀ delɔɔ Tite del niaa coo ni? Vɛ̀ɛ̀ o co a yiyan pilɔɔ le naa n kela le? Vɛ̀ɛ̀ o co o foofola pilɛlan coo le naa n kɔɛ le?
La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.
«Po vanacieo sei, vanaa co icali o cieon piɔlɛin mun nin Israɛl-la co dimio aa: ‹Abraham ndu pilɛ kpé va ni, kɛ mó hialu lɛŋnden nden kpow, kɛ naa naa n co sɛ́lɛ́ taw, nduyɛ naa lɛŋnden nden le yɔngun fasɛi ni!»
Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.
Mí Hala yiilu Abraham a cuavaa ndɔa imamaa kpemaa, maa a sɔlanin ceendo kɛ́ɔ. O ve le mɛɛ o va tɔŋndo biyɔɔ yɛ le, kɛ le tùú ndóò ce ndu vana sandaa le laalan ndɔɔ-o o yiilu ndu kpema kon ni.