Rɔmnda 4:11 - BII BILA

¹¹ Tooma Abraham dii-o, tɔɔmasele dɛnɛ sandaa o yɔŋnun le ndu ni. Ndóò dii-yɔ bɛɛ tooma kon te, mó sɔla dío le laalanndo. Lelan o co vɛlɛ fuɲaa vanaa laalannda kpow ni, hali a dii tooma le-a, haliko mi Hala cɛl nda maa vanaa sandaa.

Rɔmnda 4:11 Referans Kwoze

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

Luke 19:9

O kon mí Yeesu dimul ndu aa: «Vanaa co o nɔm ndo cɛinin nanu-a sɔla hau cindaa. Kani nɔm bɛɛ, o polale Abraham-nden nin n fula ni.

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

2Korɛntea 1:22

O handu naa tɔɔmasele ndɔɔ coo, mó luei naa yiyan Kɔl-Diandaa o lakɔl, kon co landei le ɲɛm kɛndɛn o kɛsul naa-on ni.

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

Efɛsea 4:30

La tɛɛmbuu Kɔl-Diandaa Hala-o kɔl te, o niaa sɔla pondalen holɔɔ a ndu le paale baŋaa len-ndo.

Efɛsea 1:13

Telen niaa bɛɛ tuei sɔɛi toɲɛi-yo, Yoongu kɛndɛ yɔngu niaa cindaa-o, mí la laalan Krista. O kon mí Hala hol niaa pondalen lɔ́ɔ́ o yɔngu niaa Kɔl-Diandaa o yiilu niaa kpemaa-o.

Kalatea 6:16

Vanaa kɛ́-kɛ̀ co kelaa o nɛi kon coo, maa kɔlɲuloo a dɛnɛ kɛndɛ Hala-o va nda coo a o yungu Hala-o kpow coo!

Kalatea 5:5

Naa yɛ, n laalan maa siŋnunnin vanaa sandaa o balika Hala Kɔl-Diandaa bɛngu, ken naa n co cumndo a tiindanndo ni.

Kalatea 3:29

Te o va yɛ pɛ maa le Krista niaa co ni, mɛɛ niaa co polale Abraham-nden ni, niaa co vanaa cuanin kɛ Hala yii kpemaa-o ni.

Kalatea 3:22

Kɛ mí Sɛbɛ Hala-o cɔm naa maa o kpaaya hakio bɛngu ceendo kpede co ni. Ken yɔŋ ni, mí kpema Hala yii kon-ndo peelun le vanaa laalannda, le laalan nda laalan Yeesu Krista-o.

Kalatea 3:7

La sínà ken maa vanaa nɔ laalanndo-a, nda co cuavaa Abraham-nda ni.

Rɔmnda 10:11

Sɛbɛ Hala-o dimi aa: «Vana-vana laalan ndu pɛ, siɛmbula biinin ndu le.»

Rɔmnda 10:6

Kɛ sandii fula o laalanndo nin-nde ndi dimi aa: «Dimin o kɔl nin te aa: ‹Nɛ̀ɛ́ hel-lɛnin o halataala?› Le kɔlan Krista tuisio lɛŋ nanu co kon ni.»

Rɔmnda 10:4

Nduyɛ mɛɛlula tɔŋndo la co Krista ni, haliko mi vanaa laalannda kpow a siŋnun vanaa sandaa.

Nsaŋ 6:35

Mí Yeesu dimul nda aa: «Ya, ɲɛdiaa cindaa ya co ni. Vana hin pɛ o ya lo, yima nɛi ndu lɔ́ɔ́-lɔ́ɔ̀ le, vana laalan ya pɛ, kolɔɔ bii ndu lɔ́ɔ́-lɔ́ɔ̀ le.

Dɛnnda cɔɔmuanndan 9:4

Mí i dimulun sóónɔa kan maa a pilan bil oo bil co o lɛŋnden coo le, a pilan yondo puiyaa le, a pilan yɔm oo yɔm co o lɛŋnden coo le, kɛ vanndacieea nɔ pondale Hala len o itendu le-a kínɛí nda del coo ni.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Rɔmnda 9:30

Vɛɛ naa n liima yɛ niko sɔɛi he? Vanaa ve dí nuwviaa le-a sɔla dío, di sɔlan a laalanndo-o.

Rɔmnda 9:6

O co dimi le maa sɔɛi Hala-e nɔ lɛ tɔnɔ le. Kani vanaa-vanaa fula o Israɛl nin, o co nda kpow le a co Israɛlla kpeekpei le.

Rɔmnda 3:26

telen Hala va nda biuvɔnndo-o. Lende ndu Hala cɔm dɛnɛ ndɔ sandaa sisa ni. Ò tuisi vanndacieea dɛnɛ palaa coo le hakila ndalan te, kani o yeema mò lo o sandaa, mò ke vɛlɛ vanaa laalan Yeesu-a di.

Nsaŋ 8:33

Má mulul ndu aa: «Cuavaa-imamaa Abraham-nda naa n co ni, lepilɛ bɛɛ n tosa lecɛ vana o ba le, le yɛɛ n co yɛ naa dimullo maa mì n fula o cɛlen nin?»

Nsaŋ 6:47

I co niaa toɲaa dimul kpendekele, vana laalan pɛ, ndu sɔla cinda fɛɛn-fɛɛndo.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Nsaŋ 3:36

Vana laalan pɛ Poo, ndu sɔla yoomu fɛɛn-fɛɛndo. Vana kɛɛ pɛ le Poo laalanndo, ndu sɔlanin yoomu kon te, kɛ kɔltuw Hala-o vanin vana kon coo.»

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

Matie 8:11

Mì dimul niaa, vanaa bɔɔ-bɔɔ a fulanin a ba paalen le can-ndo a á ba paalen le del-lo, mà de o tabali pilɔɔ nda Abraham, Isaak a Yakɔb o masale halataala len nin.

Esekiɛl 20:20

La dindi palɛi nii pɛngiɛi mì la ke ndi bɛɛlen. Palɛi ken vanin tɔɔmaseloo naa niaa tɛɛn ni, haliko mi (vannda) sina maa ya co Mɛlɛka ni, Hala niaa pɛɛn.

Esekiɛl 20:12

Mí yɔngu nda vɛlɛ palɛi pɛngiɛi nii, mí palɛi ken siŋnun tɔɔmaseloo naa tɛɛn naa ndaa, haliko mi ndáà sina maa ya co Mɛlɛka dindi nda-o ni.

Tɔŋ miingua 30:6

Mɛlɛka Hala niaa diinin kɔlta niaalan a kɔlta cuavaa niaa tooma, la kaolanin Mɛlɛka Hala niaa a kɔlta niaalan a á yoomu niaa kpede, haliko mi la va yoomu.

Fulaa 31:17

Tɔɔmasele kon vanin naa tɛɛn naa Israɛlla le fɛɛn a fɛɛn ni. Kani ya Mɛlɛka, i cɔw halataalaa a lɛŋnden o palɛi ndii ŋɔmpum bɛngu, o paale ŋɔmmɛwndɔlen coo, mí mal baalaa le pɛngio.›»

Fulaa 31:13

«Nɔm Moise, soo o Israɛlla lo ma dimul nda aa: ‹La bii palɛi pɛngiɛi a kɔlta niaalan kpow, kani le fɛɛn a fɛɛn, tɔɔmaseloo co kon naa tɛɛn naa niaa ni, le sinaa maa ya Mɛlɛka siinguu niaa vanaa diandaa ni.

Fulaa 12:13

Le niaa Israɛlla yɛ, kooma cɔlua niaa suunin o cɛilan-ndan ma vanin tɔɔmaseloo ni maa la co o cɛila lan nin. I ce pɛ kooma man, i hiow niaa coo. O kon, kpundɛ tɛɛmbua n'cuaw ya co kon tuisi Esiptea coo-o pilannin niaa le.

Rɔmnda 9:33

maa mɛɛ i co i sɛvaa yɛ aa: «Má cè ya pow boŋaa kɛsio Siɔn! Pow kpova mal vana-o. Kɛ vana laalan pɛ ndu, o luusian te.»

O Kandɔɔ 17:24

Abraham pila ndóò nɔ vɔsilan belaŋɔmahiɔɔlu a laŋɔmahiɔɔlu, mó dii toomaa,

Condii lisai 47:9

Hala co masalen tosaa o lɛŋnden coo, o co icali o kpɛŋɛ ndɔ lemasa diandaa coo.

Nsaŋ 3:33

Vana-vana cɛl pɛ seile ndɔlen, ndu cɔm maa toɲaa Hala co ni,

Rɔmnda 3:30

kani Hala ndu pilɛ kpé co ni. O kenin vanaa dii toomaa-a dio le laalan ndaa, mò ke vɛlɛ vanaa dii tooma le-a dio le laalan ndaa.

Rɔmnda 4:10

Kɛ telen kuɛɛ laalan kon cɔmnun yɛ ndu coo lende? Telen o va nin falenɔ-o ni baa telen o va vɔ kɔ̀ndénɔ-o? Telen ndóò dii-yɔ tooma loo, o va vɔ kɔ̀ndénɔ.