Rɔmnda 4:1 - BII BILA

¹ Vɛ̀ɛ̀ naa n dimi yɛnin a Abraham o kɔɔ, o yɔŋnun fuɲa naa mamaa o falon nin-ndo? Yɛɛ o sɔla yɛ?

Rɔmnda 4:1 Referans Kwoze

Esai 51:2

La yiyan-ndɔ a Abraham fuɲa niaa o kɔɔ, la loonun-ndɔ a Sara velu niaa-o o kɔɔ, kani telen Abraham va ndu pilɛ-o ya veelu ndu ni. O kon kɔɔli, mí dɔaw ndu duaa, mí tosa mó kui.

Rɔmnda 4:16

Lelan, le laalanndo naa n sɔla ɲɛm Hala yii kpemaa le naa keo-von ni, vɛ̀ɛ̀ kɛndɛi le co ken te! O kon, kpema kon co le vanaa-vanaa co cuavaa-imamaa Abraham-nda: a co o tɔŋndo bɛngu-a a á laalan vɛlɛ maa ndu Abraham fuɲa naa faw-faw-vo-a.

2Korɛntea 11:22

Vɛ̀ɛ̀ Hebreea nda co ni? Ya bɛɛ Hebreenɔɔ ya co ni. Vɛ̀ɛ̀ Israɛlla nda co ni? Ya bɛɛ Israɛlnɔɔ ya co ni. Cuavaa-imamaa Abraham-nda nda co ni? Ya bɛɛ cua ndɔ kon ya co ni.

Dɛnnda kiilaa 13:26

Puapilɛa nia, niaa fula o polale Abraham-nden nin, mí la nɔ siòòŋii Hala-e, mí la va naa tɛɛn nanu-a, naa Hala cuu sɔɛi cindɛi he ni.

Nsaŋ 8:56

Mí Abraham fuɲa nia dɔawnun ɲaale, kani ndóò nɔ o kɔl maa ndóò canin paale ya va hunɔɔ len, nduyɛ mó ca len, mó dɔawnun ɲaale taw.»

Rɔmnda 7:7

Vɛɛ naa n dimi yɛnin o kon? Mò va maa hakio tɔŋndo co ni? Kɛì-kɛì bɛɛ! Kɛ tɔŋndo tosá ni mí síná hakio. Kani yáà sinanin ɲɛ co ɲɛ pilaa hɔlten fulaa-o le, te tɔŋndo ndóò dimi le aa: «Fula ɲɛ pila lehɔl te.»

Matie 3:9

La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Nsaŋ 8:53

Mò va maa nɔm hiow Abraham fuɲa naa vi-o ni? Vanaa-tɛɛngaa-diom Hala-a bɛɛ a vi. Nɛ̀ɛ̀ nɔm pila co yɛ niko cɔnnɔnndo?»

Nsaŋ 8:33

Má mulul ndu aa: «Cuavaa-imamaa Abraham-nda naa n co ni, lepilɛ bɛɛ n tosa lecɛ vana o ba le, le yɛɛ n co yɛ naa dimullo maa mì n fula o cɛlen nin?»

Luke 3:8

Mɛɛ la tosa niko dɛnnda kɛndɛla cɔm maa la mal kela niaa vɔɔndo, mì la mangalan ndan. La dimin o lakɔl te aa: ‹Abraham co fuɲa naa ni.› Kani mì dimul niaa, Hala nɔla mò siinguu powtan ndan cuavaa Abraham-nda.

Hebreea 12:9

Naa n nɔ fuɲaa n'falua, a va pɛ naa saangiaa le tɛɛmbuula naalan, n ke nda bɛɛlen. Vɛ niko n tuisin a fuɲaa naa Hala, mì n va yoomu le?

Rɔmnda 6:1

Vɛ̀ɛ̀ naa n dimi yɛnin o kon? Vɛ̀ɛ̀ n lonnun o hakio nin o kon mì kɛndɛi kui?

Rɔmnda 1:3

A Po ndɔɔ o kɔɔ Yoongu kɛndɛ kon soo ni, o velun o falon nin fulaa o polale David len coo-o.

Rɔmnda 3:5

Kɛ te sandii nɛi lepɛŋnde tosa pɛ mì sandii Hala-e sinan, vɛ̀ɛ̀ naa n dimi yɛnin ken? Vɛ̀ɛ̀ vana sandaa lepɛŋndo Hala va le kɔllo tuuloo a naa ni? (O vanacieeyɛi nin ya co sɔɛi nuaa ni.)