Rɔmnda 3:9 - BII BILA

⁹ Kpo! Mò va maa naa Yuifia n hiow caanda ni? Kɛì-kɛì bɛɛ! Kani n cii nihaw cɔm maa vanndacieea kpede, vana va Yuifinɔ, vana va vana súú celen, o kpaaya hakio bɛngu naa n co ni.

Rɔmnda 3:9 Referans Kwoze

Kalatea 3:22

Kɛ mí Sɛbɛ Hala-o cɔm naa maa o kpaaya hakio bɛngu ceendo kpede co ni. Ken yɔŋ ni, mí kpema Hala yii kon-ndo peelun le vanaa laalannda, le laalan nda laalan Yeesu Krista-o.

Rɔmnda 6:15

Kpo! Bàà mì n tosa hakio le mɛɛ naa n co lɛ o tɔŋ bɛngu le yɛ, kɛ mì n va o kɛndɛi Hala-e bɛngu? Kɛì-kɛì bɛɛ!

Esai 65:5

a co dimio aa: «Nannun ndon polon, sɔɔnguu ya ikɛi le, kani (taa pilan pɛ ya), a siŋnun o diandaa siŋnun teengen-ndo». Kon kpede kumnde o co ya o milin ni, yinnde co niinoo sandei kpɛŋ nden o co ni.

Rɔmnda 11:32

Kani Hala tosa mí vanndacieea kpow a luɛi o nila kalulan nin, haliko mo tuinun nda kpow iɲíí.

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Filipea 1:18

Mɛ̀ɛ́-mɛ̀ɛ́ nda tosa pɛ, o va a yiyan kɛndɛ, o va a yiyan celen, haliko sii sɔɛi Krista-e i co diminndo! Lelan, i co a ɲaaloo le dɛnɛ kon. Nduyɛ, i hiawnin laci a ɲaaloo dɔwnɔnndo.

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

1Korɛntea 14:15

O kon, yɛɛ nɛ ya tosa yɛ? I vanin Hala piɛiyo o kɔl nin, mì va vɛlɛ piɛilen a kɔlkalu nuu. I vanin condei o kɔl nin, mì va vɛlɛ condei a kɔlkalu nuu.

1Korɛntea 10:19

Kɛ nduyɛ, te i va pɛ hee dimio, baa dimio co kon ni maa visin vannda co Mɛlɛka sálàlan solullo-on co ɲɛ? Te kon te maa ɲɛ pum piɔmndo co ni?

1Korɛntea 4:7

Kani o nɛi kuɛɛ coo n co yɛ yiyanndo maa a hiow caanda? Ɲɛm n nɔ-on kpow, vɛ̀ɛ̀ o co Hala le ke nɔm mun te? Te o co yɛ pɛ lende, le yɛɛ nɛ n co yɛ niko lisanndo maa o co ke le nda ke nɔm mun te?

Rɔmnda 11:7

Yɛɛ yɔŋnun yɛ hoo? Ɲɛ Israɛlla va nuwviaa-o, a sɔla kon te. Kɛ mí vanaa hɛlin-nda nda sɔla ndu. Vanaa tɔ̀a nda, nila kalulan nda tosa ni,

Rɔmnda 3:5

Kɛ te sandii nɛi lepɛŋnde tosa pɛ mì sandii Hala-e sinan, vɛ̀ɛ̀ naa n dimi yɛnin ken? Vɛ̀ɛ̀ vana sandaa lepɛŋndo Hala va le kɔllo tuuloo a naa ni? (O vanacieeyɛi nin ya co sɔɛi nuaa ni.)

Rɔmnda 1:18

Kɔltuw Hala-o cɔmnun ceen fulaa o halataala le dɛnnda vɔɔnndan kpow a le dɛnɛ sandaa lepɛŋ vanndacieea co tosaa-o. A co toɲaa vionɔɔ a dɛnnda vɔɔnnda nda co tosaa lan.

Luke 7:39

Faliisinɔ óò veelu ndu-o cɔu dɛnɛ kon, mó yiyan o kɔl ndɔɔ nin aa: «Te vana-tɛɛngaa-diom Hala-o langbanɔɔ ho ndóò va ni, o va sina vana súú cua co ndu piilianndo-o co-o, o va sina maa vana lahakio o co ni.»

Talelan 20:9

Nɛ̀ɛ́ tiw yɛ ba mò dimi aa: «I dindi kɔl nuu valan, i dendu, haki oo haki co ya le»?

Rɔmnda 2:1

Éé nɔm vanacieo! Nɔm co yaman caanda kiolɔɔ-o, mɛ̀ɛ́-mɛ̀ɛ́ n va, a nɔ mɛɛ kɔɔsaa le, kani le dɛnɛ n co yamɛi caanda kiolɔɔ-o, nɔm bɛɛ co ndu tosaa, mɛɛ nɔm pila cii yaalan.

Rɔmnda 3:1

Ɔ́ɔ̀ niko mɛɛ Yuifia hiow vanaa tɔ̀a yɛ? Ɔ́ɔ̀ niko tɔnɔ toomaa?

Rɔmnda 7:14

N sinà ndi maa dɛnɛ kɔllo tɔŋndo co ni, kɛ ya, vanaciee n'faloo daama ya co ni, o pisia ya co hakio o ba ni, mì va cɛ ndɔɔ.