Rɔmnda 3:7 - BII BILA

⁷ Kɛ te Hala sɔla pɛ biiloo o còòla nilan nin, mì toɲa ndɔɔ fula ceen vakpa, le kɔlɔ yɛɛ ya sɔ̀là yɛnin yaalaa maa vana lahaki?

Rɔmnda 3:7 Referans Kwoze

Rɔmnda 3:4

Kɛì-kɛì bɛɛ! N sinan maa vana toɲaa Hala co ni. Vanndacieea nda, mɛɛ nda co kpede, vanaa lacòòvaa nda co ni. Maa mɛɛ o sɛvan yɛ aa: «Haliko ma sandu o sɔɔn nɔmndon nin, mà sɔla dío telen nda kialunin nɔm iyama-o.»

Matie 26:34

Mí Yeesu dimul ndu aa: «I co nɔm toɲaa dimul, cɔɛllɛn, nanu a sɔɔ koovaa, a vuununnin sɔɛi nii leyàá.»

Dɛnnda kiilaa 2:23

Má mal ndu niaa o ba mɛɛ Hala ndóò tuu yɛ. Niaa dii ndu ni. Mɛɛ niaa mal ndu vanaa sina Hala le-a o ba, má baŋ ndu o yɔm singafilaa coo.

Fulaa 14:30

Ɲinkon, mí Mɛlɛka ciindiaa Israɛlla, mó baŋa nda Esiptea o ba, mí Israɛlla ca Esiptea a vílɛ́iya o mɛmma ihɛlma man dangalaa.

Fulaa 14:5

O kon mí vannda dimul masaa Esipte maa Israɛlla ɲaanun. Mɛɛ Faraɔnnɔɔ nda vanaa ndɔa baalaa a tuei lende, má cua yiyan vɔɔndo a nda, má dimi aa: «Yɛɛ nɛ naa n tosa yɛ hoo? Le yɛɛ naa n mal-lɛ Israɛlla kɔnndan? Vɛ̀ɛ̀ vanaa va naa vallo tosallo-a kɔɛnnun te?»

Fulaa 3:19

I sina maa masaa Esipte cɛlnin le niaa malɔɔ le. Le niaa malɔɔ, fɔ mì sɔɛi kalɛi hiow ndu mayoomu.

O Kandɔɔ 37:20

N kɔ delnun ndu coo mì n diinun ndu, mì n viownun ndu o soon yingilaa nin, mí n kɔ dimin aa visi biyaa cii ndu biyɔɔ. O kon mì n ce ɲɛ fulanin o lɔma sɔlaama ndɔan nin-ndo.»