Rɔmnda 3:5 - BII BILA

⁵ Kɛ te sandii nɛi lepɛŋnde tosa pɛ mì sandii Hala-e sinan, vɛ̀ɛ̀ naa n dimi yɛnin ken? Vɛ̀ɛ̀ vana sandaa lepɛŋndo Hala va le kɔllo tuuloo a naa ni? (O vanacieeyɛi nin ya co sɔɛi nuaa ni.)

Rɔmnda 3:5 Referans Kwoze

Rɔmnda 6:19

O vanacieeyɛi nin ya co sɔɛi ni, le tùú niaa nɔ mayoomu o falun niaan nin too. Maa mɛɛ niaa luei paandu dialun niaan o cɛle dɛnɛ nɔɔlɛilen a o cɛle dɛnɛ sandaa lepɛŋndo nin le dɛnɛ sandaa lepɛŋ kon tosaa yɛ, mɛɛ la luei niko dialun mun o cɛle dɛnɛ sandaa nin le dɛnɛ diandaa tosaa.

Kalatea 3:15

Puapilɛa nia, n cuannun-ndɔ tɔɔmaseloo o naamula naalan nin, te vanndo va pɛ vuo, mò bɛɛndiaa sɛbɛ leseiyo ɲɛkɛndɛi, vana-vana nɔ dí mò faŋa ɲɛ pum, te kon te mò handu ɲɛ pum lecoo o sɛbɛ vaa lende nin te.

1Korɛntea 9:8

Vɛ̀ɛ̀ sɔɔn ivanaciean daama ya co dimio ni? Vɛ̀ɛ̀ o co ɲɛ pilɛ kon te tɔŋndo dimi le?

Rɔmnda 7:7

Vɛɛ naa n dimi yɛnin o kon? Mò va maa hakio tɔŋndo co ni? Kɛì-kɛì bɛɛ! Kɛ tɔŋndo tosá ni mí síná hakio. Kani yáà sinanin ɲɛ co ɲɛ pilaa hɔlten fulaa-o le, te tɔŋndo ndóò dimi le aa: «Fula ɲɛ pila lehɔl te.»

Rɔmnda 4:1

Vɛ̀ɛ̀ naa n dimi yɛnin a Abraham o kɔɔ, o yɔŋnun fuɲa naa mamaa o falon nin-ndo? Yɛɛ o sɔla yɛ?

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Nahum 1:2

«Mɛlɛka paŋalaa Hala co ni, ndu mingi máá ni. Mɛlɛka mingi máá, o pɛ a hiilɛi. Mɛlɛka mìngùl yaamɔaa ndɔa màá, mò mandan kɔltuw o nɔ a nda-o o kɔl.

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Dɛnnda cɔɔmuanndan 15:3

A va condii Moise vana baala Hala-o a condii saa téndóó solio aa: «Mɛlɛka Hala nɔ kpaayaa kpow-vo, dɛnnda nɔmndan la co dɛnnda kɔndɔfilta bɛndu, nɔm Masa vanaa-mangalaa-isɔɔa, tuula nɔmndan la sandu, la co toɲa!

1Korɛntea 15:32

O dimi ivanacieeyaa nin, te vanvílɛ́iya a muungu lɛnin yoomu le, ɔ́ɔ̀ tɔnɔ naa sɔla mí n simul visia yondoa, mí n cɔlɔba nda Efɛs-o? Mɛɛ vanaa pum a dìmì yɛ aa: «N dionnun mì n kolnun, kani n co hunɔɔ vu siɔdii.»

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Rɔmnda 6:1

Vɛ̀ɛ̀ naa n dimi yɛnin o kon? Vɛ̀ɛ̀ n lonnun o hakio nin o kon mì kɛndɛi kui?

Rɔmnda 3:19

Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Rɔmnda 3:7

Kɛ te Hala sɔla pɛ biiloo o còòla nilan nin, mì toɲa ndɔɔ fula ceen vakpa, le kɔlɔ yɛɛ ya sɔ̀là yɛnin yaalaa maa vana lahaki?

O Kandɔɔ 18:25

A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»

SƐBƐ YƆB-O 8:3

Vɛ̀ɛ̀ Hala cɛ̀l pá le dɛnɛ sandaa tundɔɔ? Vana-Kpaayaa-Kpow mangalà pá dɛnɛ connun sakpo-o?

Rɔmnda 5:8

Kɛ mí Hala cɔm naa kaola ndɔɔ, bau n vannun ndɔ vanaa lahakia, mí Krista vu le naa.

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Rɔmnda 9:30

Vɛɛ naa n liima yɛ niko sɔɛi he? Vanaa ve dí nuwviaa le-a sɔla dío, di sɔlan a laalanndo-o.

2Korɛntea 6:4

Kɛ o dɛnndan nin kpow, n co vannda cɔmndo maa vanaa baalaa Hala-a lekɛ́ndɛi naa n co ni: n co sangalan biwnɔnndo taw, sɔɔn imɔnɔn a sɔɔn yɔngu vana buulannda bɛndulan-ndon.

2Korɛntea 7:11

Kɔl tambɛi Hala cɛl hoo mó komal niaa-o, la tofa vɔ sɔɔn kɛndɛn o tosa o ceennda niaalan nin-ndon: la cɔm yiyan kɛndɛ niaa nɔ-o, mí la keleŋa cɛvɔn! Mɔnɛi bii niaa taw, mí siòòŋii bɛnduei bii niaa, mí yeemɛi bii niaa vɛlɛ le ya cɔu, mí la dɔawnun ɲaale ɲɛkɛndɛi, mí la sɔla sangaa le dɛnɛ sandaa. O nɛi oo nɛi coo, mí la cɔm maa la tosa ɲɛ-ɲɛ vɔɔn o dɛnɔɔ ho nin te.

Kalatea 2:18

Kani te i mingi pɛ ɲɛla ya puusiaa nin-ndan tangul, mɛɛ vana tɛɛmbuuaa tɔŋndo ya co ni.