Rɔmnda 3:4 - BII BILA

⁴ Kɛì-kɛì bɛɛ! N sinan maa vana toɲaa Hala co ni. Vanndacieea nda, mɛɛ nda co kpede, vanaa lacòòvaa nda co ni. Maa mɛɛ o sɛvan yɛ aa: «Haliko ma sandu o sɔɔn nɔmndon nin, mà sɔla dío telen nda kialunin nɔm iyama-o.»

Rɔmnda 3:4 Referans Kwoze

Condii lisai 51:4

Pulu ya cɛ́kɛ́lɛ́ le tɛɛmbuu nuu, ma dindi ya le haki ya tosa-o.

Condii lisai 116:11

I va o sangaa nin mí dimi aa: «Vannda kpow, còòlan nda dimi ni.»

Kalatea 2:17

Kɛ te o va pɛ mì n va kindi-kindinndo mì Krista siinguu naa vanaa sandaa, bau naa bɛɛ vanaa lahakia naa n va ni, mò va maa Krista tosa ni mì n luɛi o hakio nin? Ɛ-ɛ, o co lende le.

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

Tɔŋ miingua 32:4

Pow kpova bɛndoo Hala co ni, dɛnnda ndɔlan la co la tiuvanndan. Kani nɛila ndɔlan kpede la co lasandaa. Hala lo o lediom coo-o a Hala nɔ lakafa loo o co ni. Hala sandaa a Hala sakpoo o co ni.

SƐBƐ YƆB-O 36:3

I hin a sinapɛngu nuu le vanaa co o lɛŋii leville nin-nda, i ke Hala, vana toosiaa ya-o dí.

Nsaŋ 3:33

Vana-vana cɛl pɛ seile ndɔlen, ndu cɔm maa toɲaa Hala co ni,

Condii lisai 119:160

Sɔɔn nɔmndon kpow, toɲaa n co ni, silala nɔmndan kpede la sandu, la vanin le fɛɛn a fɛɛn.

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Rɔmnda 9:14

Vɛɛ naa n dimi yɛnin vɛlɛ? Mò va maa Hala sendu le? O co lende le i co le.

Condii lisai 138:2

I baŋnin vulan Fonda-Diandaa nɔmndo o hɔl, mì lisa diola nɔmndan le kaola nɔmndo a le lo n lo o lediom coo-o, kani a peelu kpema nɔm óò yii-yo hiovɔɔ mɛɛ naa n va nɔm kɔl-lɛ coo.

Misee 7:20

O laan vɛlɛ, a co cuavaa Yakɔb-a cɔm maa Hala lo o diomnden coo-o n co ni, mà cɔm cuavaa Abraham-nda sakpoyɛi nɔmnde, mɛɛ n yiilu sindɛ fuɲaa naa mamaa kpemaa yɛ.»

Condii lisai 100:5

Kani Mɛlɛka naŋ, kaola ndɔɔ nɔ lamɛɛlu le, dɛnɛ kɛndɛ ndɔɔ vanin le fɛɛn a fɛɛn.

1Nsaŋ 5:10

Vana laalan pɛ Po Hala-o, ndu nɔ seile len ndu o kɔl. Vana laalan yɛ Hala le, mɛɛ o siinguu ndu vana lacòòvaa, kani o kɛɛ seile Hala co tɛndaa a Po ndɔɔ o kɔɔ len laalanndo.

Kalatea 2:21

I kɛɛ le kɛndɛi Hala-e kɛɔ. Kani te tɔŋndo siinguu vana vana sandaa ni, mɛɛ fondo fúú koni Krista vi ni.

Rɔmnda 6:15

Kpo! Bàà mì n tosa hakio le mɛɛ naa n co lɛ o tɔŋ bɛngu le yɛ, kɛ mì n va o kɛndɛi Hala-e bɛngu? Kɛì-kɛì bɛɛ!

Rɔmnda 3:31

Vɛ̀ɛ̀ mì tɔŋndo ndu tambu niko le laalan naa? O co lende le i co le. Kɛ kon kpeekpei cɔm ɲama ndɔɔ ni.

Matie 11:19

Mí Po vanacieo hun, mó va dioo a kolɔɔ, mí vannda va dimio aa: ‹Hoo ndu vana lepuloo a vana kólaa mamɔiyo o co ni. Caaŋoo vanaa biyaa mulua a vanaa lahakia o co ni.› Kɛ o dɛnnda Kɔlkaloo co tosaa lan nin vannda sinà ni maa Kɔlkalu kalaa sandu.»

SƐBƐ YƆB-O 40:8

A yeema lekɛ́ndɛi mà siinguu yamɛi nii yamɛi fondoei? Ya n yeema mà yaala ni, mà kennun nɔm pila di?

Kalatea 6:14

Ya le ya, i sangalannin le ɲɛ-ɲɛ celen te, te o co le yɔm singafilaa Maalii Yeesu Krista-o le, o yɔm kon coo ceendo baŋnun le ya ni, mi ya i baŋnun ndon le ceendo.

Rɔmnda 11:1

Mɛɛ i co ɲuna: Mò va maa kɛɔ Hala kɛɛ vanaa ndɔa ni? O kɛɛ nda le! Kani ya bɛɛ, Israɛlnɔɔ ya co ni, cua imama Abraham-ndo, fulaa o polale Bɛnyamɛn-nden nin.

Condii lisai 62:9

Niaa vanndacieea sei! La vá Hala tiindanndo lɔ́ɔ́-lɔ́ɔ̀, la kɛsí ndu kɔltan coo, kani ndu co nɛɛ viannannda le naa ni.

2Korɛntea 1:18

Hala co ya lesei, sɔɔn naa n dimul niaa-on n co sɔɔn ya cɛl mì kɛɛ le.

Rɔmnda 11:11

Lelan i co ɲuna: Mò va maa boŋio Israɛlla boŋi nuaa má deli ni? O co lende le i yɔŋnun te! Kɛ le tɛɛmbuu ndaa vanaa co N'Yuifi le-a sɔla cindaa ni, haliko mi Yuifia paŋala nda.

Rɔmnda 7:7

Vɛɛ naa n dimi yɛnin o kon? Mò va maa hakio tɔŋndo co ni? Kɛì-kɛì bɛɛ! Kɛ tɔŋndo tosá ni mí síná hakio. Kani yáà sinanin ɲɛ co ɲɛ pilaa hɔlten fulaa-o le, te tɔŋndo ndóò dimi le aa: «Fula ɲɛ pila lehɔl te.»

Rɔmnda 6:2

Kɛì-kɛì bɛɛ! Naa n vi nin a ba hakio-a, vɛ̀ɛ̀ naa n muungu yɛnin vɛlɛ mì va o hakio nin?

Luke 20:16

O hunnin, mò diw vanaa tósà kan baalaa o nakɔ n'rɛsɛnndo nin-nda, mò sɔɔ nakɔɔ vanaa celen o ba.» Mɛɛ nda tuei lende, má dimi aa: «Màá i yɔŋnun lende le!»

Rɔmnda 7:13

Vɛ̀ɛ̀ mì ɲɛ naŋ-ndo ndu siŋnun piɔ́mndo le ya? Kɛì-kɛì bɛɛ! Kɛ le hakio sinanndo maa ndu co hakio ni, mó kei o ɲɛ naŋ-ndo nin haliko mo tosa mì vi. O nɛi kon coo tɔŋndo cɔm vana ni maa ɲɛ vɔɔn bɛndoo pila hakio co ni.

1Korɛntea 6:15

Vɛ̀ɛ̀ la sínà le maa le Krista dialun nian co ni? Vɛ̀ɛ̀ mì la cua dialun Krista-on, mì la mɔɔsiaa mun a dialun vana co suundaa-o? Kɛì-kɛì bɛɛ!

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.