Rɔmnda 3:31 - BII BILA

³¹ Vɛ̀ɛ̀ mì tɔŋndo ndu tambu niko le laalan naa? O co lende le i co le. Kɛ kon kpeekpei cɔm ɲama ndɔɔ ni.

Rɔmnda 3:31 Referans Kwoze

Kalatea 2:21

I kɛɛ le kɛndɛi Hala-e kɛɔ. Kani te tɔŋndo siinguu vana vana sandaa ni, mɛɛ fondo fúú koni Krista vi ni.

Matie 5:17

«La yiyan tei maa tɔŋndo, te kon te sɔɔn vanaa-tɛɛngaa-diom Hala-a ya hin tɛɛmbuu ni. I hin le mun tɛɛmbuu le, kɛ le mun peeloo.

1Korɛntea 9:21

Le vanaa ve o tɔŋ bɛngu le-a, mí siŋnun maa vana ve o tɔŋ bɛngu loo. Kon co dimi le maa ya pila i ve o tɔŋ Hala bɛngu le, kɛ i va o tɔŋ Yeesu-o bɛngu, haliko mi yáà sɔla vanaa ve o tɔŋ bɛngu le-a ya tosa kon ni.

Rɔmnda 10:4

Nduyɛ mɛɛlula tɔŋndo la co Krista ni, haliko mi vanaa laalannda kpow a siŋnun vanaa sandaa.

Rɔmnda 8:4

O tosa ken, haliko mi sɔɔn tɔŋndo n peelun naa nin. O kon, o co lɛ o yeemɛi ivanacieeya nin te naa n co kelaa le, kɛ o yeemɛi Kɔl-Diandaa nin.

Kalatea 2:19

Kani a ba tɔŋndo o kɔɔ, vana vílɛ́i koni ya co nin nuaa ni, haliko mi va yoomu le Hala.

Rɔmnda 7:25

Balikaa co le Hala o diola Maalii naa Yeesu Krista lan! Kani i co bɛɛ o tɔŋ hakio bɛngu o dialun nun nin nuaa, kɛ i co tɔŋ Hala-o biyɔɔ o kɔl nuu nin.

Rɔmnda 7:22

Kani o kɔl nuu nin, tɔŋ Hala-o hɛnan ya bɔɔ,

Rɔmnda 4:14

Te le tɔŋndo biyɔɔ vana sɔla kɛ́ɔ ni, mɛɛ fondo fúú laalanndo co ni, o kon kpema Hala-o bɛɛ ndu del.

Rɔmnda 3:4

Kɛì-kɛì bɛɛ! N sinan maa vana toɲaa Hala co ni. Vanndacieea nda, mɛɛ nda co kpede, vanaa lacòòvaa nda co ni. Maa mɛɛ o sɛvan yɛ aa: «Haliko ma sandu o sɔɔn nɔmndon nin, mà sɔla dío telen nda kialunin nɔm iyama-o.»

Matie 15:6

Vana kon nɔ mako le fuɲa ndɔ, te kon te kala ndɔɔ bɛɛlen ke le. Lende niaa co sɔɛi Hala-e malɔɔ ni le naamu niaa.

Matie 5:20

Kani mì dimul niaa, te dɛnɛ niaa sandaa hiw dɛnɛ sandaa vanaa pɛɛkaa latɔŋnda a Faliisia le, mɛɛ la lueinin o masale halataala len nin te.»

Matie 3:15

Mí Yeesu mulul ndu aa: «Cɛl pɔɔ mì i tosan lende, kani lende naa n bɛnda le dɛnɛ sandaa kpow peeloo ni.» O kon mí Nsaŋ cɛl.

Esai 42:21

Mɛlɛka ndóò yeema le tɔŋ bɛndu kɛndɛ-kɛndɔɔ yondaa, le dɛnɛ kɛndɛ Israɛlla.

Condii lisai 119:126

Telenndo co hoo ni, Mɛlɛka, mà tosa ɲɛ pum le vanaa co tɔŋ nɔmndo tɛɛmbuuo-a.

Condii lisai 40:8

O kon mí dimi aa: «Má cè ya! Ya pila i hin o nɔm ndo. I saalun ɲɛ ya bɛnda le tosaa-o o sɛvaa o sɛbɛ simbulaa nin.»

Luke 20:16

O hunnin, mò diw vanaa tósà kan baalaa o nakɔ n'rɛsɛnndo nin-nda, mò sɔɔ nakɔɔ vanaa celen o ba.» Mɛɛ nda tuei lende, má dimi aa: «Màá i yɔŋnun lende le!»

Rɔmnda 2:20

maa vana pɛɛkaa le vanaa kindu lakɔl te-a, a vana pɛɛkaa cuaambɔa, kani a pɛɛku tɔŋndo má síná toɲaa.

Rɔmnda 3:6

Kɛì-kɛì bɛɛ! Vɛ̀ɛ̀ Hala kialu yɛnin yamɛi ceendo o kon?