Rɔmnda 3:25 - BII BILA

²⁵ Ndu Hala hɛli le siŋnɔnndo sálà-baŋaa a kooma ndɔan ni. O kon, mí piɔ́m ndɔɔ tosa mí vanaa laalan ndu-a kpow a sɔla malɔɔ lahakio

Rɔmnda 3:25 Referans Kwoze

1Nsaŋ 4:10

Kaola ndɔ kon co yɛ hoo ni aa: o co naa le n kaola Hala le, kɛ ndu kaola naa ni, mó viam Po ndɔɔ, mó yɔŋnun sálàá le hakila naalan faŋaa.

1Nsaŋ 2:2

Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.

Rɔmnda 5:9

Sunsun yɛ, kooma ndɔan ma tosa mí n siŋnun vanaa sandaa Hala o hɔl. Hiovɔɔ o kon coo, o ciindiaanin naa le kɔltuw Hala-o.

Dɛnnda kiilaa 17:30

Hala co lɛhau telen vannda ve ndu kon sina loo tofa le, kɛ sunsun o co nda veeloo, nɛɛ-nɛɛ nda co, haliko ma mangala kelala ndalan.

Hebreea 10:4

Kani kooma navaa tovaa a ma cuinaa toovia ma nɔla hakilan faŋaa le.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

Condii lisai 22:31

Cuavaa ndaa o nda kɔɔli a tosalnin ndu Mɛlɛka baalaa, mì vannda dimul nda sɔɔn ndɔn.

Tɔŋ lasálàá 16:15

Kon cuu pɛ, o kelu vɛlɛ cuin toovi yɔngun le sálàá le haki Israɛlla-o bololan, o hiow a kooma cuin kon o kola-landaa co o Cɛi-Diandaa nin-ndo kɔɔli, o tosa mɛɛ o tosa a kooma naw tovaa yɛ, o suu man o kumbu kesu kpemaa coo a laci.

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Dɛnnda cɔɔmuanndan 20:15

Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Hebreea 11:14

Vanaa co sɔɛi lendea, mɛɛ nda co cɔmndo vakpa maa kɔltan la co nda o lɛŋnde celen, lɛŋnde co le nda len.

Condii lisai 119:142

Sandii nɔmnde co le fɛɛn a fɛɛn, toɲaa tɔŋ nɔmndo co ni.

1Nsaŋ 1:10

Te n dimi pɛ maa n tosa haki le, mɛɛ n siinguu ndu vana lacòòvaa, o kon sɔɛi ndɔɛi co naa o kɔl te.

Hebreea 11:17

A laalanndo Abraham cɛ̀l sindɛ le Isaak sálàá solio ni, telen Hala tɔɔndan ndu-o. Mó cɛl le po ndɔ pilɔɔ sálàá solio, nduyɛ a ndu Hala yiilu Abraham kpemaa ni.

Hebreea 9:5

Tuuliala mɛlɛkaa kanda ɲɛm Hala-on-nda, a va tɔɔmasele biilu Hala-o-a va o kesu kalaa coo. Mí nangu hɔlla o kumbu kesoo coo nɛɛ láà malnun-nda. Kɛ o co telen vana luɛi o tɛɛsiala lan nin te co hoo le.

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

Rɔmnda 5:11

Hiovɔɔ o kon coo, n nɔla mì n kuundian o Hala nin Maalii naa Yeesu Krista o ba bɛngu. Ndu tosá ni mì bɛndaa muungu naa tɛɛn naa Hala-aa.

Rɔmnda 3:26

telen Hala va nda biuvɔnndo-o. Lende ndu Hala cɔm dɛnɛ ndɔ sandaa sisa ni. Ò tuisi vanndacieea dɛnɛ palaa coo le hakila ndalan te, kani o yeema mò lo o sandaa, mò ke vɛlɛ vanaa laalan Yeesu-a di.

Rɔmnda 2:4

Te kon te vɛ̀ɛ̀ a co vanakɛndɛyɛi bɛndui Hala-e, biuvɔn ndɔɔ a dɛnɛ kɛndɛ ndɔɔ yii luɛyɔɔ le? A co sínà le maa le mangalan nɔmndo Hala co kon kpow tosaa ni?

Dɛnnda kiilaa 4:28

Nduyɛ, lende nda peelu sɔɔn kɛ́-kɛ̀ nɔm óò tuu o tasendɔ-on ni, n kɛ́-kɛ̀ nɔm óò tuu a kpaaya nɔmndo.

Dɛnnda kiilaa 3:18

Kɛ ɲɛ Hala ndóò dimi paandu a sondola vanaa-tɛɛngaa-diom Mɛlɛka-a kpow-vo peelun lende ni, maa mɛɛ mì Krista ndóò sanga.

Dɛnnda kiilaa 15:18

o cɔm vannda tuula ndɔlan kabi sindɛ-o pɛɛn.

Dɛnnda kiilaa 2:23

Má mal ndu niaa o ba mɛɛ Hala ndóò tuu yɛ. Niaa dii ndu ni. Mɛɛ niaa mal ndu vanaa sina Hala le-a o ba, má baŋ ndu o yɔm singafilaa coo.

Nsaŋ 6:47

I co niaa toɲaa dimul kpendekele, vana laalan pɛ, ndu sɔla cinda fɛɛn-fɛɛndo.

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Condii lisai 97:6

Halataalaa co sandii ndɔɛi cɔmndo, vannda kpow co biilu ndɔɔ cɔu.

Condii lisai 50:6

Halataalaa co cɔmndo maa Hala sandu, kani ndu Hala pila co vana kialaa n'yamaa ni.

Condii lisai 40:10

Mɛlɛka, i co Yoongu kɛndɛ dɛnɛ sandaa nɔmndo sɛ́lɛ́ bɛndoo tiiyallo, i co sondo mei le. Nɔm pila sina ken.

Tɔŋ lasálàá 16:10

Cuin toovi siondoolen le bii le Asasɛl-lo yɛ, a bɛnda ma simi ndu o kiyɛiyo Mɛlɛka o hɔl, le ndu faleŋii baŋannde tosaa coo a le ndu tovɔɔ nɛɛ levil polon-polon o lɛŋnde veselɛilen nin le Asasɛl.

Condii lisai 98:2

Mɛlɛka cɔm cinda ndɔɔ, mó cɔm vanaa-mangalaa-isɔɔa sandii ndɔɛi.

Dɛnnda kiilaa 14:16

Paandu, mó mal vanndacieea kpow kelaa mɛɛ nda yeema yɛ.

Rɔmnda 5:18

Lelan, le tɛɛmbuu vanacieo ndu pilɛ, mí vanndacieea kpow a sɔla yaalaa. Lende vɛlɛ koni, le dɛnɛ sandaa vanndo ndu pilɛ, mí vanndacieea kpow a sɔla dɛnɛ sandaa, o kon má sɔla cindaa.

1Korɛntea 5:7

La faŋa lɛvɛn hakio, mì la siŋnun maa kpeyan lindan sɛnɛiyo, o kon lɛvɛn venin niaa nin te. Kani Krista siŋnun saa téndóó le naa, le kafo-hiavaa-coo, Krista nda baŋ o yɔm singafilaa coo-o pɛɛn.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Efɛsea 2:13

Kɛ sunsun, o Yeesu Krista nin, niaa vanaa va Mɛlɛka levil o tasendɔ-a, la sɔla sɔɔnguuo ndu o ibuŋ le piɔ́m ndu Krista sɔla-o.

Hebreea 9:28

Lende koni, lepilɛ kpé Krista solin sálà le hakila vanaa bɔɔ-bɔɔ faŋaa ni. O hun cɔmnunnin vɛlɛ o diinndɔɔ le vanaa co ndu cumndo-a hunɔɔ ciindiaa, kɛ o ve lɛnin le lahaki faŋa le.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,