Rɔmnda 3:20 - BII BILA

²⁰ Lelan, vana-vana sɔlanin di Hala o hɔl le tɔŋndo biyɔɔ le, kani tɔŋndo tosa ni mì hakio sinan.

Rɔmnda 3:20 Referans Kwoze

Kalatea 2:16

Kɛ nduyɛ, n sínà ndi válán maa o co le dɛnnda tɔŋndan biyɔɔ le vanacieo va vana sandaa le, kɛ le laalan o laalan Yeesu Krista-o. Naa bɛɛ n laalan Yeesu Krista, haliko mi n siŋnun vanaa sandaa le laalan naa laalan Krista-o, kɛ o co le dɛnnda naa n co tosaa o tɔŋndo biyɔɔ nin-ndan te, kani vana-vana sɔlanin sandei le tɔŋnda o co biyɔɔ lan te.

Rɔmnda 3:28

Kani n co cɔu maa le laalanndo Hala ke vanacieo dí ni, o co le dɛnnda tɔŋndo le.

Kalatea 2:19

Kani a ba tɔŋndo o kɔɔ, vana vílɛ́i koni ya co nin nuaa ni, haliko mi va yoomu le Hala.

Rɔmnda 4:15

Kani tɔŋndo hun a kɔltuwvo ni. Nɛɛ tɔŋ co yɛ le, tɔŋ tɛɛmbua ve vɛlɛ lon te.

Rɔmnda 9:32

Le kɔlɔ yɛɛ nɛ kon? Kani o co a laalan te Iraɛlla va ndu nuwviaa le, kɛ le dɛnnda ndalan cɔmndo. Mí ken yɔŋnun pow boŋaa le nda,

Rɔmnda 5:20

Nduyɛ, tɔŋndo ndu hin, haliko mi yɔŋ vɔɔndo kui, kɛ nɛɛ yɔŋ vɔɔndo kui pɛ, lon kɛndɛi Hala-e ndi hiaw kuiyo ni.

Rɔmnda 4:13

Mí Hala yiilu Abraham a cuavaa ndɔa imamaa kpemaa, maa a sɔlanin ceendo kɛ́ɔ. O ve le mɛɛ o va tɔŋndo biyɔɔ yɛ le, kɛ le tùú ndóò ce ndu vana sandaa le laalan ndɔɔ-o o yiilu ndu kpema kon ni.

Condii lisai 143:2

Vana baala nɔmndo ya co ni, kialu ya iyama le, kani vana-vana sendu nɔm o hɔl te.

Kalatea 5:4

Niaa sɛyan a Krista-a, niaa co sandei nuwviaa o tɔŋndan biyɔɔ nin-nda, mbɔ̀ la fola kɛndɛi Hala-e fɔ́!

Rɔmnda 5:13

Lɔ́ɔ́ pá mí tɔŋndo sinan, hakio va nin o ceendo nin, kɛ le mɛɛ tɔŋ ve vɔ le yɛ, vanáà bii vana le tɔŋ tɛɛmbua le.

Condii lisai 130:3

Taa puulun pɛ tɛɛmbuula naalan, ɔ́ɔ̀ vana lonin yoomu-o, Maalii?

Rɔmnda 2:13

O co le tɔŋndo tueyɔɔ le vana sɔla dío Hala o hɔl te, kɛ vanaa co tɔŋndo biyɔɔ-a, nda Hala kenin dio ni.

SƐBƐ YƆB-O 15:15

Hala laalan mɛlɛkaa ndɔa le, halataalaa dindu ndu o hɔl te,

Rɔmnda 7:11

Kani o tɔŋndo nin hakio sɔla kpaayaa ni, mó hui ya a tɔŋ kon, o kon mó dii ya a ndu.

1Korɛntea 15:56

Kefii piɔ́mnde i co hakio ni, kpaaya hakio co tɔŋndo ni.

Hebreea 7:19

Kani tɔŋ Moise-o tosa dɛnɛ peelan kɛ́-kɛ̀ le. Kɛ mí tiindan hiow naŋɔɔ-o kennun naa, ndu tosá ni mí n sɔɔnguu Hala ikɛi.