Rɔmnda 3:19 - BII BILA

¹⁹ Nduyɛ, n sinà maa sɔɔn kɛ́-kɛ̀ tɔŋndo dimi, vanaa co o tɔŋndo bɛngu-a n dimulun ni, haliko mi sondolan kpow la kumbun, o kon mì vana-vana sɔla yaalaa Hala o hɔl.

Rɔmnda 3:19 Referans Kwoze

Kalatea 3:10

Kani vanaa-vanaa tiindan tɔŋndan biyɔɔ, nda co o dangaa bɛngu, kani o co o sɛvaa aa: «Dangaa co le vana biinin sɔɔn co n sɛvaa o tɔŋndo nin kpede mò kɛɛ le kelaa lecoo-o.»

Rɔmnda 3:9

Kpo! Mò va maa naa Yuifia n hiow caanda ni? Kɛì-kɛì bɛɛ! Kani n cii nihaw cɔm maa vanndacieea kpede, vana va Yuifinɔ, vana va vana súú celen, o kpaaya hakio bɛngu naa n co ni.

Esekiɛl 16:63

Kon tosanin haliko ma yiyan a ɲɛ tosan paandu-o, mì siɛmbulan la bii nɔm, bako bɛɛ a suu lɛnin te. Kɛ ya, i malnin nɔm haki le dɛnnda vɔɔnnda n tosa lan kpow. Ya Maalii, ya co Mɛlɛka-o soo nuaa ni.»

Kalatea 5:18

Kɛ te Kɔl-Diandaa sim pɛ niaa laci, mɛɛ la va lɛ o cɛle tɔŋndo bɛngu le.

1Korɛntea 1:29

Hala tosa kon, haliko vana-vana kundian ndu Hala o hɔl te.

Rɔmnda 3:23

Kani vanndacieea kpow a tosa hakio, má fola biilu Hala-o.

Condii lisai 107:42

Vanaa sandaa co dɛnnda lan cɔw, a co ɲaaloo dɔwnɔnndo, vanaa yɔŋ vɔɔnda mei kpili.

Kalatea 4:21

Niaa yeema haa le vaa o tɔŋndo bɛngu-a, la dimul-lɔ ya hau, vɛ̀ɛ̀ la co tueyɔɔ ɲɛ tɔŋndo co dimio-o le?

Kalatea 4:5

haliko mo baŋa naa vanaa va o tɔŋndo bɛngu-a, mí n siŋnun cuavaa Hala-a, a bɛnda le kɛ́ɔ cuaa-a.

Rɔmnda 1:20

Bau kabi Hala cɔw ceendo, kpaaya ndɔ lɔ́ɔ́-lɔ́ɔ̀-o a halayɛi ndɔɛi vana ci lei cɔmnun kpendekele o dɛnnda ndɔlan nin le mɛɛ vannda bii lan bila yɛ. Lelan vanndacieea nɔ lɛ mɛɛ dimia le.

Nsaŋ 8:9

Ndáà tueyɔɔ lende, má muungun a pilɛn-pilɛn, kandɔɔ a kaasonnda. Mí Yeesu lo nda vuɛɛn kon kpé, vuɛɛndo va isisi o lawvo tɛɛn.

SƐBƐ YƆB-O 5:16

O kon, mì vanaa nɔ mayoomu le-a sɔla kɔlkɛsiaa, mì dɛnɛ sandaa lepɛŋndo kinda sondoo.

1Samiɛl 2:9

Ndu manda vana lo o lediom coo-o ni, kɛ vanaa kɔlvesɛiya nda, o ɲumndan nin nda laasiàn ni. Kani vanacieo tiwba ɲɛ-ɲɛ sɔla a kpaaya ndɔɔ le.

Rɔmnda 3:4

Kɛì-kɛì bɛɛ! N sinan maa vana toɲaa Hala co ni. Vanndacieea nda, mɛɛ nda co kpede, vanaa lacòòvaa nda co ni. Maa mɛɛ o sɛvan yɛ aa: «Haliko ma sandu o sɔɔn nɔmndon nin, mà sɔla dío telen nda kialunin nɔm iyama-o.»

Rɔmnda 3:2

Tɔnɔɔ co o bɔɔ taw. O tasoo, nda sɔɔn Hala-on n yɔngun ni.

Nsaŋ 15:25

Nduyɛ le sɔɛi co i sɛvaa o tɔŋ ndaa nin-nde peelɔnndo kon tosan lende ni aa: ‹A kɛɛ ya o fondo fúúo coo.›

Condii lisai 63:11

Màá a diw nda a mɔɛi cɔwve, mà siŋnun balo tiivolla!