Rɔmnda 3:11 - BII BILA

¹¹ Vana-vana kindu kɔl te, vanndo pilɛ bɛɛ co Hala nuwviaa le.

Rɔmnda 3:11 Referans Kwoze

Condii lisai 53:2

Diɔmnda co dimio o kɔlta ndalan nin aa: «Hala co le.» A cuu laasian, má tosa dɛnnda nɔɔlɛilan, vana-vana co dɛnɛ kɛndɛ tosa o nda tɛɛn te.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Rɔmnda 8:7

Kani dɛnnda n'falulan la co yaamɔɔ Hala-o ni. Bau la bii tɔŋ Hala-o le, la nɔla bɛɛ ndu biyɔɔ le.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Esai 65:1

I yɔngun mí vanaa ve ya ɲɛ-ɲɛ ɲuna le-a a sɔɔnguu ya ikɛi. I cɔmnun mí vanaa ve ya nuwviaa le-a saalun ya, mí dimul vanaa-mangalaa-isɔɔa ve diola nilan veelu lepilɛ bɛɛ le-a aa: «I co nanu! La nuaa vɔ ya!»

Esai 55:6

La nuwviaa Mɛlɛka telen vana saalun ndu-o, la veelu ndu o piɛilen nin telen o co vɔ kpɛɛlun-ndo.

Esai 31:1

Dɛnɛ palaa co le vanaa co tuusoo Esipte le kɔlan malaa sɔlaa lon-nda. Vanaa tiindan soa, má kɔngan ɲɛla ɲaanannda soa nan-ndan kunda bɛndoo-a. A nɔ laalanndo o yoomuma vanaa ɲaanun o soa coo-a nin-ndan-a pɛɛn. Kɛ vanaa kan co O-Diandaa Israɛlla tofa le, a co sɔɔnguu Mɛlɛka o ibuŋ te!

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Rɔmnda 1:22

Nda pila va sangalanndo maa a kendu lakɔl, kɛ a siŋnun diɔmnda.

Matie 13:19

Kulun deli o nɛiyo demullo-on, mun co vanaa tuɛi sɔɛi masale Hala len, a bii ndi bila le-a ni. Vana vɔɔndo hin pɛ, o soli nda sɔɛi saŋnun ken nda o lakɔl-le o lakɔl.

Osee 7:10

Yonga Israɛlla co nda pila seilen tɛndallo, kɛ a co muungu Mɛlɛka Hala ndaa o ibuŋ te. A kon kpede, a co ya Mɛlɛka nuwviaa le.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Esai 9:13

Lelan, Mɛlɛka faŋanin bollen a puilen, siɔ̀ɔ́la vawlan a kpɛ̀ndɛ̀len o lɛŋnde Israɛl-ten nin o paalen ten pilɛ nin.

Talelan 1:22

‹Éé niaa vanaa bii haa dɛnɛ bila le-a! Mì la lo vɔ sina lepɛŋndo ho kaolaa háá lɔ́ɔ́ kuɛɛ nɛ? Niaa vanaa mamɔɔ tɛɛndannda yɛ, mì la lo vɔ mamɔɔ tɛɛndanndo ho háá lɔ́ɔ́ kuɛɛ nɛ? Kpòkóó niaa diɔmaa soondo vesɛiya ha! Háá lɔ́ɔ́ kuɛɛ niaa bɛɛ lo yɛnin dɛnɛ sinaa pɛɛsaa nuaa tuŋ?

Talelan 1:7

Siòòŋii Mɛlɛka-e nɔu, kon co kandɔn kɔlkaloo ni. Diɔmnda co kɔlkaloo a pɛɛkoo pɛɛsaa.

Condii lisai 94:8

La caa dɛ, niaa diɔmnda ha. Niaa vanaa kindu ha lakɔl te-a, lɔ́ɔ́ kuɛɛ niaa sɔ̀là yɛnin kɔlkaloo?

Condii lisai 53:4

Kɛ nda kpow, a mal nɛiyo má laasian. Vana-vana co dɛnɛ kɛndɛ tosa le, o pilɛ bɛɛ.

Rɔmnda 3:10

Maa mɛɛ o sɛvan yɛ aa: «Vana sandaa co le, o pilɛ bɛɛ.

Rɔmnda 3:12

Nda kpow a mal nɛiyo, má siŋnun vanaa fondoa. Vana-vana co dɛnɛ kɛndɛ tosa le, hali o pilɛ bɛɛ.