Rɔmnda 3:10 - BII BILA

¹⁰ Maa mɛɛ o sɛvan yɛ aa: «Vana sandaa co le, o pilɛ bɛɛ.

Rɔmnda 3:10 Referans Kwoze

Rɔmnda 3:23

Kani vanndacieea kpow a tosa hakio, má fola biilu Hala-o.

SƐBƐ YƆB-O 15:14

Yɛɛ vanacieo co yɛ le cɔnnɔnndo o diandaa? Yɛɛ hɔ́ɔ́ fula vanalanɔɔ o ipulu-o co yɛ le cɔnnɔnndo o sandaa?

SƐBƐ YƆB-O 25:4

Vɛ̀ɛ̀ vanacieo tiw yɛ ba mò sɔla dí a Hala? Vɛɛ nɛ hɔ́ɔ́ vanalanɔɔ velu-o nɔla yɛ mò va o diandaa?

Matie 15:19

Kani o kɔllo nin yiyannda vɔɔnndan, yeemɛi diyaa n'vanndacie-e, tiɔmɔɔ, suundaa, vuilen, seile lakafalen timbio a vannda diolan tɛɛmbuuo fula ni.

Yeremi 17:9

Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Marke 10:18

Mí Yeesu dimul ndu aa: «Le yɛɛ n co yɛ ya veeloo aa ‹o kɛndɔɔ?› Vana-vana niŋ te, fɔ Hala ndu pilɛ kpé.

1Piɛr 1:16

Kani o co o sɛvaa aa: «La va a diandaa, kani o diandaa ya co ni.»

SƐBƐ YƆB-O 14:4

Nɛ̀ɛ́ nɔla yɛ mò soli ɲɛ diandaa o ɲɛ nɔɔlɛiyo nin? Vana-vana nɔla ken tosa le.

Rɔmnda 3:4

Kɛì-kɛì bɛɛ! N sinan maa vana toɲaa Hala co ni. Vanndacieea nda, mɛɛ nda co kpede, vanaa lacòòvaa nda co ni. Maa mɛɛ o sɛvan yɛ aa: «Haliko ma sandu o sɔɔn nɔmndon nin, mà sɔla dío telen nda kialunin nɔm iyama-o.»

SƐBƐ YƆB-O 15:16

vɛ̀ɛ̀ o laalan yɛnin vanacieo, ó laasian hoo mó fula o báánin-ndo? Ó co hoo dɛnɛ sandaa lepɛŋndo kolɔɔ maa mamɛn-ndo!

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

Rɔmnda 11:8

maa mɛɛ o sɛvan yɛ aa: «Háá paalen nden haw, Hala yɔngu nda dialun vílɛ́in bɛndu-bɛndon, mó suumiaa nda yɔŋii nda cɔ, mó kindi nda nilan yɔŋii nda tuei.»

Condii lisai 143:2

Vana baala nɔmndo ya co ni, kialu ya iyama le, kani vana-vana sendu nɔm o hɔl te.

Rɔmnda 3:11

Vana-vana kindu kɔl te, vanndo pilɛ bɛɛ co Hala nuwviaa le.