Rɔmnda 2:9 - BII BILA

⁹ Dɛnɛ palaa a ɲɛ kindilaa vanin le vana-vana co dɛnɛ vɔɔndo tosaa, kandɔɔ a Yuifia, kɔ bii a vanaa co N'Yuifi le-a.

Rɔmnda 2:9 Referans Kwoze

1Piɛr 4:17

Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

Esekiɛl 18:4

Kani la tofa vɔ, le ya yoomulan kpede la co ni, yoomu poo co le ya mɛɛ yoomu fuɲaa po kon co le ya yɛ. Tan tiɔn kpow, sumialii ni la co ni. Lelan vana co hakio tosa-o, vana kon vunin ni.

2Tesalonikea 1:6

Nduyɛ Hala sandu, o saangiaanin vanaa co niaa saangiaa-a,

Rɔmnda 9:24

Naa n co yɛ kpɛɛnɛn mun ni, o tasoo, naa o veelu fulaa Yuifia tɛɛn-nda, kɛ kɔ bii niko a vanaa fula vanaa-mangalaa-isɔɔa celen tɛɛn-nda.

Rɔmnda 2:10

Kɛ nduyɛ, biiloo, bɛɛlen a kɔlɲuloo vanin le vana-vana co dɛnɛ kɛndɔɔ tosaa, kandɔɔ a Yuifia, kɔ bii a vanaa co N'Yuifi le-a.

Dɛnnda kiilaa 3:26

Le niaa Hala cuu vana ndɔ baalaa ni. O cuu ndu haliko mi vana-vana mal kela ndɔ vɔɔndo, mì la sɔla duaa.»

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Kolɔsea 3:11

Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

Kalatea 3:28

Yuifnɔ co lɛ le, Krɛkinɔ co lɛ le, cɛ co lɛ le, vana co o ba ndɔ coo co lɛ le, vanapɔnɔ co lɛ le, vanalanɔ co lɛ le, kani mɛɛ niaa co kpede, ɲɛ pilɔɔ kpé niaa co o Yeesu Krista nin ni.

Rɔmnda 10:12

Lelan, hiyan co Yuifia a vanaa co N'Yuifi le-a tɛɛn te. Bau nda kpede, Mɛlɛka pilɔɔ nda nɔ ni, o co vanaa co ndu veeloo-a ɲɛm ndɔn keo-vo.

Dɛnnda kiilaa 28:28

Lelan, la sínà maa sɔɛi cinda fula Hala o ba-o yɔngunnin vanaa co N'Yuifi le-a, mà bii ndi.» [

Dɛnnda kiilaa 28:17

Palɛi yaa o kon kɔɔli, mí Pol veelu simlacia Yuifia va Rɔm-nda o ndu lo. Mɛɛ nda cuungian, mó dimul nda aa: «Puapilɛa nia, i tɛɛmbuu isɔɔ oo isɔɔ a vanaa naa le, te kon te o naamula fuɲaa naa mamaa nin te. Kɛ nduyɛ, má bii ya Yerusalɛm, má mal-la rɔmnda o ba.

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Dɛnnda kiilaa 20:21

I veelu Yuifia a vanaa co N'Yuifi le-a le vulan baŋɔɔ Hala o labɛngunin, a le Maalii naa Yeesu laalanndo.

Dɛnnda kiilaa 13:26

Puapilɛa nia, niaa fula o polale Abraham-nden nin, mí la nɔ siòòŋii Hala-e, mí la va naa tɛɛn nanu-a, naa Hala cuu sɔɛi cindɛi he ni.

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Matie 16:26

Vanacieo sɔla bɛɛ ceendo ho kpede, te yoomu ndɔɔ hɛlun ndu pɛ, tɔnɔ yɛɛ o sɔla yɛ o kon? Te kon te, yɛɛ kpeekpei vanacieo yɔngù yɛ le yoomu ndɔɔ singaa?

Amɔs 3:2

‹O yungula co o lɛŋnden coo lan kpow tɛɛn, niaa pilɛ kpé ya hɛli ni. Lelan, i co niaa hunɔɔ kɔɔsɔɔ ɲuna le dɛnnda niaala vɔɔnndan kpow.

2Dɛnnda lemasalan 6:23

yandi nɔm Mɛlɛka, yaŋ ndu nilan nɛɛ n co o halataala-a ma tosa ɲɛ. Kiolu yamɛi vanaa nɔmaa baalaa tɛɛn, ma yaala vana vɔw-vo, mò sɔla sangaa le kela ndɔ vɔɔndo, ma ke vana nɔ dí-o dí ndɔɔ, ma bii ndu mɛɛ sakpoyɛi ndɔɛi co yɛ.

Condii lisai 32:10

Dɛnɛ palaa co le vanaa kɔlvesɛiya-o co o bɔɔ, kɛ Mɛlɛka co vanaa co ndu tiindanndo-a kɛndɛi tosallo.

Talelan 11:23

Yeemɛi vana sandaa co dɛnɛ kɛndɔɔ kínɛí ni. Kɛ tiindan vanaa kɔlvesɛiya co kɔltuwvo ni.

Esekiɛl 22:31

Lelan ya co kɔl ni tuwvo cucɔɔ nda coo ni, i co yinnde kɔl ni fulaa kpow tuisi nda coo, i co dɛnnda ndalan tuisi nda pila o lebol.» Sɔɛi fula Maalii o sondo-e co ken ni, Mɛlɛka pɛɛn.

Rɔmnda 8:35

Nɛ̀ɛ́ sɛi yɛnin naa a canyɛi Krista-e? Mo va maa dɛnɛ palaa ni? Buulan bɛndoo bàà? Yaamɔɔlen bàà? Yiaan bàà? Bala fondolan bàà? Kpundɛlan bàà? Mɔɛi cɔwve bàà?