Rɔmnda 2:8 - BII BILA

⁸ Kɛ o tuisinin kɔltuw ndɔɔ a hiilɛi ndɔɛi vanaa sɛɛngiaa ndu, má kɛɛ toɲaa, má muungu bollen vowvo o dɛnɛ vɔɔndo nin-nda coo.

Rɔmnda 2:8 Referans Kwoze

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

1Piɛr 4:17

Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?

2Tesalonikea 1:8

O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

Talelan 13:10

Yongaa hun a sɛɛngianndan ni, kɛ le vanaa bii silaa-a kɔlkaloo co ni.

Dɛnnda cɔɔmuanndan 14:10

ndu bɛɛ kolnin mɔima kɔltuwma Hala-an, ma nda bingulan te-an, má vow man o taala kólaa kɔltuw ndɔɔ nin. O dɔawnunnin yɛɛvɛ o fungu leyinndo nin mɛlɛkaa diandaa a saa téndóó o hɔl.

Hebreea 11:8

A laalanndo Abraham cɛl veelu Hala-o ni, mó kɔa o lɛŋnde Hala yiilu ndu kpemaa le ndu len keo kɛ́ɔ len nin, ndóò sínà vɔ bɛɛ lon te, mó kɔa.

Hebreea 10:27

fɔ calle cumndo a siòònde, le yamɛi Hala kilulnin vana kon-nde a yinnde bɛndule loamnin vanaa nila kalua len.

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

Tite 3:9

Kɛ vow sondoo o sɔɔn idiɔmndon nin te, diola fuɲaa-mamaa dimio o polalen, sɔngɔlan a sɛɛngianndan o tɔŋndo coo. Kani n yɔngù vana tɔnɔ oo tɔnɔ le, n nɛŋì vana ɲɛ-ɲɛ le.

1Korɛntea 11:16

Te vana pum yeema yɛ pɛ mò sɛɛngiaa, mɛɛ mò sínà maa naamu vaa lende co naa tɛɛn te, vanaa laalan Hala kpow-va bɛɛ nɔ naamu vaa lende le.

Rɔmnda 15:18

Kani i diminin isɔɔ oo isɔɔ le, te o co sɔɛi Krista tosa o ya nin-nde le, sɔɛi o tosa mí vanaa co n'yuif le-a bii sɔɛi Hala-e yɛ. A sɔɛi sondoei a á dɛnndan o tosa ken

Rɔmnda 10:16

Kɛ o co vannda kpow le a cɛl Yoongu kɛndɔɔ le. Mí Esai dimi ndi aa: «Mɛlɛka, nɛ̀ɛ́ laalan yɛ sɔɛi naa n co yondaa-e?»

Rɔmnda 9:22

Hala yeema le kɔltuw ndɔɔ cɔmndo haliko mi vannda sina kpaaya ndɔɔ. Nduyɛ, biwnɔnndo pila o biwnun a vanaa kɔltuw ndɔɔ va le nda-a ni. Kɛ nduyɛ telenndo ndóò tiiya nin le tambii ndɛi.

Rɔmnda 6:17

Kɛ kɛɛmasɔlan Hala le, la va cɛa hakia, kɛ mí la bii sɔɛi a kɔlta niaalan kpow, sɔɛi pɛɛku niaa sɔla-o pɛɛn.

Rɔmnda 1:18

Kɔltuw Hala-o cɔmnun ceen fulaa o halataala le dɛnnda vɔɔnndan kpow a le dɛnɛ sandaa lepɛŋ vanndacieea co tosaa-o. A co toɲaa vionɔɔ a dɛnnda vɔɔnnda nda co tosaa lan.

Nahum 1:6

Nɛ̀ɛ́-nɛ̀ nɔla yɛ mò simul kɔl ndɔ tuwvo? Nɛ̀ɛ́ tiw yɛ ba mò lo yoomu a yinnde ndɔle kɔltuwlen? Maa leyin kɔl ndɔ tuwvo keleŋa tiwvo ni, hali powtan mi la piɔsi ndu o hɔl.

Esai 50:10

O niaa tɛɛn, vana-vana nɔ pɛ siòòŋii Mɛlɛka-e, mɛɛ o yaŋ nilan o diom vana baala ndu Mɛlɛka-o! Vana-vana co kelaa o ɲumndan nin mì ɲɛ-tengaa va ndu pɛŋnden, mɛɛ vana kon kɔngan diola Mɛlɛka lan, mò tiindan Hala ndɔɔ!

Condii lisai 90:11

Ɔ́ɔ̀ vana sina kpaaya kɔltuw nɔmndo-o? Nɛ̀ɛ́ sina yɛ kɔl tambɛi nɔmndo, o yɔŋ mì siòòŋii nɔmnde bii naa-o?

SƐBƐ YƆB-O 24:13

Vanaa co kon tosaa-a siŋnun yaamɔaa ɲɛ-tengaa, a sina nɛila ndɔlan te, a co kela o nɛila ndɔlan coo le.

1Piɛr 3:1

Niaa vanlaandua bɛɛ, vana-vana tuisin pɔnɔ ndɔ o labɛngunin, o kon hali mì a pum o nda tɛɛn a laalan sɔɛi Hala-e le, mà sɔlan le kela laandua ndaa, o ve a isɔɔ le,

2Dɛnnda lemasalan 6:23

yandi nɔm Mɛlɛka, yaŋ ndu nilan nɛɛ n co o halataala-a ma tosa ɲɛ. Kiolu yamɛi vanaa nɔmaa baalaa tɛɛn, ma yaala vana vɔw-vo, mò sɔla sangaa le kela ndɔ vɔɔndo, ma ke vana nɔ dí-o dí ndɔɔ, ma bii ndu mɛɛ sakpoyɛi ndɔɛi co yɛ.

Talelan 11:23

Yeemɛi vana sandaa co dɛnɛ kɛndɔɔ kínɛí ni. Kɛ tiindan vanaa kɔlvesɛiya co kɔltuwvo ni.

Yeremi 34:18

I malnin vanpiaandua tɛɛmbuu kan kpema nuu-a yaamɔɔa o ba. A kɛɛ kan kela o nɛila kpema nda yii ya o hɔl-lo lan coo-a pɛɛn. Nda yɛ, má kei o bungan miuŋun naw sálà nda dii-o tɛɛn.

Esekiɛl 22:31

Lelan ya co kɔl ni tuwvo cucɔɔ nda coo ni, i co yinnde kɔl ni fulaa kpow tuisi nda coo, i co dɛnnda ndalan tuisi nda pila o lebol.» Sɔɛi fula Maalii o sondo-e co ken ni, Mɛlɛka pɛɛn.

2Korɛntea 12:20

Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.

Kalatea 5:20

piɔmnda sooloo, mangalaa, nɛyɔnndo, diomnda biinannda lepɛŋndan, paŋalaa, yolɛi, siinganndo, piɔvianndan, kundala sɛɛngianndan kilaa,

Filipea 1:17

Vanaa co yɛ vannda sɔɛi Krista-e tiiyallo a paŋalaa-a, a nɔ yiyannda kɛndɛ le, a co yiyanndo le sanga nuu cɔɔloo o kaasoo.

Filipea 2:3

La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

Nsaki 3:14

Kɛ te la nɔ pɛ paŋala vɔɔndo a sɛɛngianndan niaa o lakɔl, mɛɛ la kuundian mì la dimí còòlan a toɲaa o kɔɔ le.

Nsaki 3:16

Kani nɛɛ paŋalaa a sɛɛngianndan la co-a, lon koni dɛnɛ laasiɛiyo a dɛnnda vɔɔnnda súú-súù ka la co vɛlɛ ni.