Rɔmnda 2:5 - BII BILA

⁵ Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Rɔmnda 2:5 Referans Kwoze

Rɔmnda 1:18

Kɔltuw Hala-o cɔmnun ceen fulaa o halataala le dɛnnda vɔɔnndan kpow a le dɛnɛ sandaa lepɛŋ vanndacieea co tosaa-o. A co toɲaa vionɔɔ a dɛnnda vɔɔnnda nda co tosaa lan.

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

Yude 1:6

La yiyan-ndɔ sɔɛi mɛlɛkaa cɛl le lou o fonda ndaa le-a, kɛ má faŋan o calta ndalan, mí Hala bii nda o yɔlɔn le fɛɛn a fɛɛn. A co cumndo o ɲumma bɛnduan nin le paale bɛndule yamɛi kialunnin-nden.

2Piɛr 3:7

Halataalaa a lɛŋnden nden sisa, sɔɛi Hala-e pilɛi ken co lan mandaa le lan hunɔɔ tɛɛmbuuo o yin, le paale kialaa iyamalen a le tambii vanaa vo Hala le-a.

Hebreea 3:15

O co o sɛvaa aa: «Te la tuei pɛ hau diom Hala-o, la kìndì nilan maa mɛɛ o tosan paandu mí la simul ndu yɛ le.»

Tɔŋ miingua 32:34

Kɛ ɲɛ pum co ya o ba o kɛsiaa, i mandan ɲɛ pum o ba kɔ́dɔ́ le nda.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Hebreea 4:7

Mí Hala hɛli vɛlɛ paale celen, mó veelu len aa «hau». Mí vɔsila bɔɔ-bɔɔ la hiaw o kon kɔɔli, mó dimi ndi vɛlɛ a sondo David-o, o bungɛi naa n dimi nihaw-ve nin aa: «Te la tuei pɛ hau diom Hala-o, la kìndì nilan te.»

Hebreea 3:13

Hau-hau, Hala co hiovɔɔ laci a sɔɛi o niaa lo. Lelan, la va lɔ́ɔ́-lɔ́ɔ̀ yoomuan lueinanndo vellaa-velle telen o co vɔ sɔɛi-yo. Haliko haki luei niaa o lapɔw nin te, vana kindi vɛlɛ lani o niaa tɛɛn mò kɛɛ le sɔɛi biyɔɔ le.

Rɔmnda 9:22

Hala yeema le kɔltuw ndɔɔ cɔmndo haliko mi vannda sina kpaaya ndɔɔ. Nduyɛ, biwnɔnndo pila o biwnun a vanaa kɔltuw ndɔɔ va le nda-a ni. Kɛ nduyɛ telenndo ndóò tiiya nin le tambii ndɛi.

Condii lisai 110:5

Maalii co nɔm ikɛi. Paale o tambunin kɔllo len, o ciimiaanin masaa.

2Dɛnnda lemasalan 30:8

La tosà nila kalulan maa fuɲaa niaa mamaa kan te. La tuisin tootoo Mɛlɛka o hɔl. La muungu o Fonda-Diandaa o dindi le lɔ́ɔ́-lɔ́ɔ̀-o nin. La tosál ndu Mɛlɛka Hala niaa baalaa, haliko mi kɔl ndɔ tuw bɛndoo faŋan niaa coo.

1Samiɛl 6:6

La kíndì nilan maa mɛɛ masaa Esipte nda Esiptea tɔ̀a tosa yɛ le dɛ! Vɛ̀ɛ̀ la loonun pá ɲɛ Hala tosal nda lɔ́ɔ́ pá má mal Israɛlla kɔlan-ndo?

Dɛnnda cɔɔmuanndan 6:17

Kani paale bɛndule kɔltuw ndaa le tiiya, nɛ̀ɛ́ nɔla yɛnin simndan?»

Nsaki 5:3

Sianin niaan a volin niaan sɔva. Sɔva kon vanin seilen le niaa ni, mò lom dialun niaan maa leyin. La cuungiaa bolofaa o palɛi mɛɛlɛi he.

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Daniɛl 5:20

Kɛ mó kuundian háá mí kɔl ndɔɔ pia a yongaa, mó kindi nilan. Lelan, mí Hala faŋa ndu o kpɛŋɛ ndɔ lemasaa coo. Mí biilu ndɔɔ hialun ndu.

Esekiɛl 3:7

Kɛ cuavaa Israɛlla nda yeemanin le naa nilan yaŋɔɔ o sɔɛi nɔmnde le, kani a yeema le ya pila nilan yaŋɔɔ le, bau cuavaa Israɛlla kpede, vanaa bolii kalaa a vanaa bii isɔɔ le-a nda co ni.

Esai 48:4

Kani yáà sina maa vanaa nila kalua niaa co ni, maa la kindi kɛsun niaan maa icilin, maa tendun niaan co n kala kpoke maa idaɲa.

Talelan 29:1

Vanndo kindi pɛ nilan, mò kɛɛ le sɔvun nda cɔm ndu-on yɛlɛmaa, o tambu o lepilɔɔ, toosiaa kɛ́-kɛ̀ ve lɛ le ndu le.

Talelan 11:4

Bolofaa nɛŋi ɲɛ-ɲɛ o paale kɔltuwle Hala len coo le, kela sandaa baŋa vana o piɔ́mndo hɔl-ndɔ ni.

Condii lisai 95:8

‹La kindi nilan mɛɛ niáà kindi lan Meriba yɛ le, mɛɛ niáà tosa lɔ́ɔ́ kon o lɛŋnde veselɛilen nin Masa yɛ,

SƐBƐ YƆB-O 21:30

O paale dɛnɛ palaalen, vana dɛnɛ vɔɔndo sɔla dɛnɛ palaa le. O paale kɔltuwlen coo, ɲɛ-ɲɛ yɔŋnun ndu le.

2Dɛnnda lemasalan 36:13

Mó simul vɛlɛ masaa Nebukanɛsar, óò vem ndu mɛnanndo o diola Hala lan-ndo. Mó luɛi o seesiɛi, mó kindi nilan, mó kɛɛ le Mɛlɛka Hala Israɛlla muungoo o ibuŋ.

Yosue 11:20

Kani Mɛlɛka pila tosa ni má kindi nilan a Israɛlla, má ciŋilan nda a cɔw lambaa-lambaa. Lelan, Israɛlla tosa iɲíí a nda le, má diw nda kpede maa mɛɛ Mɛlɛka pila ndóò dimul Moise yɛ.

Tɔŋ miingua 2:30

Kɛ mí Sihon, masaa Hɛsbɔn kuuna naa le keiyo o lɛŋnde ndɔlen nin. Kani mí Mɛlɛka Hala niaa kindi ndu nilan haliko mi ndóò del niaa o ba paale len a lɛŋnde ndɔlen kpow.

Fulaa 8:15

O kon, mí vanaa mangalaa kan dimul Faraɔnnɔɔ aa: «Kpaaya Hala-o kposon co mɔnɛ soli nuaa ni.» Kɛ a kon kpow, mí Faraɔnnɔ kon kindi nilan kpoke maa mɛɛ Mɛlɛka ndóò dimi yɛ, o bii sɔɛi Moise nda Aarɔn-nde le.

Amɔs 3:10

À sina mɛɛ vana tosa dɛnɔɔ o sandei nin yɛ le. Ya Mɛlɛka soo nuaa ni. A co ɲɛm nda sɔla a kɔlvesɛiyo-on, a n nda sɔla o delɔɔcoo nin-ndon cuungiaa kundala bɛndulan o cɛila lemasala ndalan nin.

Fulaa 14:17

Ya yɛ, i co Esiptea nilan kindi háá mà tol le taŋɔɔ niaa kɔɔli. O kon, i co kei a Faraɔnnɔɔ a á vanaa ndɔa cɔwva kpow, ɲɛla ɲaanannda ndalan a vanaa ndɔa ɲaanun o soa coo-a, mì cɔm biilu nuu.

Fulaa 32:34

Lelan, tol ma kɔɛ a vannda ha o fonda ya dimul nɔm le kɔlan a nda-o. Mɛlɛkanɔ nuu vanin kɔlan nɔm laci. Kɛ paale pum, i kɔɔsanin a nda, mì soŋ nda le haki nda tosa-o.»

Talelan 1:18

Vanaa kan, nda pila co soonndan tuwnɔnndo ni. Dúmbúla nda co yiiyo lan la mingulun nda pila.

Talelan 28:14

Dɛnɛ kɛndɔɔ co le vana siòònde co lɔ́ɔ́-lɔ́ɔ̀ le dɛnɛ vɔɔndo tosaa-o. Kɛ vana kindi pɛ nilan, o delnin o dɛnɛ palaa nin.

Yeremi 40:3

Mí Mɛlɛka peelu ɲɛ ndóò dimi-o, kani la cua hakio a Mɛlɛka, mí la kɛɛ ndu diom. Lelan hee co niaa coo ni.

Esekiɛl 11:19

I yɔngunin niaa kɔl pilɔɔ. I vownin yiyan sɛnɛiyo nia nin. I solinin kɔl co niaa nin o kala kpoke maa pow-vo, mì yɔngu niaa kɔl n'diallo,

Osee 13:12

Yɔŋ vɔɔn cuavaa-imamaa Efraim-nda co o mandaa, hakila ndalan la co la kɛsiaa kɔ́dɔ́!

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

2Tesalonikea 1:5

Tɔɔmasele kon cɔm ni maa yamɛi Hala-e sandu, kani biwnɔn niaa co kon-ndo tosanin ni mì la siŋnun vanaa bɛnda le luɛyɔɔ o masale Hala len nin-nda, masale niaa co leen sangaa sɔlaa kɔɔli len pɛɛn.

Dɛnnda cɔɔmuanndan 2:21

I ke ndu telenndo le mangalanndo, kɛ o yeema mò mangalan, mò faŋan laasian ndɔ kon te.