Rɔmnda 2:27 - BII BILA

²⁷ Hali mì vanndo dii tooma o falon nin te, kɛ te o co pɛ kelaa o sɔɔn tɔŋndo dimi-on coo, mɛɛ ndu yaalanin nɔm. Kani nɔm síná hoo tɔŋndo, má dii toomaa-o co sɔɔn tɔŋndo dimi-on biyɔɔ le.

Rɔmnda 2:27 Referans Kwoze

2Korɛntea 3:6

Kani ndu siinguu naa vanaa baalaa kpema sɛnɛiya ni. O co le tɔŋ sɛvanndo le, kɛ le Kɔl-Diandaa. Kani sɛbɛ sɛvaa ndu, diyɔɔ o dii ni, kɛ Kɔl-Diandaa ndu, yoomoo o yɔngu vana ni.

Rɔmnda 8:4

O tosa ken, haliko mi sɔɔn tɔŋndo n peelun naa nin. O kon, o co lɛ o yeemɛi ivanacieeya nin te naa n co kelaa le, kɛ o yeemɛi Kɔl-Diandaa nin.

Rɔmnda 2:29

Kɛ Yuifinɔ kpeekpeiyo, ndu co vana co dɛnndan tosaa a kɔl ndɔɔ-o ni. Tooma kɔllo co tooma kpeekpeiyo ni, o fula Kɔl Hala-o o ba-o, o co ɲɛ co o sɛvaa-o le. O co n'vanndaciee o ba le candɔɔla vana kon la fula le, kɛ Hala o ba.

Hebreea 11:3

N laalàn Hala, lelan naa n bii bila ni maa a Sɔɛi Hala cɔw ceendo ni. O kon mí ɲɛm vana ca-on toosian a kpaaya ɲɛm vana ci le-on.

Kalatea 5:14

Kani tɔŋndo kpede peelun o sɔɛi he ndii pilɛ kpé nin aa: «Kaola caanda maa nɔm pila.»

Rɔmnda 13:10

Vana kaola caanda-o ndu tosal vana dɛnɛ vɔɔn te. Lelan, kaolaa co peelɔn tɔŋndo ni.

Rɔmnda 2:20

maa vana pɛɛkaa le vanaa kindu lakɔl te-a, a vana pɛɛkaa cuaambɔa, kani a pɛɛku tɔŋndo má síná toɲaa.

Dɛnnda kiilaa 13:22

O kon kɔɔli, mí Hala kɛɛ Sol, mó hɛli David, mó siinguu ndu masaa. Mí Hala tɛnda seile ndɔlen aa: ‹I saalun David po Yisai-yo, o ya hini kɔl-lo, o tosanin ɲɛ-ɲɛ ya yeema.›

Matie 3:15

Mí Yeesu mulul ndu aa: «Cɛl pɔɔ mì i tosan lende, kani lende naa n bɛnda le dɛnɛ sandaa kpow peeloo ni.» O kon mí Nsaŋ cɛl.

Rɔmnda 2:15

Kon co cɔmndo ni maa dɛnɛ tɔŋndo co o sɛvaa nda o lakɔl, kɔlta ndalan la co lesei le ken. Yiyannda ndalan bɛɛ la co lesei, lan la yaala nda lɔ́ɔ́ lepum ni, mì la cɔm nda kɔɔsɔɔ.

Rɔmnda 2:25

I co toɲa maa o naŋ mì vana dii toomaa, te vana kela pɛ o sɔɔn tɔŋndo dimi-on coo. Kɛ vana tɛɛmbuu pɛ tɔŋndo, mɛɛ tooma n dii-o siŋnun maa lekɔ̀ndé.

Rɔmnda 2:26

Te kɔ̀ndénɔɔ kela pɛ mɛɛ tɔŋndo dimi yɛ, vɛ̀ɛ̀ a kɔ̀ndéle ndɔle len kpede, o co maa falenɔ le o co le?

Rɔmnda 3:30

kani Hala ndu pilɛ kpé co ni. O kenin vanaa dii toomaa-a dio le laalan ndaa, mò ke vɛlɛ vanaa dii tooma le-a dio le laalan ndaa.

1Korɛntea 7:19

Vana dii tooma, vana dii tooma le, kon co ɲɛ-ɲɛ le, tɔŋnda Hala lan biyɔɔ co bollen ni.

Efɛsea 2:11

La yiyan ndɔ mɛɛ niaa va paandu yɛ, la co N'Yuifi le. Yuifia a va niaa veeloo aa kɔndɛa, mí nda pila va veelɔnndo aa falennda le tooma n'falu nda dii-yo.

2Timote 3:15

a sínà vɛlɛ mɛɛ n loonun sɛbɛ Hala-o cɔn o cuaambɔyɛi nɔmnde nin yɛ. Kon nɔla mo ke nɔm kɔlkaloo haliko ma sɔla laalan yɔngunin nɔm cindaa sɔlaa o Yeesu Krista nin-ndo.