Rɔmnda 2:24 - BII BILA

²⁴ Maa mɛɛ o sɛvan yɛ aa: «Sɔɔn tanan dimin a diola Hala lan o kɔɔ vanaa súúla celen tɛɛn le niaa vanaa sínà Hala-a.»

Rɔmnda 2:24 Referans Kwoze

Esai 52:5

Sisa yɛ vɛlɛ niko, yɛɛ nɛ ya bɛnda yɛ mi tosa? Kani (vannda) cua yungu nuu fondo fúú a paa-kala?» Mɛlɛka ɲuna nuaa ni. «Vanaa kɔlvesɛyaa ndaa co yoondiaa.» Mɛlɛka soo nuaa ni. Diola nilan la co niinoo tɛɛmbɔnndo kpɛŋ.

2Piɛr 2:2

Vanaa bɔɔ-bɔɔ a delnin laasian nda kon kɔɔli, o kon mi vannda dimi sɔɔn pɔmbɔn a nɛi toɲaa o kɔɔ le nda.

Tite 2:8

Mì sɔɔn nɔmndon n sandu, vana nɔla mun sɛɛngiaa le, o kon mì yaamɔɔa laasian, a nɔla lɛ ɲɛ-ɲɛ vɔɔn dimi a naa o kɔɔ le.

2Samiɛl 12:14

Kɛ le tùú n tosa dɛnɔɔ ho mà yɔngu yaamɔaa Mɛlɛka-a fɛɛlɔɔ le ndu tɛɛndanndo-o, po n velu ho-o lonin te, vuo o co ni.»

Tite 2:5

mà va vanaa bii kɔlta ndalan-nda, a vanaa dendu Mɛlɛka o hɔl-la. Mà va vanaa bii cɛila ndalan-nda, vanaa kɛndɛa a vanaa ke piaandaa ndaa bɛɛlen-nda, yɔŋii vannda dimi sɔɔn vɔɔnndon a sɔɛi Hala-e o kɔɔ.

1Timote 6:1

O bɛnda mì vanaa-vanaa co cɛa ke vanaa ndaa bɛndua bɛɛlen mɛɛ o bɛnda yɛ, yɔŋii vannda soo sɔɔn vɔɔnndon a Hala naa a á pɛɛkula naalan o kɔɔ.

Matie 18:7

Dɛnɛ palaa co le ceendo, le tùú o co vannda pelon lueiyo o pɔwlan nin-ndo. I co toɲa maa fɔ mí pɔwlan la yɔŋnun, kɛ dɛnɛ palaa co le vana co yɔŋnɔn sabu le pɔwla lan yɔŋnɔnndo-o.

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

Esekiɛl 20:27

Lelan, nɔm Po vanacieo, soo o cuavaa Israɛlla lo má dimul nda aa nuaa Maalii, o co Mɛlɛka-o dimi ni aa: ‹Mí fuɲaa niaa tɛɛndan ya vɛlɛ, a yɔŋnun vanaa lo o lediom coo a ya le.