Rɔmnda 2:21 - BII BILA

²¹ Kɛ nɔm co caanda pɛɛkoo-o, vɛ nɔm pila pɛɛkun te? A co vannda yondallo maa vana yɔŋ levui le, vɛ mì nɔm pila va vuilen tosaa?

Rɔmnda 2:21 Referans Kwoze

1Korɛntea 9:27

Kɛ i co dialun nun yɛlen tollo, mì va sangaa handɔɔ coo, yɔŋii ya cii caanda pɛɛku mì ya pila del.

Luke 12:47

Buɛi sina kon hɛnan vana ndɔ bɛndoo, kɛ o toosiaa ɲɛ-ɲɛ loo, o tosa vɛlɛ hɛnan vana ndɔ bɛndoo loo sɔlanin lɔɔ taw.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Luke 11:46

Mí Yeesu mulul ndu aa: «Niaa bɛɛ, dɛnɛ palaa co le niaa, niaa vanaa sina tɔŋndo taw-va! Kani volɔɔla lusulaalan niaa co vannda siiluuo ni, la niaa pila yee bɛɛ suei mì la pilan te lan.

Luke 19:22

Mí vana ndɔ bɛndoo dimul ndu aa: ‹Nɔm vana baala vɔɔndo ho, i co nɔm iyama kiolɔɔ a sɔɔn fula nɔm pila o sondo-on. A va sinaa maa vana ya co-o, dɛnɛ nuu kendu bɔɔ, maa ɲɛ ya kɛsi loo ndu ya cua ni, ɲɛ ya seŋ too ndu ya koaw ni.

Luke 4:23

Mí Yeesu dimul nda aa: «A toɲa, la dimulnin ya taloo ho aa: ‹Nɔm vana singiaa, nɔm pila singin-ndɔ.› Mì la dimi vɛlɛ aa: ‹N tuei dɛnnda n tosa Kapɛrnaiim-ndan kpede tɔ́ɔ́, tosa vɛlɛ dɛnnda pilɛla lan o lɛŋnde nɔmnden nin nanu.›»

Matie 21:13

O kon kɔɔli mó dimul nda aa: «O co o sɛvaa aa: ‹Cɛi nuu veelunnin aa Cɛi lepiɛiyo.› Cɛi kon niaa niaa siinguu buulula vuiya nuaa ni.»

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Kalatea 6:13

Kani nda pila dii tooma kon-nda, a co kela o tɔŋndan coo le. Kɛ yeemɛi ndɛi sii co ni, mì la cɛl le toomaa diyɔɔ, haliko ma va sangalanndo maa nda tosa ni mi la dii toomaa.

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

Esai 42:20

A ce sɔɔn taw, kɛ a manda mun te, vannda nɔ nilan la kumbialan, kɛ a tui le.