Rɔmnda 2:17 - BII BILA

¹⁷ Tofa-vɔ, nɔm pila co veelɔnndo aa Yuifnɔɔ, a tiindan tɔŋndo, a co lisanndo maa a sínà Hala,

Rɔmnda 2:17 Referans Kwoze

Rɔmnda 2:23

A co kuundianndo maa a sínà tɔŋndo, kɛ a co Hala bɛ̀ɛ̀lan tɛɛmbuuo a tɔŋ n co tɛɛmbuuo-o.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Dɛnnda cɔɔmuanndan 2:9

I sina dɛnɛ palaa nɔmndo a pɛŋnde nɔmnden, kɛ o kpeekpeiyo nin, vana bolofaa n co ni! I sina mɛɛ vanaa co N'Yuifi le-a kɛ ma va veelɔnndo aa Yuifia-a a co nɔm congulan yɛ, kunda Setana-o vanaa kan co ni.

Rɔmnda 9:32

Le kɔlɔ yɛɛ nɛ kon? Kani o co a laalan te Iraɛlla va ndu nuwviaa le, kɛ le dɛnnda ndalan cɔmndo. Mí ken yɔŋnun pow boŋaa le nda,

Nsaŋ 5:45

La yiyan maa i lɔalunin niaa o Pua lo le. Vana co niaa lɔlɔɔ-o co Moise ni, ndu niaa kɛsi kɔllo coo ni.

Matie 3:9

La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

Dɛnnda cɔɔmuanndan 3:1

Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Efɛsea 2:11

La yiyan ndɔ mɛɛ niaa va paandu yɛ, la co N'Yuifi le. Yuifia a va niaa veeloo aa kɔndɛa, mí nda pila va veelɔnndo aa falennda le tooma n'falu nda dii-yo.

Kalatea 2:15

Naa naa, Yuifia naa n co kabi o violɔnndo ni, n co vanaa súúla celen te, a sínà tɔŋ Hala-o le-a.

2Korɛntea 11:22

Vɛ̀ɛ̀ Hebreea nda co ni? Ya bɛɛ Hebreenɔɔ ya co ni. Vɛ̀ɛ̀ Israɛlla nda co ni? Ya bɛɛ Israɛlnɔɔ ya co ni. Cuavaa-imamaa Abraham-nda nda co ni? Ya bɛɛ cua ndɔ kon ya co ni.

Nsaŋ 8:41

Dɛnnda fuɲa nia lan niaa co tosaa ni.» Má dimul ndu aa: «N co cuavaa sámá le. Fuɲa ndu pilɛ kpé naa n nɔ ni, Hala pɛɛn.»

Nsaŋ 8:33

Má mulul ndu aa: «Cuavaa-imamaa Abraham-nda naa n co ni, lepilɛ bɛɛ n tosa lecɛ vana o ba le, le yɛɛ n co yɛ naa dimullo maa mì n fula o cɛlen nin?»

Nsaŋ 7:19

Vɛ̀ɛ̀ o co tɔŋndo le Moise ke niaa le? Nduyɛ niaa kpede, vana-vana co kela o tɔŋ kon coo le. Le yɛɛ niaa co yɛ niko nɛilan nuwviaa le ya diyɔɔ?»

Luke 10:28

O kon, mí Yeesu mulul ndu aa: «A bɛɛndiaa muli, tosa lende mà sɔla cindaa.»

Sofoni 3:11

«Paale len, niaa vanaa co vanaa nia-a, siɛmbula bii lɛnin niaa le dɛnnda vɔɔnnda niaa tosa paandu a ya lan te. Kani i faŋanin vanaa yongaa niaa tɛɛn. O kon, la pɛnginin yongaa tosaa o pembii nii diandɛi coo.

Esai 45:25

Cuavaa-imamaa Israɛl-la kpow sɔlanin dɛnɛ sandaa a bɛɛlen Mɛlɛka o ba.

Condii lisai 135:4

Kani o cii Yakɔb hɛli, o cii Israɛl siinguu o ndɔɔ.

Nsaŋ 5:39

La co O-Sɛvanndo yaasiaa ɲɛkɛndɛi, kani la yiyan maa lenin niaa sɔlanin cinda fɛɛn-fɛɛndo ni. O-sɛvan kon-ndo kpeekpei co seile nilen timbio ni.

Rɔmnda 3:27

Ɔ́ɔ̀ niko kɔlɔ naa n co kuundianndo-o? O co sɔɛi vana kuundian te. Kuundianndo le tɔŋ kuɛɛ nɛ? Le dɛnnda kuɛɛ nɛ? N bɛnda mì n kuundian le ɲɛ-ɲɛ le, fɔ le tɔŋ laalanndo.