Rɔmnda 2:16 - BII BILA

¹⁶ Ken fulanin ceen o paale Hala tosanin mì Yeesu Krista kelu dɛnnda viannannda vanndacieea yamɛi len, maa mɛɛ Yoongu kɛndɛ ya co dimio-o co yɛ.

Rɔmnda 2:16 Referans Kwoze

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Dɛnnda kiilaa 17:31

Kani o cii paalen kiolɔɔ, paale o kialunin vannda kpow iyama o sandei nin-nden, vana o hɛli-o tosanin kon ni. O cɔm vannda kpow tɔɔmasele kon a tindi o tindi ndu fulaa vanvílɛ́iya tɛɛn-ndo.»

Dɛnnda kiilaa 10:42

Yeesu dimul naa le vannda Yoongu Kɛndɔɔ ho tiiyallo, mì n tɛndal nda vɛlɛ seilen maa: ndu Yeesu Hala hɛli le yamɛi kiolɔɔ vanaa co yoomu-a a vanvílɛ́iya tɛɛn ni.

Luke 8:17

Kani ɲɛ-ɲɛ co o vianan, o fulanin ceen vakpa, dɛnɛ oo dɛnɛ co le, o kɛɛnin cɔmnɔn vannda o hɔl-lo.

1Piɛr 4:5

a dɔawnunnin kona o vana kialunin vanaa co yoomu-a a vanvílɛ́iya iyama-o lo.

Rɔmnda 3:6

Kɛì-kɛì bɛɛ! Vɛ̀ɛ̀ Hala kialu yɛnin yamɛi ceendo o kon?

Condii lisai 98:9

Mɛlɛka o hɔl! Kani o co hunɔɔ lɛŋnden iyama kiolɔɔ. O kialunin nden iyama o sandei nin, mò kelu vannda iyama a toɲaa.

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

2Timote 4:1

I co nɔm sila Hala hɔl a Yeesu Krista o hɔl kpendekele, o co hunɔɔ kɔɔsɔ vanaa co yoomu-a a vanaa vi-a kiolɔɔ-o, mì sila nɔm o diola hunɔɔ ndɔɔ a o diola Masale ndɔlen,

2Timote 2:8

Loonun a Yeesu Krista o kɔɔ, o fula o polale David len nin, mó tendul-lo, mɛɛ Yoongu Kɛndɛ ya co dimio-o co yɛ.

1Timote 1:11

Pɛɛku kalaa co o Yoongu kɛndɔɔ nin, ó yɔngùn ya fulaa Hala biiloo bɛnda-o o ba-o.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Nsaŋ 12:48

Vana kɛɛ ya pɛ, mò bii sɔɔn nun te, ndu nɔ vana yaalanin ndu-o, sɔɔn ya pɛɛku vannda-on yaalanin vana kon o paale mɛɛlaalen ni.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

2Timote 4:8

Nduyɛ, Mɛlɛka cii vɔ̀ngɔ̀ nuu manda. Ndu Mɛlɛka sandaa kialu yamɛi-yo yɔngunin ya ndu paale o kialunin vannda iyama len. O co ya kínɛí le o yɔngunin ndu le, kɛ vanaa cumnin hunɔɔ ndɔɔ a kaolaa-a kpow o yɔngunin ndu ni.

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Vana Kɔlkaloo 3:17

O kon, mí yiyan o kɔl nuu nin maa Hala kialunin vana sandaa a vana kɔlvesɛiyo iyama. Bau telenndo vanin le dɛnndan kpow, dɛnnda naalan kpede la kialunnin iyama.

Condii lisai 96:13

Mɛlɛka o hɔl! Kani o co hunɔɔ, o co hunɔɔ le lɛŋnden yamɛi kiolɔɔ. O kialunin lɛŋnden iyama o sandei nin, mò kelu vannda iyama mɛɛ toɲa ndɔɔ co yɛ.

Condii lisai 50:6

Halataalaa co cɔmndo maa Hala sandu, kani ndu Hala pila co vana kialaa n'yamaa ni.

O Kandɔɔ 18:25

A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»

Kalatea 1:11

I co niaa ndi dimul puapilɛa nia: Yoongu Kɛndɛ ya dimi-o fula vanaciee o ba le,

1Korɛntea 15:1

Puapilɛa nia, i co niaa Yoongu kɛndɛ ya tiiyal niaa-o yiyalan, o niaa cɛl mì la sim lecoo yili-o.