Rɔmnda 2:15 - BII BILA

¹⁵ Kon co cɔmndo ni maa dɛnɛ tɔŋndo co o sɛvaa nda o lakɔl, kɔlta ndalan la co lesei le ken. Yiyannda ndalan bɛɛ la co lesei, lan la yaala nda lɔ́ɔ́ lepum ni, mì la cɔm nda kɔɔsɔɔ.

Rɔmnda 2:15 Referans Kwoze

2Korɛntea 5:11

Lelan, n sínà ɲɛ co siòòŋii Mɛlɛka-e nɔu-vo, n co kindinndo le vannda kɔltan mangalaa. Hala sínà naa ɲɛkɛndɛi. Nduyɛ, i laalan maa niaa bɛɛ, kɔlta niaalan bɛɛ la sínà kon.

Tite 1:15

Ɲɛ-ɲɛ co o diandaa le vanaa diandaa, kɛ ɲɛ-ɲɛ dindu le vanaa co a nɔɔlɛi Mɛlɛka o hɔl, mà kɛɛ laalan nda le, kani kɔlkalu ndaa a yiyan ndaa kpede la dindu le.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

SƐBƐ YƆB-O 27:6

I co ndi dimi, mì tiinda vɛlɛ maa kela nuu nɔ isɔw le. Ken ndi-ndi, lende i co ni, i mangalanin diom kon te. Kani paale pilɛ bɛɛ kɔl nuu cɔm ya biondɔn oo biondɔn te.

1Timote 4:2

A delnin vanaa muuluannda a vanaa lacòòvaa kɔɔli, mà laasian. Vanaa kan yɛ, yiyannda ndalan la co maa mɛɛ ciliŋii tuwve i tɛɛmbuu ɲɔɔ nuaa yɛ.

Rɔmnda 9:1

Toɲaa ya co dimi o Krista nin ni, o co lacòò le ya co dimio le, kɔl nuu bɛɛ co lesei o Hala Kɔl-Diandaa nin maa:

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

Dɛnnda kiilaa 23:1

Mí Pol tofa vanaa kialaa n'yamaa lelɛŋnda, mó dimi aa: «Puapilɛa nia, háá paalen nden hau, a kɔlkɛsiaa nuu kpow ya co Hala baalaa tosallo nuaa ni.»

Vana Kɔlkaloo 7:22

Kani nɔm bɛɛ, a sinà maa a co caanda congòó lɔ́ɔ́-lɔ́ɔ̀.

1Masaa 2:44

O kon mí masaa dimul ndu vɛlɛ aa: «Nɔm pila sina dɛnɛ vɔɔn n tosal David fuɲa ni-o, kɔl nɔmndo co lesei. Lelan Mɛlɛka co nɔm màá kon mingul.

O Kandɔɔ 20:5

Langbanɔ kon pila dimul-la ni maa yema ndɔ cua kon co ni. Mí cua kon bɛɛ peelu diomnde len, mó dimi maa yema ndɔ langbanɔ kon co ni. O co a kɔlvesɛi le ya tosa dɛnɔɔ ho le, kɛ i síná ndi pɛɛngu nuaa le.»

Nsaŋ 8:9

Ndáà tueyɔɔ lende, má muungun a pilɛn-pilɛn, kandɔɔ a kaasonnda. Mí Yeesu lo nda vuɛɛn kon kpé, vuɛɛndo va isisi o lawvo tɛɛn.

Rɔmnda 2:14

Te vanaa sínà Hala le-a, a nɔ tɔŋ te-a tosa pɛ ɲɛ tɔŋndo dimi-o, mɛɛ tɔŋndo nda co le nda pila ni, hali mà nɔ tɔŋ te.

Rɔmnda 2:27

Hali mì vanndo dii tooma o falon nin te, kɛ te o co pɛ kelaa o sɔɔn tɔŋndo dimi-on coo, mɛɛ ndu yaalanin nɔm. Kani nɔm síná hoo tɔŋndo, má dii toomaa-o co sɔɔn tɔŋndo dimi-on biyɔɔ le.