Kani Mɛlɛka Hala niaa, ndu co Hala hiow halaa kpow-vo ni, ndu co Maalii hiow maaliia-o ni, ndu co Hala bɛndoo ni, Hala kpaayaa, a kpúlúnkùmaa o co ni. O híyàn vana le, vana nɔla mà luɛi ndu nin a ɲɛ-sɔlaa le.
Lelan, la ke ndu bɛɛlen mì la caa taw. Kani Mɛlɛka Hala naa mel sandii lepɛŋnde haki le, o mel vannda hiyanndo handɔɔ tɛɛn haki le, o mel vɛlɛ vannda ɲɔɔn poondiaa o laba le luɛyɔɔninndo haki le.»
La tósà kafalan o yaman kiolɔɔ nin te. La hiyan vannda le, la cɛl ɲɛm nda vanin niaa yɔngoo le niaa luɛyɔɔ nin-ndon te. Kani ɲɛm mun suumiaa vanaa kɔlkalua ni mi n laasiaa di vanaa tɛɛmbuu isɔɔ le-a.
Niaa vanaa nɔ cɛa o ba-a yɛ, la bii nda mɛɛ o bɛnda yɛ. La vueinun nda le, kani mɛɛ mì la sina maa niaa-ou, nda-ou, vana bɛndoo ndu pilɛ kpé niaa co o ba ni, o co o halataala-o pɛɛn. Ndu ndu, o tosa hiyan vanndacieea tɛɛn te.
Má vim ndu kaandeŋaa ndaa a vanaa va Herɔde kɔɔli-a a pum. Má kɔ dimul ndu aa: «Kɔɔfa, n sina maa vana toɲaa n co ni, a co vannda nɛila Hala lan pɛɛkoo a toɲaa, a nɔ sika a vana-vana le, kani a tofa vanndacieea le mɛɛ nda co yɛ le.
Má ɲuna ndu aa: «Vana bɛndoo, n sina maa o sandei nin n co sɔɛi le vannda pɛɛkoo ni, a co vana-vana tofa le, o toɲaa coo n co vannda sɔɛi Hala-e pɛɛkoo ni.
La co Vana hiyan vana o yamɛi kiolɔɔ nin too veeloo o piɛile niaalen nin aa Pua, ó kialu yamɛi vannda mɛɛ dɛnnda vana-vana la co yɛ-o pɛɛn, lelan la kela a siòònde telen niaa co o lɛŋnden coo-o.
