Rɔmnda 2:10 - BII BILA

¹⁰ Kɛ nduyɛ, biiloo, bɛɛlen a kɔlɲuloo vanin le vana-vana co dɛnɛ kɛndɔɔ tosaa, kandɔɔ a Yuifia, kɔ bii a vanaa co N'Yuifi le-a.

Rɔmnda 2:10 Referans Kwoze

Esai 32:17

Vali dɛnɛ sandaa tosanin-ndo vanin kɔlɲuloo ni, kɔmnde dɛnɛ sandaa le vanin vaa o ba coo yili a vannɔnndo nila ɲulu le fɛɛn a fɛɛn ni.

Esai 26:12

Nɔm Mɛlɛka co naa kɔlɲuloo yɔngoo ni, kani ɲɛ-ɲɛ naa n co tosaa, nɔm co kon toosiaa le naa ni.

Kundalan 6:26

Màá Mɛlɛka landu hɔlla nɔm coo mò yɔngu nɔm kɔlɲuloo!

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

Nsaki 3:13

Nɛ̀ɛ́-nɛ̀ co yɛ vana kɔlkaloo a vana sinaa dɛnɔɔ o niaa tɛɛn? Vana kon bɛnda mò cɔm o kela ndɔ kɛndɔɔ nin maa dɛnnda ndɔlan la fula o tuisinndo nin a o kɔlkaloo nin.

Rɔmnda 8:6

Kani dɛnnda n'falulan la co piɔ́mndo ni. Kɛ dɛnnda Kɔl-Diandaa la co yoomoo a kɔlɲuloo ni.

Rɔmnda 2:7

O kenin vanaa co biuvɔnndo le dɛnɛ kɛndɔɔ tosaa-a yoomu fɛɛn-fɛɛndo, a co kindinndo le biiloo, bɛɛlen a si lɔ́ɔ́-lɔ́ɔ̀-o sɔlaa-a pɛɛn.

Luke 1:79

le vanaa co o ɲumndan nin-nda a vanaa co o vunduma piɔ́mndan bɛngu-a teengiaa, a le naa yɔɔ o nɛi kɔlɲuloo coo.»

SƐBƐ YƆB-O 22:21

Le hee, muungu diom pilɛ a Hala, ma sɔla kɔlɲuloo. O kon, dɛnɛ kɛndɔɔ mingulun nɔm.

Nsaki 2:22

A ce maa laalanndo a dɛnnda ndɔlan la va vallo tosaa latulu ni. O kon le dɛnndan, mí laalanndo peelun.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Rɔmnda 5:1

Le tùú naa n sɔla dío le laalanndo-o, kɔlɲuloo co naa tɛɛn naa Hala-aa o kɛndɛi Maalii naa Yeesu Krista-e bɛngu ni.

Rɔmnda 2:9

Dɛnɛ palaa a ɲɛ kindilaa vanin le vana-vana co dɛnɛ vɔɔndo tosaa, kandɔɔ a Yuifia, kɔ bii a vanaa co N'Yuifi le-a.

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Filipea 4:7

O kon mì kɔlɲulu Hala-o, o hiow kɔlkalu kɛ́-kɛ̀-o manda kɔlta niaalan a yiyannda niaalan o Yeesu Krista nin.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Rɔmnda 9:23

Kɛ mó yeema le cɔmndo mɛɛ kpɛ́ biilu ndɔɔ co o bɔɔ le kpɛɛnɛn o tuinun iɲíí-yon yɛ, n o cɔw le biiloo-on pɛɛn.

Rɔmnda 9:21

Vɛ̀ɛ̀ o co vana cɔavaa n'kpɛɛnɔɔ le tosa ɲɛ o yeema-o a puuloo le! A puulu lindaa pilɔɔ, o nɔla mò cɔw kpɛɛnɛi sɔvɛi te kon te kpɛɛnɛi nɔ mako lei.

Dɛnnda kiilaa 10:35

kɛ o vannda súúlan kpow nin, o vo ndu Hala mò va dɛnɛ sandaa tosaa-o, ndu hɛnan ndu ni.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Luke 22:14

Tumaa tiiyaa, mí Yeesu cal ɲɛdiaa dioo nda kiilaa,

Luke 19:42

mó dimi aa: «Vannda Yerusalɛm, te niáà bɛɛ sina pɛ hau mɛɛ vana sɔla kɔlɲuloo yɛ! Kɛ o vinnun niaa, la tiwnin ba ndu cɔw le!

Luke 12:37

Dɛnɛ kɛndɔɔ co le vanaa baalaa kan, a vana nda bɛndoo komalnin cumullo telen o hunnin-ndo-a! A toɲa, mì dimul niaa, ndu pila cuɛinunnin volɔɔla valtan, mò kɛsi nda le dioo, mò piɔw nda ɲɛdiaa.

Luke 9:48

mó dimul nda aa: «Vana-vana cɛl pɛ poombɔɔ ho o diola nilan, mɛɛ ya o cɛl lende ni, nduyɛ, vana cɛl-la pɛ, mɛɛ vana vem ya-o o cɛl lende ni. Kani vana hiow dɔɔnanndo o niaa tɛɛn-ndo, ndu hiow niaa ni.»

Matie 10:13

Te vanaa co cɛinin lon-nda caa pɛ niaa biyɔɔ, a sɔla kɔlɲulu kon. Kɛ taa cee niaa biyɔɔ le, kɔlɲulu kon muungun niaa pila o ba.

Yeremi 33:6

Kɛ i dɔawnin nda danda mà muungu maa paandu. Mì singi cɛila ndalan, mà sɔla kɔlɲuloo, mà va nila ɲulu.

Esai 57:19

I tuisinin condun lisan o cɔcɔn coo. Kɔlɲuloo co le vanaa co levil-la kɔlɲuloo co vɛlɛ le vanaa co macɛlu kpɛlun-nda! I singinin nda lekɛ́ndɛi. Ya Mɛlɛka dimi lende ni.

Esai 48:22

Kɔlɲulu co le vanaa kɔlvesɛiya le!» Mɛlɛka dimi lende ni.

Esai 48:18

Éé, te niáà yaŋ pɛ nilan o tɔŋnda nilan mi niáà bii lan, kɔlɲulu niaa ndóò vanin maa mɛmma pee bɛndu, dɛnɛ kɛndɛ niaa ndóò kuinin maa tindima mɛmma ihɛllan,

Talelan 11:18

Vana kɔlvesɛiyo co tɔnɔ fondoo nuwviaa, kɛ vana co dɛnɛ sandaa tosaa-o nɔ sala ndɔɔ.

Talelan 8:18

Ya nɔ bolofaa, biiloo, ɲɛm kɛndɛn viaw-von a dɛnɛ sandaa ni.

Condii lisai 37:37

Mɛɛndan vana toɲaa, dɔw vana dendu kɔllo-o taasi. Dɛnɛ kɛndɔɔ co le siɔdii laci vana kɔlɲuloo.

Condii lisai 29:11

O kenin vanaa ndɔa yoomuan, ò dɔawnin nda duaa, mò yɔngu nda kɔlɲuloo.

Condii lisai 15:2

Fɔ vana co kelaa o nɛi toɲaa coo-o. O co dɛnnda sandaalan tosaa, mò va toɲaa dimio a kɔl ndɔɔ kpede-o.

1Samiɛl 2:30

Lelan, Mɛlɛka Hala Israɛlla dimi aa: ‹A toɲa, mí yáà tuu le yungu fuɲa nɔm-ndo a polale nɔmnden siinguuo vanaa-solia-lasálàá le lɔ́ɔ́-lɔ́ɔ̀. Kɛ sisa, a cii dimi kpendekele maa o ve lɛnin lende le. Kani vanaa ke ya bɛɛlen-nda ya bɛɛ ke bɛɛlen ni, kɛ i tuisinin vanaa co ya yii luɛyɔɔ le-a siɛmbulan.

1Piɛr 5:4

O kon tuma bolle vanaa mandaa n'saa fulanin ceen-ndo, la sɔla mɔsil lemasa biilaa, ó tembu loo.

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Esai 55:12

A toɲa, la fulanin a kɔlkɛndɔɔ taw, a yaanin niaa o kɔlɲuloo nin, pembun bɛndon a n'pɔmbɔn piɔndinin a ɲaaloo niaa o hɔl, nduyɛ yɔmii co yondoo nin-nde kpow i tiamnin balan.

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Hebreea 2:7

A dɔɔniaa ndu hiovɔɔ mɛlɛkaa coo le telen bingi, má ke ndu biiloo a bɛɛlen,