Rɔmnda 2:1 - BII BILA

¹ Éé nɔm vanacieo! Nɔm co yaman caanda kiolɔɔ-o, mɛ̀ɛ́-mɛ̀ɛ́ n va, a nɔ mɛɛ kɔɔsaa le, kani le dɛnɛ n co yamɛi caanda kiolɔɔ-o, nɔm bɛɛ co ndu tosaa, mɛɛ nɔm pila cii yaalan.

Rɔmnda 2:1 Referans Kwoze

Luke 6:37

«La kialu yamɛi vana le, haliko yamɛi kilun niaa le. La yaala vana le, haliko vana yaala niaa le. La mal caanda haki, haliko mi niaa bɛɛ sɔla hakio malɔɔ.

Rɔmnda 2:3

Éé nɔm vanacieo! Nɔm co hoo yaman caanda kiolɔɔ-o, kɛ nduyɛ, nɔm pila bɛɛ co dɛnnda nda co tosaa lan tosaa, a co yiyanndo maa a hialunnin yamɛi Hala-e?

Rɔmnda 9:20

Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»

Nsaki 4:11

Puapilɛa niaa, la congan vellaa-velle le. Vana congu pɛ puapilɔɔ, te kon te vana yaala pɛ puapilɔɔ, mɛɛ ndu congu tɔŋndo mo yaala tɔŋ kalaa. Nduyɛ, taa kelu pɛ tɔŋndo iyama, mɛɛ a co vana biyaa tɔŋ te, yaamɔɔ tɔŋndo n co ni.

Nsaki 2:20

Nɔm diɔmndo ho, a yeema lekɛ́ndɛi ma sina maa laalan dɛnndan la co nin too nɛŋi mako le?

Luke 19:22

Mí vana ndɔ bɛndoo dimul ndu aa: ‹Nɔm vana baala vɔɔndo ho, i co nɔm iyama kiolɔɔ a sɔɔn fula nɔm pila o sondo-on. A va sinaa maa vana ya co-o, dɛnɛ nuu kendu bɔɔ, maa ɲɛ ya kɛsi loo ndu ya cua ni, ɲɛ ya seŋ too ndu ya koaw ni.

1Korɛntea 7:16

Nɔm vanalanɔɔ laalan hoo-o, vɛ̀ɛ́ n sínà yɛnin maa a tiwnin ba mà ciindiaa pɔnɔ nɔm? Te kon te, nɔm vanapɔnɔ laalan hoo-o, vɛ̀ɛ́ n sínà yɛnin maa a ciindiaanin laa nɔm?

Luke 12:14

Mí Yeesu ɲuna ndu aa: «Fallo, nɛ̀ɛ́ kɛsi yɛ ya le vaa vana kialaa n'yamaa a vana piɔvaa n'ɲɔɔ niaa tɛɛn?»

Rɔmnda 2:2

N sina maa a toɲaa Hala kilu vanaa vaa lende yamɛi ni.

Rɔmnda 3:9

Kpo! Mò va maa naa Yuifia n hiow caanda ni? Kɛì-kɛì bɛɛ! Kani n cii nihaw cɔm maa vanndacieea kpede, vana va Yuifinɔ, vana va vana súú celen, o kpaaya hakio bɛngu naa n co ni.

Rɔmnda 14:22

Laalan n nɔ kon-ndo, manda ndu le nɔm pila Hala o hɔl. Vana duaa co kon ni, vana yaalan o ɲɛ o yiyan le tosaa-o nin too.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.