Rɔmnda 16:7 - BII BILA

⁷ Mì la yil-la Andronikus nda Yunias, vanaa nia naa n va o biyɔɔ nin naa ndaa-a nda co ni. Vanaa kiilaa luɛi yii taw-va nda co ni, a del Krista kɔɔli ya tase.

Rɔmnda 16:7 Referans Kwoze

Rɔmnda 16:21

Timote caan ni naa n co baala pilɔɔ-o yil niaa, Lusius, Yasɔn a Sosipatɛr vanaa nia bɛɛ a yil niaa.

Rɔmnda 16:11

La yil-la Herodiɔn vana ni. Mì la yil-la yungu Narkise-o, a laalan Maalii-a.

Filemɔn 1:23

Epafras, o nda mal o kaasoo naa ndu le Krista-o yil nɔm,

Kolɔsea 4:10

Aristark caan ni naa n co o kaasoo-o yil niaa, Marke vanayɛi Barnabas-e bɛɛ yil niaa. I cɔm nin niaa isɔɔ a ndu o kɔɔ. Te o komal pɛ niaa, la bii ndu ɲɛkɛndɛi.

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

Kalatea 1:22

Kɛ vanaa laalaŋaa co o tàndá Yuda-o nin-nda ndáà ci vɔ ya bɛɛ le.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

1Nsaŋ 5:20

N sínà vɛlɛ maa Po Hala-o hin, mó ke naa kɔlkaloo le Hala toɲaa sinaa, o ndu nin naa n co ni, le sauma Yeesu Krista Po ndɔ-an. Ndu co Hala toɲaa a yoomu fɛɛn-fɛɛndo ni.

1Nsaŋ 4:13

O hee naa n sínà ni maa n co latulu a ndu, mì ndu va naa nin. Kɔl ndɔɔ o ke naa ni.

Kalatea 6:15

Kani ɲɛ co sɔɛi-yo, o co falenyɛi, te kon te kɔ̀ndélen te, kɛ ndu co vaa vanaciee cɔavaa sɛnɛi-yo ni.

Kalatea 5:6

Kani le vana co o Yeesu Krista nin-ndo, o co falenyɛi te kon te kɔ̀ndélen te o ca ɲɛ sɔvɛ le, kɛ laalan viam vana dɛnndan tosaa a kaolaa-o.

Kalatea 2:6

Kɛ vanaa vannda a va cɔu maa vanaa lebɛɛ-a, i co bɛɛ isɔɔ a mɛɛ nda va yɛ o kɔɔ le! Kani Hala hiyan vannda le-a beŋ ya ɲɛ-ɲɛ le.

2Korɛntea 11:23

Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Rɔmnda 8:1

Yaala co lɛ le vanaa co o Yeesu Krista nin-nda le.

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Nsaŋ 14:20

Paale len, la sinanin maa ya, i co Fuɲa nuu nin, mì niaa va ya nin, mì ya va niaa nin.

Nsaŋ 6:56

Vana de pɛ dialun nun mò kol kooma nian, ndu co ya nin, mì ya i va ndu nin.

Esai 45:25

Cuavaa-imamaa Israɛl-la kpow sɔlanin dɛnɛ sandaa a bɛɛlen Mɛlɛka o ba.

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.

Rɔmnda 8:11

Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.

Rɔmnda 9:3

Kani i va yeemaa mì ya piláà dɔwnun danga mì yáà sɛyan a Krista le dɛnɛ kɛndɛ puapilɛa nia, a co vanaa nia o falon nin-nda,

Rɔmnda 16:3

La yil-la caaŋaa nia naa n co baala Yeesu Krista-o tosaa latulu-a, Priska nda Akilas pɛɛn.

Rɔmnda 16:6

Mì la yil-la Mari. O tosa bɔɔ baalaa le niaa.

Rɔmnda 16:8

La yil-la Ampliatus, o ya kaola taw o Maalii nin-ndo.

Rɔmnda 16:9

La yil-la Irbɛn, caan naa naa n va baalaa latulu o Krista nin-ndo nda Stasis ya kaola taw-vo.

Rɔmnda 16:10

Mì la yil-la Apelɛs, o cɔm lekɛ́ndɛi maa vana Krista-o o co ni-o. Mì la yil yungu Aristobul-lo.

2Korɛntea 12:2

I sínà langbanɔ pilɛ o Krista nin, o co nin le vɔsilan tɔ́ a lahiɔɔlu, mó hel o halataalaa nin coo di. (I sínà le te o falon nin ndóò hel lende lekɛ́ndɛi ni, te kon te o vundulen nin, Hala ndu pilɛ kpé sínà ken ni.)