Rɔmnda 16:5 - BII BILA

⁵ La yil-la vɛlɛ vanaa laalaŋaa co cuungianndo biyɔɔ o la nda lo cɛinin-nda. Mì la yil-la Epainɛte ya kaola taw-vo, nda yɔŋnun vanaa tasea le Krista o lɛŋnde Asii len nin ni.

Rɔmnda 16:5 Referans Kwoze

Kolɔsea 4:15

La yil naa puapilɛa naa co Laodisee-a, mì la yil naa Ninfa a kunda vanaa laalaŋaa co o ndu lo cɛinin-nda.

Filemɔn 1:2

a Apia yema naa, a Arsipe, o naa n co cɔlɔbaa latutu le sɔɛi pilɛi-yo, a le vanaa laalaŋaa co o nɔmndo cɛinin-nda.

1Korɛntea 16:19

Kundala vanaa laalannda Asii a yil niaa. Akilas, Priska a vanaa laalaŋaa co bɔɔŋianndo biyɔɔ o nda lo cɛinin-nda bɛɛ a yil niaa.

1Korɛntea 16:15

Puapilɛa nia, la sínà maa yungu Stefanas-o yɔŋnun vanaa laalaŋa tasea Akaii ni, má va vanaa diandaa baalaa tosallo. Lelan i co niaa yoomuan luei,

Matie 18:20

Kani nɛɛ vanaa ŋiɔn, te kon te vanaa yaa cuungian pɛ o diola nilan, i co nda tɛɛn.»

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

3Nsaŋ 1:1

Ya Bɛndu kalaa, ya co Kaius ya kaola taw o toɲaa nin-ndo sɛvallo ni.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

2Korɛntea 9:2

Kani i sínà mɛɛ niaa nɔ yeemɛi le yɔngoo yɛ. I co yongaa sɔɛi a niaa o kɔɔ vanaa laalannda o hɔl Maseduan. I cii nda dimul maa cɔn nin lapɔm, niaa vanaa laalannda Akaii, la co a bɛɛndiannda le malaa yɔngoo. Nduyɛ, le yɔngɔn niaa kon, mí vanaa bɔɔ-bɔɔ nda tɛɛn a sɔla yeemɛi le malaa yɔngoo.

2Korɛntea 1:1

Ya Pol, kiilanɔ Yeesu Krista-o mɛɛ hɛnan Hala-o co yɛ, naa Timote puapilɛ naa. Naa n co sɛbɔɔ ho sɛva le vanaa Hala-a co Korɛnte-a a le vanaa diandaa kpow ni, á co o lɛŋnde Akaii len nin ba-ba fee-a.

Rɔmnda 16:12

La yil-la Trifɛn nda Trifos. Baalaa pila nda co tosaa le Maalii ni. Mì la yil-la Pɛrside, o ya kaola taw-vo, baalaa pila ndu bɛɛ tosa le Maalii ni.

Rɔmnda 16:8

La yil-la Ampliatus, o ya kaola taw o Maalii nin-ndo.

Rɔmnda 15:26

Kani vanaa laalannda Maseduan a haa Akaii a dimi le malaa biyɔɔ, le vanaa bala fondoa co vanaa laalannda tɛɛn Yerusalɛm-nda mala kon yɔŋndo.

Rɔmnda 11:16

Nduyɛ, te kunda tase ɲɛdiaa co pɛ o diandaa, mɛɛ o diandaa ɲɛdiaa tɔu bɛɛ co ni. Te puundun yɔmndon co pɛ n'diandaa, mɛɛ n'diandaa lɛwvon bɛɛ n co ni.

Dɛnnda kiilaa 18:27

Apolɔs ndóò yeema le kɔlan Akaii. Mí puapilɛa luei ndu yoomuan le kɔla lan. Má sɛval kaandeŋaa va lon-nda sɛbɔɔ haliko mi ndáà caa ndu biyɔɔ. Mɛɛ o tiiya, mó mala vanaa laalannda o kɛndɛi Hala-e bɛngu.

Dɛnnda kiilaa 18:12

Tuma Kaliɔn va masa-ibunga Rɔmnda Akaii ciee-o, mí Yuifia cɛlan, má simul Pol. Má kɔa a ndu nɛɛ kialaa n'yamaa.

Dɛnnda kiilaa 2:9

Nduyɛ, Partea, Mɛdea a Elamnda a co naa tɛɛn. Vanaa pum a fula Mesopotami, Yuda, Kapadɔse, Pɔn, a o lɛŋnde Asii len nin,

Dɛnnda kiilaa 16:6

Telen nda va keiyo Frisii a o lɛŋnde Kalasii len nin-ndo, mí Hala Kɔl-Diandaa kuuna nda sɔɛi Hala-e dimio.

Rɔmnda 16:4

A pisi yoomula ndalan le ya-a. O co ko ya le co nda nuavalio yilɔɔ le, kɛ vanaa laalaŋaa co n'yuif le-a kpow bɛɛ.

Rɔmnda 16:6

Mì la yil-la Mari. O tosa bɔɔ baalaa le niaa.