Rɔmnda 16:4 - BII BILA

⁴ A pisi yoomula ndalan le ya-a. O co ko ya le co nda nuavalio yilɔɔ le, kɛ vanaa laalaŋaa co n'yuif le-a kpow bɛɛ.

Rɔmnda 16:4 Referans Kwoze

1Nsaŋ 3:16

Ɛ̀ɛ̀ o ken naa n cɔm ni maa n sínà kaolaa: Yeesu yɔngu yoomu ndɔɔ le naa. Naa bɛɛ n bɛnda mì n yɔngu yoomu naa le puapilɛa naa.

Filipea 2:30

kani le baala Krista-o o va le piɔ́mndo sɔlaa ni. Yoomu ndɔɔ va le ndu hiɔlɔnndo o ya malaa, mala niaa pilaa tiwnin ba loo.

1Tesalonikea 2:14

Lelan puapilɛa naa, dɛnɔɔ ho yɔŋnun niaa maa vanaa laalaŋaa co Yuda-a, a co le Hala má laalan Yeesu Krista-a pɛɛn. Vanaa niaa co súú pilɔɔ-a saangiaa niaa, mí la sɔla sangaa maa mɛɛ vanaa laalaŋaa kan a sɔla sangaa Yuifia o ba yɛ.

1Korɛntea 16:1

Le mala co biinɔnndo le vanaa diandaa-o yɛ, la tosa mɛɛ ya dimul vanaa laalannda Kalasi yɛ.

1Korɛntea 7:17

Kɛ nduyɛ, o bɛnda mì vana-vana va kelaa mɛɛ Mɛlɛka ke ndu, mó sɔla veeloo Hala o ba yɛ. Ɲɛ ya co vanaa laalannda kpow pɛɛkoo-o co kon ni.

Rɔmnda 5:7

O kendu le cɛlɔɔ mì vana vi le vana sandaa. Bɔɔle mì vanndo pum cɛl le vuo le vana tosaa dɛnɛ kɛndɔɔ.

Dɛnnda kiilaa 16:5

Vanaa Hala-a va hiovɔɔ laci a yoomuan sɔlaa, mí vanaa laalannda va kuiyo lepalaa-lepala.

Dɛnnda kiilaa 15:41

Mí Pol kei Siri a Silisii, mó luei vanaa Hala-a yoomuan.

Nsaŋ 15:13

Kaola kɛ́-kɛ̀ hiw kaola vana yɔngu yoomu ndɔɔ le caaŋaa ndɔa-o le.

Misee 2:3

Lelan Mɛlɛka dimi ni aa: ‹I co kpundɛ bɛndoo tuisi vanaa kan coo. La nɔlanin kɛsei solio lebɛngu le. La cue lɛnin bollen lɔ́ɔ́-lɔ́ɔ̀ o kelaa nin te, kani telen dɛnɛ palaa co o nɛi.›

2Samiɛl 22:41

Nɔm co yaamɔaa nia tovɔɔ ya laci ni, i co vanaa nɔ nɛyɔn nuu-a diwvo.

Yosue 10:24

Ndáà solio masaa ŋuɛɛnua kan, má yàà nda o Yosue lo. Mí Yosue veelu Israɛlaa piaandua kpow, mó dimul simlacia vanaa cɔvaa o kɔɛ latulu o cɔwvo-a aa: «La sɔɔnguu mì la handu masaa ŋuɛɛnua ha pelon o n'kɛsu.» Má sɔɔnguu, má handu nda pelon o n'kɛsu.

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Dɛnnda kiilaa 9:31

O kon mí vanaa Krista-aa va Yuda, Kalile a Samari-a kpow sɔla kɔlɲuloo. Mí Hala Kɔl-Diandaa tosa má sɔla yoomuan, má hindu, a va kelaa o nɛila Mɛlɛka lan coo.

Dɛnnda kiilaa 15:26

a yɔngun le baala Maalii naa Yeesu Krista-o tosaa-a.

Rɔmnda 16:3

La yil-la caaŋaa nia naa n co baala Yeesu Krista-o tosaa latulu-a, Priska nda Akilas pɛɛn.

Rɔmnda 16:5

La yil-la vɛlɛ vanaa laalaŋaa co cuungianndo biyɔɔ o la nda lo cɛinin-nda. Mì la yil-la Epainɛte ya kaola taw-vo, nda yɔŋnun vanaa tasea le Krista o lɛŋnde Asii len nin ni.