Rɔmnda 16:3 - BII BILA

³ La yil-la caaŋaa nia naa n co baala Yeesu Krista-o tosaa latulu-a, Priska nda Akilas pɛɛn.

Rɔmnda 16:3 Referans Kwoze

2Timote 4:19

Yil-la Priska nda Akilas, mà yil-la vɛlɛ yungu Onesifɔr-o.

1Korɛntea 16:19

Kundala vanaa laalannda Asii a yil niaa. Akilas, Priska a vanaa laalaŋaa co bɔɔŋianndo biyɔɔ o nda lo cɛinin-nda bɛɛ a yil niaa.

Dɛnnda kiilaa 18:26

Mó kandu sɔɛi vannda o hɔl a kɔlkɛsiaa o cɛi lekaanndo nin. Mɛɛ Priska nda Akilas tuei ndu diom, má kɔa a ndu o nda lo cɛinin, má cɔɔlu ndu nɛi Hala-o cɔm.

1Korɛntea 16:16

haliko mi la tuei vanaa vaa lende a vana-vana nda co vallo tosaa nda ndaa diom.

Rɔmnda 16:9

La yil-la Irbɛn, caan naa naa n va baalaa latulu o Krista nin-ndo nda Stasis ya kaola taw-vo.

Rɔmnda 8:1

Yaala co lɛ le vanaa co o Yeesu Krista nin-nda le.

Rɔmnda 8:2

Kani tɔŋ Kɔl-Diandaa yɔ̀ngu vana yoomoo o Yeesu Krista nin-ndo baŋa ya tɔŋ hakio a tɔŋ piɔ́mndo o ba.

Rɔmnda 8:11

Te Kɔl vana tindi Yeesu fulaa vanvílɛ́iya tɛɛn-ndo co pɛ niaa nin, vana tindi Krista fulaa vanvílɛ́iya tɛɛn-ndo tosanin vɛlɛ mì dialun niaan vu-on muungu yoomu le Kɔl ndɔ co niaa nin-ndo.

Rɔmnda 16:4

A pisi yoomula ndalan le ya-a. O co ko ya le co nda nuavalio yilɔɔ le, kɛ vanaa laalaŋaa co n'yuif le-a kpow bɛɛ.

Rɔmnda 16:7

Mì la yil-la Andronikus nda Yunias, vanaa nia naa n va o biyɔɔ nin naa ndaa-a nda co ni. Vanaa kiilaa luɛi yii taw-va nda co ni, a del Krista kɔɔli ya tase.

Rɔmnda 16:10

Mì la yil-la Apelɛs, o cɔm lekɛ́ndɛi maa vana Krista-o o co ni-o. Mì la yil yungu Aristobul-lo.

2Korɛntea 5:17

Te vanndo va pɛ o Krista nin, vana kon siŋnun vana sɛnɛi. Vanacieeyɛi ndɔɛi paanduei i hiow, vanacieeyɛi sɛnɛiye muungu.

2Korɛntea 12:2

I sínà langbanɔ pilɛ o Krista nin, o co nin le vɔsilan tɔ́ a lahiɔɔlu, mó hel o halataalaa nin coo di. (I sínà le te o falon nin ndóò hel lende lekɛ́ndɛi ni, te kon te o vundulen nin, Hala ndu pilɛ kpé sínà ken ni.)

Kalatea 1:22

Kɛ vanaa laalaŋaa co o tàndá Yuda-o nin-nda ndáà ci vɔ ya bɛɛ le.

Filipea 2:25

Kɛ nduyɛ, i ce maa o co fisa mì vem Epafrodite puapilɛ nuu, o naa n co baalaa latulu, mì n va cɔlɔba pilɔɔ-o, o niaa vem le ya hunɔɔ malaa lɔ́ɔ́ ya va o bahavɛiyo nin-ndo,

Kolɔsea 4:11

Yeesu, o nda veelu aa Yustis-o bɛɛ yil niaa. O Yuifia cɛl sɔɛi Yeesu-e-a tɛɛn, vanaa yaa haa kínɛí naa n co baalaa latulu le masale Hala len ni. A luei ya yoomuan taw.