Rɔmnda 16:25 - BII BILA

²⁵ N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Rɔmnda 16:25 Referans Kwoze

1Korɛntea 2:7

Kɛ kɔlkalu Hala-o, kɔlkalu dɔaw vanndacieea kɔndɔfilio, o co o vianaa-o, o Hala ndóò cii nin hɛli le biilu naa lɔ́ɔ́ pá mí ceendo ho kandun-ndo.

Rɔmnda 2:16

Ken fulanin ceen o paale Hala tosanin mì Yeesu Krista kelu dɛnnda viannannda vanndacieea yamɛi len, maa mɛɛ Yoongu kɛndɛ ya co dimio-o co yɛ.

Efɛsea 1:9

O cɔm naa sɔɛi vianaŋii ndóò yeema le tosaa-e, sɔɛi vianaŋii kɛndɛ-kɛndɛ ndóò tuu le tosaa o Krista nin-nde.

2Tesalonikea 2:14

Lelan o tosa ni mò veelu niaa o Yoongu kɛndɛ naa dimul niaa-o nin, haliko mi la sɔla biilu Maalii naa Yeesu Krista-o.

2Korɛntea 4:3

Te Yoongu kɛndɛ naa co vɔ pɛ o viannanndo, mɛɛ le vanaa co kɔlan o lou nin-nda o co lende ni,

Efɛsea 3:9

haliko mi cɔm vannda kpow kɔlɔ dɛnɛ viannan kon. Hala, o cɔw ɲɔɔn kpow-vo ven dɛnɛ kon kabi paandu ni.

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

2Timote 2:8

Loonun a Yeesu Krista o kɔɔ, o fula o polale David len nin, mó tendul-lo, mɛɛ Yoongu Kɛndɛ ya co dimio-o co yɛ.

2Tesalonikea 3:3

Kɛ vana lo o lediom coo-o Mɛlɛka co ni, o lueinin niaa yoomuan, mò ciindiaa niaa vana kɔlvesɛiyo o ba.

Efɛsea 6:19

La piɛi vɛlɛ Hala le ya, haliko te i va pɛ sɔɛi, mò ke ya diomnda bɛnda lan, mì soo a kɔlkɛsiaa, mì cɔm vannda sɔɛi vianaŋii co o Yoongu kɛndɔɔ nin-nde.

Kalatea 2:2

Ɲɛ cɔmnun ya-o yɔngu ya kɔlan ni. Mí kɔ cɔm vanaa lebɛɛ-a pum Yoongu Kɛndɛ ya va vanaa co N'Yuifi le-a tiiyallo-o o sɔɔnsɔɔnndo nin, yɔŋii baala ya va tosaa-o, te kon te o yáà tosa nin-ndo ndóò yɔŋnun fúú.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

1Korɛntea 1:23

Naa naa, sɔɛi Krista nda baŋ o yɔm singafilaa coo-e naa n co vannda tiiyallo ni, sɔɛi co tosaa mì Yuifia va luɛyɔɔ o pɔwlan nin, mì i va diɔmnde le vanaa sínà Hala le-a-e pɛɛn.

Dɛnnda kiilaa 20:32

Nihau, i sɔɔ niaa Hala o ba a o kɛndɛi ndɔɛi bɛngu. O nɔ kpaayaa le niaa yoomuan lueiyo, mò tosal niaa dɛnɛ kɛndɔɔ taw, kpaaya o kɛsi teengen le vanaa co le ndu-a kpow-vo.

Dɛnnda kiilaa 9:20

Fɔ́ɔ́fɔ̀, mó kandu vannda pɛɛkoo o cɛila lekaanndan nin maa Yeesu co Po Hala-o ni.

Matie 13:35

haliko mi sɔɛi vana-tɛɛngaa-diom Hala-o ndóò dimi-e ndíì peelun aa: «I kumbinin sondoo mì soo o talelan nin, mì soo a dɛnnda viannannda co kabi ceendo cɔwnun ndan o kɔɔ.»

Matie 13:17

I co niaa toɲaa dimul, vanaa-tɛɛngaa-diom Hala-a a vanaa sandaa bɔɔ-bɔɔ ndáà yeema mì ndáà ce ɲɛ niaa co cɔu-vo, kɛ a cí le, mì ndáà tuei ɲɛ niaa co tueyɔɔ-o, kɛ a tuí le.»

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Daniɛl 2:22

Ndu soli sɔɔn yingilɛiyon a sɔɔn viannanndon ceen ni, ndu sina ɲɛ co o ɲumndan nin-ndo ni, kani ɲɛ-ɲɛ co o viannan ndu o hɔl te.

1Piɛr 1:20

Mó sɔla hɛlio lɔ́ɔ́ pá mí ceendo cɔawnun, mó fula ceen vakpa o palɛi mɛɛlɛi he le dɛnɛ niaa kɛndɔɔ.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Tite 1:2

mà sɔla kɔlkɛsiaa le yoomu fɛɛn-fɛɛndo sɔlaa. Hala, o dimi lacòòva loo dimi sɔɛi yoomu kalaa kabi paandu ni.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Efɛsea 3:11

Ɲɛ ndu Hala tuu kabi o kandɔnndo le tosaa-o, mó peelu ndu o Maalii naa Yeesu Krista nin.

1Korɛntea 4:1

Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

Rɔmnda 14:4

Nɛ̀ɛ̀ nɔm co yɛ, le yamɛi vana baala pilaa kiolɔɔ? O sim-ou, o del-ou, vana ndɔ bɛndoo sina ken ni. Kɛ nduyɛ, o simnin yili, kani Maalii nɔ kpaayaa le ndu simio.

Condii lisai 78:2

I co sondoo kumbio le sɔɛi o talelan nin, mì cɔm niaa dɛnnda viannannda masindɛlan.

1Tesalonikea 3:13

Màá o luei kɔlta niaalan yoomuan mì la siŋnun vanaa diandaa a vanaa nɔ isɔw le-a Hala fuɲaa o hɔl telen Maalii Yeesu hunnin a vanaa ndɔa diandaa kpow-vo!

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Rɔmnda 16:24

Màá kɛndɛi Maalii naa Yeesu-e i va niaa coo kpow!].

Kolɔsea 2:2

haliko ma sɔla yoomuan, mà va diom pilɛ o kaolianndo nin, mà sɔla laalan kɔlkalu kpeekpeiyo. O kon mà sínà dɛnɛ viannan Hala-o, Krista pɛɛn.

Kolɔsea 4:3

Mì la piɛi vɛlɛ le naa: mì Hala kumbil naa dioo le sɔɛi, haliko mi n tiwba dɛnɛ viannan Krista-o yondaa. Le dɛnɛ viannan ndɔ kon ya co o yɔlɔn nuaa ni,

Dɛnnda cɔɔmuanndan 10:7

maa palɛi nda tuɛinin mì mɛlɛkanɔ ŋɔmmɛwndɔɔ kanndu buloo hɔŋndo-e, dɛnɛ kaamaa Hala-o peelunnin, maa mɛɛ ndóò dimul vanaa ndɔa baalaa yɛ, vanaa-tɛɛngaa-diom Hala-a pɛɛn.

Matie 20:7

Má mulul ndu aa: ‹Vana-vana cue naa le baala le.› Mó dimul nda aa: ‹Mɛɛ niaa bɛɛ la kɔ o nakɔ nuu nin.›