Rɔmnda 16:19 - BII BILA

¹⁹ Niaa niaa, vannda kpede a sínà maa vanaa biyaa isɔɔa niaa co ni, lelan ya naŋ kɔl a dɛnɛ niaa ni. Nduyɛ i yeema mì la va vanaa kɔlkalua a dɛnɛ kɛndɔɔ o kɔɔ, mì la va vanaa diandaa a dɛnɛ vɔɔndo o kɔɔ.

Rɔmnda 16:19 Referans Kwoze

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

Filipea 2:15

haliko mi la va vanaa yaalan te-a a vanaa diandaa, mì la va cuavaa Hala-a, à vànà seelun isɔw nin te-a vanaa co laasianndo-a a vanaa vɔɔnda tɛɛn. Mì la va nda diondɔɔ tɛɛn maa ɲɛ-tengaa o ceendo,

Rɔmnda 1:8

Ɲɛ tasoo, i mel Hala nuu balika o diola Yeesu Krista lan le niaa kpow, kani laalan niaa kela tɔ́ɔ́ o ceendo coo kpow.

Filipea 1:9

O ya co Hala piɛyo le niaa-o, ndu co ho ni: mì kaola niaa va hiovɔɔ laci lɔ́ɔ́-lɔ́ɔ̀, mò pɛ a sina kpeekpeiyo a á dɛnndan bilaa biyɔɔ ɲɛkɛndɛi,

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Kolɔsea 3:16

Màá sɔɛi Krista-e va niaa nin taw-taw! La pɛɛkuan mì la siilian vellaa-velle a taasi. La solul Hala condon a kɔlta niaalan kpow le ndu balikaa mello. La solul ndu condun lisan, condun kɔllon a condun sangalan fula Kɔl-Diandaa o ba-on.

Efɛsea 5:17

Lelan, la va n'diɔm te, la sínà ɲɛ co hɛnan Mɛlɛka-o o.

Condii lisai 101:2

I yeema mì va kela kɛndɔɔ o ceen nuu nin. Lɔ́ɔ́ kuɛɛ n hun yɛnin o ya lo? I kelanin o sandei nin vanaa naa n cal nɛɛ pilɛa o hɔl.

Luke 10:3

La kɔ! I co niaa vomɔɔ maa saa cuawva tunaa yondoa tɛɛn.