Rɔmnda 16:18 - BII BILA

¹⁸ Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Rɔmnda 16:18 Referans Kwoze

Kolɔsea 2:4

I co hee niaa dimullo, yɔŋii vana hiŋ niaa hɔlla a sondo yeelɛi fondoo.

Filipea 3:19

mɛɛlula vanaa kan la co o ɲánndávàà ni. Dembela ndalan la co hala ndaa ni, a cɛn pɛ a muungu ɲɛ vanin siɛmbulan le nda-o sooloo. O ɲɛm co o lɛŋnden coo-on coo kínɛí nda co yiyanndo ni.

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

1Timote 6:5

a sɛɛngiannda cuu le lan la fula ni, la vanaa yiyannda ndalan la laasian, a sínà lɛ toɲaa le-a pɛɛn. Vanaa kan a co yiyanndo maa Hala laalanndo yɔngù vana ɲɛ-sɔlaa ni.

Misee 3:5

«Ɲɛ Mɛlɛka dimi le vanaa-tɛɛngaa-diom halaa lacòòvaa co vanaa ndɔa laasiaa-a-o co hoo ni: ‹Te vana ke nda dɔ́ɔ́ pɛ ɲɛ nda miaanun-ndo, à dimi yoongu kɔlɲuloo. Kɛ te vana ke nda mel nda ɲɛdiaa o sondo le, à ciŋilan vana kon a sɛɛngianndo.›

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

2Tesalonikea 2:10

O hunnin a dɛɛniaala súú-súù fee, mò luei vanaa vanin o lou nin-nda o pɔwlan nin a o dɛnɛ sandaa lepɛŋndo nin, kani a cɛ́l kaola toɲaa mà sɔla cindaa le.

Yude 1:12

Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

Filipea 2:21

kani vana-vana co tɔnɔ ndɔ ndu pila-o nuwviaa, a co buulan le dɛnɛ Yeesu Krista-o le.

Kalatea 1:10

Mò va maa candɔɔla vanndacieea ya co nuwviaa ni baa Hala ya candɔɔ? Mò va maa le hɛnan vanndacieea tosaa ya co kindinndo ni? Te yáà yeema pɛ le hɛnan vanndacieea tosaa, yáà venin vana baala Krista-o le.

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Talelan 22:3

Vana taasio ce pɛ dɛnɛ palaa hunɔɔ, o vennun. Kɛ vanaa bii dɛnɛ bila le-a nda kɔnndan tuŋ, sanga fula pɛ o tol nda coo.

Kolɔsea 3:24

La sínà maa la sɔlanin kɛ́ɔ Maalii o ba le niaa vɔ̀ngɔ̀ɔ́ dɔvɔɔ. Kani vana bɛndu kpeekpei niaa co baalaa tosallo-o, ndu co Krista ni.

2Korɛntea 4:2

Kani n kɛɛ dɛnnda lasiɛmbula co tosanndo o vionnɔnndo nin-ndan. N co kɔlkalu vɔɔn tosa o dɛnndan nin te, n co vɛlɛ sɔɛi Hala tundɔɔ le. N co vannda toɲa kpeikpeiyo cɔmndo, mì n va kindinndo haliko ma laalan naa Hala o hɔl.

2Korɛntea 2:17

N co maa vanaa pum te, a co yulalen tosaa a sɔɛi Hala-e a. Kɛ naa naa, le tùú Hala vem naa-o naa n co sɔɛi a toɲaa ndu Hala o hɔl o Krista nin ni.

Rɔmnda 16:19

Niaa niaa, vannda kpede a sínà maa vanaa biyaa isɔɔa niaa co ni, lelan ya naŋ kɔl a dɛnɛ niaa ni. Nduyɛ i yeema mì la va vanaa kɔlkalua a dɛnɛ kɛndɔɔ o kɔɔ, mì la va vanaa diandaa a dɛnɛ vɔɔndo o kɔɔ.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Matie 24:11

Vanaa-tɛɛngaa-diom Hala-a lacòòvaa cannin taw, mà luei vanaa bɔɔ-bɔɔ o pɔwlan nin.

Matie 6:24

«Vana-vana tiwba mò tosal vanaa bɛndua nda ŋiɔn baalaa o lepilɔɔ le. Kani o pilɛ nɛinunnin ndu, mò kaola o pilɔɔ, te kon te o yiinunnin a ò pilɛ, mò mulul o pilɔɔ kɔɔ. Lá tiwba mì la tosal Hala a volion baalaa o lepilɔɔ le.»

Esekiɛl 13:19

La co ya bɛ̀ɛ̀lan ciiyo vanaa nia o hɔl le ɔrse baa ca a le bulula bingilan, mì la va yoomula vanaa bɛnda le piɔ́m sɔla le-a ciiyo, mì la va vanaa bɛnda le piɔ́mndo sɔlaa-a mɛiyo yoomu. La co vanaa nia còòlan dimullo, mì nda va còòla lan biyɔɔ.

Esekiɛl 13:16

Vanaa-tɛɛngaa-diom Hala-a Israɛlla, a va diom Hala-o tɛɛnguuo a Yerusalɛm o kɔɔ-a, a va vunduan cɔu o ndu coo, mà va ndu dimullo aa kɔlɲuloo co, hali mi kɔlɲulu ve bɛɛ le-a, o pilɛ bɛɛ co lɛ le!› Sɔɛi fula Maalii Hala o sondo-e co ken ni.

Yeremi 23:17

Vanaa co ya mamɔɔ-a co dimio aa: ‹Mɛlɛka dimi aa kɔlɲuloo vanin le niaa ni.› Vanaa co kan yiyannda nda pila lan kínɛí tolɔɔ kɔɔli-a co dimio aa: ‹Dɛnɛ palaa komalnin niaa le.›

Talelan 14:15

Vana bii dɛnɛ bila loo laalan a sɔɔn nda dimul ndu-on kpow, kɛ vana taasio ndu, o mɛɛndian fɔlɔn malan o kɛsi pelei.

Talelan 8:5

Niaa vanaa kindu lakɔl te-a, la kindin le kɔlkaloo sɔlaa. Niaa vanaa pe lebol te-a, la kindin mì la sina dɛnɛ.

Condii lisai 119:130

Vana saalun pɛ sɔɛi nɔmnde, ndu sɔla ɲɛ-tengaa, i co vanaa tuisin-nda kɔlkaloo keo.

Condii lisai 19:7

Le cɛn pɛ o halataalaa baa pilɔɔ, le kɔ del o mɛɛlulan baa pilɔɔ, ɲɛ-ɲɛ tiwba hangul ndɔɔ vionnɔnndo le.

2Dɛnnda lemasalan 18:5

Mí masa Israɛlla cuungiaa vanaa-tɛɛngaa-diom Hala-a ndɔa, a va le n'van kɛmɛ lehiɔɔlu, mó ɲuna nda aa: «Vɛ̀ɛ̀ i kɔ del Ramɔt co o tàndá Kalaad-o nin-ndo coo a cɔwvo baa i kɔa le?» Má mulul ndu aa: «Kɔ, kani Mɛlɛka malnin kobi kon nɔm o ba.»

1Samiɛl 2:29

Kɛ le yɛɛ nɛ niaa co yɛ sálàlan a ɲɛm-kén ya dimi le solio o Cɛi-Diandaa nuu nin-ndon tɛɛmbuuo? Vɛ̀ɛ̀ poaa nɔmnda n hiow bɛɛlen ke a ya? Le yɛɛ niaa co yɛ visin kɛndɛ-kɛndɛn macuɛin Israɛlaa nia co ya sálàlan solullo-on dioo?›

Dɛnnda cɔɔmuanndan 1:1

Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

2Korɛntea 11:3

Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

Malasi 1:10

Lelan, o co fisa mì vana pilɛ o niaa tɛɛn kɔ kiindiaa diola Cɛi-Hala-o. O kon, la kue lɛnin yinnden kiisuu o fonda-loamaa-lasálà nuu coo fondo fúú le. Ɲɛ-ɲɛ hɛnan ya le niaa cɔu le sálàla niaa co ya solullo lan la co ya hɛnan te. Ya Mɛlɛka-Nɔ-Kpaayaa-Kpow-vo dimi lende ni.

2Samiɛl 15:6

Nuaa Absalɔm lo tosaa a vanaa va hunɔɔ o masaa lo le yaman kiolɔɔ nda tɛɛn o lɛŋnde Israɛl-ten nin-nda ni háá mí Israɛlla kpow a muli kɔltan o ndu lo.

Condii lisai 12:2

Éé Mɛlɛka! Mala naa. Kani vanaa laalannda co cuvɔɔ, vanaa lo o lediom coo-a co lou.

Daniɛl 11:34

Telen nda vanin kon o sanga imɔnɔɔ nin-ndo, a sɔlanin malaa ɲɛ-pɔmbɔ kínɛí. Kani vannda taw a sɔɔnguunin nda ikɛi a kɔlta muuluanndan.

Rɔmnda 14:18

Vana tosal pɛ Krista baalaa o nɛi vaa lende coo, ndu hɛnan Hala, vanndacieea bɛɛ a hini kɔl a dɛnɛ ndɔɔ.