Rɔmnda 16:17 - BII BILA

¹⁷ Puapilɛa nia, i co niaa sila, la mandan a vanaa luei piɔvianndo o kundaa tɛɛn-nda, a luei kan vannda o pɔwlan nin a pɛɛku niaa sɔla-o o kɔɔ-a pɛɛn. La faŋan nda kɔɔli few.

Rɔmnda 16:17 Referans Kwoze

Yude 1:19

Ɛ̀ɛ̀ nda co kan ni, vanaa puusiaa vannda-a, vanndacieea n'falua nɔ Kɔl Hala le-a.

2Tesalonikea 3:6

Puapilɛa naa, n co niaa sɔɛi he dimul o diola Maalii Yeesu Krista lan, la faŋán vanaa siɛlɛiya kɔɔli, a co ceen ndaa vilio mɛ̀ɛ́-mɛ̀ɛ́ ka-a pɛɛn, a co ndu vili mɛɛ naa n pɛɛku nda yɛ le.

2Timote 3:5

A vanin Hala vow a lahɔl, kɛ mà kɛɛ kpaaya Mɛlɛka kpeekpeiyo. Faŋan vanaa vaa lende kɔɔli.

Kolɔsea 2:8

La caa, yɔŋii vannda bii niaa a sɔɔn caan mà hui niaa a sɔɔn fondon. O naamula vanndacieea nin kon fulà ni, a ɲinaa vɔɔnda co o ceendo coo-a o ba, o co Krista o ba le.

Tite 3:10

Kanalan vana co sɛyanndo lueiyo vannda tɛɛn-ndo lepilɛ, mà kanalan ndu vɛlɛ o diinndɔɔ, o kon kɔɔli, a faŋan ndu kɔɔli.

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

1Timote 1:3

Lɔ́ɔ́ ya va kɔlan Maseduan-ndo, mí sila nɔm le lou Efɛs, haliko ma kpaa vanaa pum, mà pɛngi pɛɛkula lacòòvalan yɔngoo.

Filipea 3:17

Puapilɛa nia, la tuula ya. La tofa vanaa co kelaa maa mɛɛ niaa ce naa kelaa yɛ-a.

Matie 18:7

Dɛnɛ palaa co le ceendo, le tùú o co vannda pelon lueiyo o pɔwlan nin-ndo. I co toɲa maa fɔ mí pɔwlan la yɔŋnun, kɛ dɛnɛ palaa co le vana co yɔŋnɔn sabu le pɔwla lan yɔŋnɔnndo-o.

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

Dɛnnda kiilaa 15:24

N tuei maa vanaa pum cɛn naa tɛɛn nanu, má kɔ luei niaa kɔndɔfillo a buulanndo o lakɔl a sɔɔn ndan. Nduyɛ, n vim vana-vana le.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

Matie 18:17

Te o kɛɛ pɛ le nda nilan yaŋɔɔ, a cɔm kunda vanaa laalannda sɔɛi kalɛi, te o kɛɛ nin pɛ kunda vanaa laalannda diom, mɛɛ cɔ ndu maa vana-mangalaa-isɔɔ celen, maa vana biyaa mulu.

1Korɛntea 11:18

Sɔɛi tasei co hee ni, i tuei maa la bɔɔŋian pɛ, la piɔvian kundalan yɛ́-yɛ́. Nduyɛ, i laalan kon ɲɛ-pɔmbɔ.

Luke 17:1

Mí Yeesu dimul kaandeŋaa ndɔa aa: «Mɛɛ tosaa co le, fɔ mì tɔɔndanndan la va o ceendo coo. Kɛ dɛnɛ palaa co le vana malnin vanndo o tɔɔndanndo nin-ndo!

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.