Rɔmnda 16:13 - BII BILA

¹³ La yil-la Rufu, o sɔla hɛlio o Maalii nin-ndo, mì la yil-la kala ndɔ, ya bɛɛ kala nuu o co ni.

Rɔmnda 16:13 Referans Kwoze

2Nsaŋ 1:1

Ya bɛndu kalaa, i co sɛbɔɔ ho sɛvaa le Vanalanɔ Hala hɛli-o nda cuavaa ndɔa ya kaola o toɲaa nin-nda, o co ko ya le kaola nda le, kɛ vanaa-vanaa sínà toɲaa.

1Timote 5:2

mà ce vanlaandua kaasonnda maa kala nɔm, mà ce vanlaandua felengia maa yeemaa nɔmnda, mà dendu nda o hɔl o nɛilan kpow coo.

Marke 15:21

Mɛɛ nda va kɔlan le ndu baŋɔɔ o yɔm singafilaa coo, má bɔŋan a langbanɔɔ pum fulaa Sirɛne. O va cɔnɔnndo o ciɛɔn nin, mó kei a lon, diolan ndu Simɔn, fuɲa Alɛksandre nda Rufis. Mí vanaa cɔwva baŋ ndu kangalan le kɔlan a yɔm singafilaa Yeesu-o.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

2Tesalonikea 2:13

Puapilɛa naa, mɛɛ mì n va Hala balikaa mello lɔ́ɔ́-lɔ́ɔ̀ le niaa, niaa vanaa Mɛlɛka kaola-a pɛɛn. Kani Hala hɛli niaa kabi paandu le cindaa sɔlaa o dindin Kɔl-Diandaa a o laalan toɲaa nin.

Efɛsea 1:4

Lɔ́ɔ́ pá mí ceendo cɔawnun, ndóò cii nin naa hɛli, haliko mi n va vanaa diandaa a vanaa yaalan te-a ndu o hɔl. Nduyɛ, o kaola ndɔɔ nin,

Nsaŋ 19:27

O kon kɔɔli, mó dimul kaandennɔ kon aa: «Má cè kala nɔm!» Kandɔɔ nin a telen kon, mí kaandennɔ kalaa kɔa a ndu o ndu lo.

Marke 3:35

Vana-vana tosa pɛ hɛnan Hala-o, ndu co puapilɛ nuu, yema nuu a kala nuu ni.»

Matie 20:16

O kon kɔɔli, mí Yeesu dimi maa lelan, vanaa mɛɛlaa vanin vanaa tasea, mì vanaa tasea siŋnun vanaa mɛɛlaa.»

Rɔmnda 16:12

La yil-la Trifɛn nda Trifos. Baalaa pila nda co tosaa le Maalii ni. Mì la yil-la Pɛrside, o ya kaola taw-vo, baalaa pila ndu bɛɛ tosa le Maalii ni.

Rɔmnda 16:14

La yil-la Asinkrite, Flekɔn, Hɛrmɛs, Patrobas, Hɛrmas a puapilɛa co nda o bɛngu coo-a.