Rɔmnda 15:7 - BII BILA

⁷ La biinan vellaa-velle maa mɛɛ Krista bii niaa yɛ, le biilu Hala-o.

Rɔmnda 15:7 Referans Kwoze

Matie 10:40

«Vana cɛl pɛ niaa, mɛɛ ya o cɛl ni. Vana cɛl-lɛ ya pɛ, mɛɛ vana vem ya-o o cɛl lende ni.

Nsaŋ 13:34

I co niaa sila sɛnɛiyo yɔngu: la kaolian vellaa-velle. Maa mɛɛ ya kaola niaa yɛ, niaa bɛɛ la kaolian lende.

Rɔmnda 5:2

Le ndu naa n sɔla kɛndɛi naa n co hee nin-nde ni, i naa n sɔla a laalanndo-e. Nduyɛ n nɔla mì n kuundian le tiindan naa n nɔ o biilu Hala-o nin-ndo.

Efɛsea 1:18

I co vɛlɛ ndu piɛi mò luei niaa ɲɛ-tengaa o lakɔl, haliko mi la síná tiindan vana sɔla le veelu o veelu niaa-o a bɔɔbɔɔyɛi ɲɛm kɛndɛn co kɛ́ɔ le vanaa co le ndu-a on,

Luke 9:48

mó dimul nda aa: «Vana-vana cɛl pɛ poombɔɔ ho o diola nilan, mɛɛ ya o cɛl lende ni, nduyɛ, vana cɛl-la pɛ, mɛɛ vana vem ya-o o cɛl lende ni. Kani vana hiow dɔɔnanndo o niaa tɛɛn-ndo, ndu hiow niaa ni.»

Marke 9:37

«Vana-vana bii pɛ cuaambɔa pɔmbɔa ha o pilɛ o diola nilan, mɛɛ ya pila o bii lende ni. Vana-vana bii yɛ ya pɛ, mɛɛ o co ya pila le o bii lende le, kɛ vana vem ya-o.»

Luke 15:2

Mí Faliisia a vanaa pɛɛkaa latɔŋnda a va dimio tootoo aa: «Fallo ho co cɛlɔɔ le dioo nda vanaa lahakia.»

Efɛsea 1:12

Lelan, naa vanaa tasea tiindan Krista-a, n biilun bɔɔbɔɔyɛi Hala-e.

Rɔmnda 15:9

O hin haliko mi vanaa co n'yuif le-a biilu Hala le ɲíí ndɔɛi, maa mɛɛ o co o sɛvaa yɛ aa: «Lelan ya sangalanin nɔm vanaa-mangalaa-isɔɔa tɛɛn ni, mì soli condon le diola nɔmndan sangalaa.»

Nsaŋ 6:37

Vanaa kɛ́-kɛ̀ Pua ke ya pɛ, nda hunnin o ya lo, i solinin vɛlɛ vana hin o ya lo-o o dio le,

Kolɔsea 3:13

La biwnan vellaa-velle mì la tosalan kɛndɛi. Te vanndo nɔ pɛ ɲɛ o kɔl a vanndo pilɔɔ, la malnan lahaki mɛɛ Krista mal niaa haki yɛ.