Rɔmnda 15:4 - BII BILA

⁴ Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

Rɔmnda 15:4 Referans Kwoze

1Korɛntea 10:11

Dɛnnda lan la yɔŋnun nda haliko mi la va tɔɔmaseloo le naa. La sɛvan le naa vanaa tɔ̀a kanalanndo, kani telen naa n co hoo-o, o lo nin kpɛɛlun mì ceendo cuu.

Rɔmnda 12:12

La dɔwnun ɲaale o kɔlkɛsiaa niaa nɔ-o nin. La va vanaa yulu dɛnɛ palaa-a, mì la biwnun o piɛilen nin.

1Piɛr 1:13

Lelan, la va a bɛɛndiannda, la va o lapɔɛɛnɔn nin te. La handu tiindan niaa kpede o kɛndɛi tosalannin niaa lɔ́ɔ́ Yeesu Krista fulanin ceen-nde coo.

Condii lisai 102:18

O tuɛinin piɛile vanaa ikɔɔa, o kɛɛnin o nda co ndu ɲunaa-o le.

Condii lisai 119:50

Kɔlkɛsiaa ya co sɔlaa o sanga nuu nin-ndo co kon ni, kani kpema nɔmndo co ya yoomoo keo.

Habakuk 2:2

Mì Mɛlɛka mulul-la aa: «Sɛva o ya co nɔm cɔmndo-o, sɛva ndu o pɛngɔn coo le mɛɛ vana tiwba ndu dimio vakpa yɛ.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.