Rɔmnda 15:30 - BII BILA

³⁰ Puapilɛa nia, i co niaa yoomuan luei, la yiyan le Maalii Yeesu Krista a le kaola Kɔl-Diandaa ke naa-o, mì la mala ya cɔlɔba kon o piɛilen nin,

Rɔmnda 15:30 Referans Kwoze

Kolɔsea 4:12

Epafras fula o niaa lo-o yil niaa. Vana baala Yeesu Krista-o langbanɔ kon co ni, o co pɛngì Hala piɛyo le niaa le, haliko mi la sim yili, mì la peelun, mì la tosa hɛnan Hala-o o dɛnndan kpow nin.

2Korɛntea 1:11

Niaa bɛɛ, o bɛnda mì la va naa malaa o piɛilen nin, kani te vanaa bɔɔ-bɔɔ a piɛi pɛ le naa, Mɛlɛka co piɛile len muli. O kon vanaa bɔɔ-bɔɔ a sɔlanin kɛndɛi ken le naa mà mel Hala balika a naa o kɔɔ.

1Tesalonikea 5:25

Puapilɛa naa, la piɛi Hala le naa.

2Korɛntea 4:11

A co naa n co hoo yoomu-o kpede, n co o piɔ́mndo hɔl-ndɔ le Yeesu, haliko mi yoomu ndɔɔ cɔmnun o dialun naan n co hunɔɔ vu-on nin.

2Tesalonikea 3:1

Puapilɛa nia, o ya yeema mì mɛɛlu niaa dimul-lo co hoo ni, la piɛi Hala le naa, haliko mi sɔɛi Maalii-e keleŋa sɛŋin nɛɛ-nɛɛ ka, mì i sɔla bɛɛlen mɛɛ o co niaa tosanndo tɛɛn yɛ.

Filipea 2:1

Te Krista luei vana yoomuan ni, te o va pɛ maa vana sɔla yoomuan o kaolaa nin, mì Kɔl-Diandaa cuu diom pilɔɔ, te o va pɛ mì ɲííye a kɛndɛi co,

Kolɔsea 2:1

I yeema mì la sínà cɔlɔba bɛndu ya co le niaa, le Laodisea a le vanaa sínà vɔ ya bɛɛ le-a-o,

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

2Timote 4:1

I co nɔm sila Hala hɔl a Yeesu Krista o hɔl kpendekele, o co hunɔɔ kɔɔsɔ vanaa co yoomu-a a vanaa vi-a kiolɔɔ-o, mì sila nɔm o diola hunɔɔ ndɔɔ a o diola Masale ndɔlen,

Kolɔsea 1:8

Mó dimul naa mɛɛ Kɔl-Diandaa yɔngu niaa kaolaa yɛ.

Efɛsea 6:19

La piɛi vɛlɛ Hala le ya, haliko te i va pɛ sɔɛi, mò ke ya diomnda bɛnda lan, mì soo a kɔlkɛsiaa, mì cɔm vannda sɔɛi vianaŋii co o Yoongu kɛndɔɔ nin-nde.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

2Korɛntea 12:10

Lelan i dɔwnun ɲaale le kpaaya lepɛŋndo, le yeowla vannda co ya lan, le ɲɛm nda co ya tuŋɔɔ-on, le yɛle nda co ya tollo-len, a le sangala co ya coo le Krista lan. Kani telen ya nɔ mayoomu loo, telen kon ya sɔlà kpaayaa ni.

Condii lisai 143:10

Pɛɛku ya ɲɛ n yeema mì tosa-o, kani nɔm co Hala nuu ni. Màá yiyan kɛndɛ nɔmndo yɔɔ ya o lɛŋnde tɛlɛlɛ len coo!