Rɔmnda 15:26 - BII BILA

²⁶ Kani vanaa laalannda Maseduan a haa Akaii a dimi le malaa biyɔɔ, le vanaa bala fondoa co vanaa laalannda tɛɛn Yerusalɛm-nda mala kon yɔŋndo.

Rɔmnda 15:26 Referans Kwoze

2Korɛntea 9:12

Kani baala niaa co kon tosaa le vannda ɲɔɔn kew-vo, o co ko balahavɛila vanaa diandaa daama le o nɛŋi le, kɛ o co tosaa mì vanaa bɔɔ-bɔɔ a va Hala balikaa mello.

2Korɛntea 9:2

Kani i sínà mɛɛ niaa nɔ yeemɛi le yɔngoo yɛ. I co yongaa sɔɛi a niaa o kɔɔ vanaa laalannda o hɔl Maseduan. I cii nda dimul maa cɔn nin lapɔm, niaa vanaa laalannda Akaii, la co a bɛɛndiannda le malaa yɔngoo. Nduyɛ, le yɔngɔn niaa kon, mí vanaa bɔɔ-bɔɔ nda tɛɛn a sɔla yeemɛi le malaa yɔngoo.

Filemɔn 1:5

Kani i co tueyɔɔ mɛɛ n laalan Maalii Yeesu, má kaola vanaa laalannda kpow yɛ.

1Korɛntea 16:15

Puapilɛa nia, la sínà maa yungu Stefanas-o yɔŋnun vanaa laalaŋa tasea Akaii ni, má va vanaa diandaa baalaa tosallo. Lelan i co niaa yoomuan luei,

Dɛnnda kiilaa 18:12

Tuma Kaliɔn va masa-ibunga Rɔmnda Akaii ciee-o, mí Yuifia cɛlan, má simul Pol. Má kɔa a ndu nɛɛ kialaa n'yamaa.

Dɛnnda kiilaa 16:9

Icɔllo pum, mí Pol ca vundulen: mí Maseduannɔɔ pum sim ndu o hɔl, mó tɛɛlun ndu aa: «Hun Maseduan mà mala naa.»

Luke 14:13

Kɛ taa va pɛ vannda ɲɛdiaa kafoo keo, a veelu vanaa bala fondoa, namtaa, vanaa bɛvɛiya a vanaa sumɛiya.

Luke 6:20

Yeesu keeliaa kaandeŋaa ndɔa hɔlten coo, mó dimi aa: «Dɛnɛ kɛndɔɔ co le niaa vanaa bala fondoa, kani masale Hala len le co le niaa.

Matie 26:11

Kani la nɔnin vanaa bala fondoa lɔ́ɔ́-lɔ́ɔ̀ niaa tɛɛn. Kɛ ya ya, la nɔ́nìn ya lɔ́ɔ́-lɔ́ɔ̀ niaa tɛɛn te.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Sakari 11:11

Mí kpema kon tambu ɲinkon. Mí yulaa n'saa va ya mɛɛndanndo-a bii bila maa sɔɛi Mɛlɛka-e va tɛɛngɔn kon a dɛnnda nilan ni.

Sakari 11:7

«O kon, mí va saa va le diyɔɔ-a yɔɔ diólan, saa yulaa n'saa ndáà nɔle diyɔɔ-a. Mí cua tindala mandaa n'saa lan tan tiɔn, mí ke o pilɛ diolan aa «Canyɛi», o pilɔɔ aa «Diom pilɔɔ.» Mí va saa yɔɔ diólan.

Talelan 17:5

Vana mam pɛ vana bala fondoo, mɛɛ vana cɔw ndu-o o tɛɛndan ni. Vana mam pɛ caanda le dɛnɛ palaa co nda coo-o, dɛnɛ palaa toalnin vana kon coo le ken.

Talelan 14:31

Vana tosal pɛ vana bala fondoo dɛnndan kpoku-kpoku, mɛɛ a tɛɛndan Vana cɔw ndu-o. Kɛ vana ce pɛ vana bala fondoo ɲia, o ke Vana cɔw ndu-o bɛɛlen.

Talelan 14:21

Vana pɛɛsa pɛ caanda o tosa hakio, kɛ dɛnɛ co le vana kon, vana nɔ ɲííye a vanaa bala fondoa-o.

Dɛnnda kiilaa 9:13

Kɛ mí Ananias muli aa: «Mɛlɛka, vanaa bɔɔ-bɔɔ a dimul-la sɔɔn a langbanɔ kon o kɔɔ, má dimul-la vɛlɛ dɛnnda vɔɔnnda o tosal vanaa nɔmnda Yerusalɛm-ndan.

Dɛnnda kiilaa 16:12

Faŋanndo lon, mí n kɔa háá Filipii, kobi lebol va o lɛŋnde Maseduan nden nin-ndo, kobi rɔmnda va icali nin taw-vo pɛɛn. Mí n hivi palɛi bɔɔ-bɔɔ o kobi kon nin.

Dɛnnda kiilaa 19:21

Dɛnnda lan hiovɔɔ, mí Pol tuu le keiyo Maseduan a Akaii le kɔlan Yerusalɛm. Mó dimi aa: «Lɔ́ɔ́ ya tiiyanin lon-ndo, mɛɛ mì kɔɛ vɛlɛ Rɔm.»

1Korɛntea 16:5

I cɛn pɛ Maseduan, i kɔɛ o niaa lo, kani lon ya keinin ni.

2Korɛntea 1:16

Nduyɛ, yáà yeema mì yáà kei o niaa lo, mì yáà hiow niko Maseduan. O kon kɔɔli, yáà va vɛlɛ pɛ muungoo fulaa Maseduan, yáà hin vɛlɛ o niaa lo haliko mi niáà liila ya le kɔlan Yuda.

2Korɛntea 2:13

Kɛ nduyɛ, i va buulanndo taw, kani i komal Tite puapilɛ nuu lon te. Le hee, mí congun yungoo Troas, mí kɔa Maseduan.

2Korɛntea 7:5

Kani telen naa n tiiya Maseduan-ndo, n sɔla pɛngi le: sɛɛngianndan la va ba-ba fee, siòònde va naa.

2Korɛntea 9:4

Te vanaa fula Maseduan-nda liila pɛ naa, mà kɔ komal niaa a bɛɛndiannda le, mɛɛ siɛmbulan la biinin naa taw le laalan naa n laalan niaa-o, vana cɔm ndɛnin siɛmbula biinin niaa pila lan te.

2Korɛntea 11:9

Telen ya va niaa tɛɛn, mí va o bahavɛiyo nin-ndo, i hendu vana-vana volɔɔ coo le, kani vanaa laalannda Maseduan a va ya malaa ni. Mí mandan o dɛnndan nin kpow yɔŋii yáà va o ba niaa bɛngu, nduyɛ i hiawnin laci a kon tosaa.

Filipea 4:15

Niaa pila Filipea, la sínà maa telen Yoongu kɛndɔɔ kandu yondanndo-o ya faŋan Maseduan ni, niaa pilɛ kpé yɔŋnun vanaa laalaŋaa mala ya-a ni.

1Tesalonikea 1:7

O kon mí la siŋnun tɔɔmaseloo le vanaa laalannda Maseduan a le haa Akaii.

1Tesalonikea 1:8

Kani sɔɛi Mɛlɛka-e tiw o niaa lo, o co ka Maseduan a Akaii le, mì tɔ́ɔ́ niaa laalan Hala-o kɔa nɛɛ-nɛɛ ka. Hali mì n suu bɛɛ a ken o kɔɔ le.

1Tesalonikea 4:10

Ɛ̀ɛ̀ nduyɛ, lende niaa co kelaa a puapilɛa nia Maseduan kpow ni. Nduyɛ puapilɛa naa, n co niaa vɛlɛ sila, la hiow bɛɛ o kon coo.

1Timote 1:3

Lɔ́ɔ́ ya va kɔlan Maseduan-ndo, mí sila nɔm le lou Efɛs, haliko ma kpaa vanaa pum, mà pɛngi pɛɛkula lacòòvalan yɔngoo.