Rɔmnda 15:19 - BII BILA

¹⁹ o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Rɔmnda 15:19 Referans Kwoze

2Korɛntea 12:12

La ce biuvɔn nuu o dɛnnda cɔm maa kiilanɔɔ ya co ni lan niaa tɛɛn, lan la yɔŋnun tɔɔmaselelan, dɛnnda kɔndɔfiltan a kaamaalan ni.

Hebreea 2:4

Mí Hala pila tɛnda seile toɲale ndalen o dɛnnda kaamaalan a o dɛnnda kɔndɔfilta súú-súù ka nda va tosaa lan nin, a mɛɛ nda va valta kɔltan sɔlaa mɛɛ ndóò hɛnan Hala yɛ.

Kalatea 3:5

Hala ke niaa Kɔl ndɔɔ mò va dɛnnda kaamaalan tosaa niaa tɛɛn. Mò va maa le mɛɛ niaa co tɔŋndan biyɔɔ yɛ o tosal niaa ken ni baa le mɛɛ niaa tuei mì la laalan Yoongu kɛndɔɔ yɛ?

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Dɛnnda kiilaa 20:6

Naa naa, kafo bulu toosian a lɛvɛn too hiovɔɔ, mí n koma luɛi o dɛ̀ndɔ̀ɔ́ nin Filipe. Palɛi ŋuɛɛnu o kon kɔɔli, mí n kɔ komal nda Troas. Mí n cii palɛi ndii ŋɔmmɛw lon.

Dɛnnda kiilaa 17:10

Ɲumndan tolɔɔ dɔ́ɔ́, mí vanaa laalannda liila Pol nda Silas Beeree. Mɛɛ nda tiiyaa lon, má kɔ luɛi o cɛi lekaan Yuifia nin.

Dɛnnda kiilaa 20:20

La sinà maa i vin niaa ɲɛ-ɲɛ le, o bɛnda le niaa-o pɛɛn. I pɛɛku niaa ndu vannda kpow o hɔl, mí kei vɛlɛ niaa ndu cɔm cɛilan nin.

Dɛnnda kiilaa 19:1

Telen Apolɔs va Korɛnte-o, mí Pol balu lɛŋnde maluaŋnden, mó tiiya Efɛs. Mó komal kaandennda pum lon,

Dɛnnda kiilaa 18:19

Má tiiya Efɛs, mí Pol faŋan Priska nda Akilas-a, mó kɔa o cɛi lekaando nin, mó kɔ cal suukanndo nda Yuifia.

Dɛnnda kiilaa 18:1

O kon kɔɔli, mí Pol faŋan Atɛn, mó kɔa Korɛnte.

Dɛnnda kiilaa 17:15

Mí vanaa va Pol liilaa-a a kɔa háá Atɛn. O kon kɔɔli, má muungu, má hun dimul Silas nda Timote maa a keleŋa ndu Pol komal.

Dɛnnda kiilaa 16:18

O lo ɲɛ kon tosaa lende háá, mí palɛi bɔɔ-bɔɔ i hiaw. O mɛɛlulan, mí ɲɔɔ pala Pol, mó mulin, mó dimul ɲina kon aa: «O diola Yeesu lan, fula cuaambɔɔ ho nin!» Fɔ́ɔ́fɔ̀, mí ɲina kalaa fula.

Dɛnnda kiilaa 15:12

O kon mí nda kpow a mei, má yaŋ Barnabas nda Pol nilan, má cɔm nda dɛnnda kaamaalan a dɛnnda kɔndɔfilta Hala tosa a nda vanaa co N'Yuifi le-a tɛɛn ndan.

Dɛnnda kiilaa 14:25

Ndáà ciiyo sɔɛi Hala-e dimio Pɛrkɛn, má kɔa Atali.

Dɛnnda kiilaa 14:20

Kɛ telen kaandennda balu ndu-o, mó can, mó muungu ciee. Diimandɔɔ, mó kɔa Dɛrbe nda Barnabas.

Dɛnnda kiilaa 14:10

mó yonda aa: «Cɔn ma sim o pelun nɔmndon coo!» Mí langbanɔɔ can ɲaali, mó kandu kɔlan.

Dɛnnda kiilaa 14:6

Kɛ vanaa ŋiɔŋaa kan sinaa sɔɛi ken, má kɔ vinivinin o kobila va Likaoni lan nin: Listre, Dɛrbe a o sɔndɔkɔlta ndalan nin.

Dɛnnda kiilaa 13:51

O kon, má koaŋ cundu va nda o n'pelu-o, má kɔannun Ikoniɔm.

Dɛnnda kiilaa 13:14

Má can Pɛrkɛn, má hiaw Antiɔs o lɛŋnde Pisidii len nin. Má kɔ luɛi o cɛi lekaanndo pum nin o paale pɛngiaalen coo, má cal.

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

Nsaŋ 4:48

Mí Yeesu dimul ndu aa: «Te o co mì la ce dɛnnda kɔndɔfiltan a kaamaalan te, la laalan dɔ́ɔ́ le!»

Matie 12:28

Kɛ te o va pɛ aa a Kɔl Hala-o ya co ɲinaa vɔɔnda tovɔɔ ni, mɛɛ masale Hala len le hin o niaa lo dí.

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

Kolɔsea 1:25

I siŋnun vana baala vanaa laalannda, maa mɛɛ vali Hala ke ya a niaa o kɔɔ-o co yɛ. O vem ya sɔɛi ndɔɛi dimio kpendekele,

Rɔmnda 15:24

i ce maa i komalnin niaa o hiovɔɔ, mì la mala ya le kɔlan ndon. Kɛ mɛɛ mì soli vɔ fɔlɔn yeemɛi co ya le niaa cɔw-ve.

Rɔmnda 15:13

Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

1Korɛntea 2:4

Sɔɛi nii a pɛɛku nuu ve fula o kɔlkalu ivanacieeya nin a o sɔɔn bii vana kɔllo-on nin te. Kɛ kpaaya Hala Kɔl-Diandaa tosa ni mí kon yɔŋnun,

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.