Rɔmnda 15:16 - BII BILA

¹⁶ haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

Rɔmnda 15:16 Referans Kwoze

Rɔmnda 11:13

I co niaa dimul, niaa co N'Yuifi le-a, maa kiilaa le vanaa co N'Yuifi le-a ya co ni. Lelan, i naŋ kɔl le baala kennun ya kon-ndo.

Rɔmnda 1:1

Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

2Timote 1:11

Lelan Hala vem ya ni, le vannda Yoongu Kɛndɔɔ dimullo, mì va kiilaa, mì va vɛlɛ vana pɛɛkaa.

1Timote 1:11

Pɛɛku kalaa co o Yoongu kɛndɔɔ nin, ó yɔngùn ya fulaa Hala biiloo bɛnda-o o ba-o.

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

Rɔmnda 15:18

Kani i diminin isɔɔ oo isɔɔ le, te o co sɔɛi Krista tosa o ya nin-nde le, sɔɛi o tosa mí vanaa co n'yuif le-a bii sɔɛi Hala-e yɛ. A sɔɛi sondoei a á dɛnndan o tosa ken

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

1Timote 2:7

Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

2Korɛntea 5:20

Lelan, naa co hɔlte Krista len ni, maa mɛɛ Hala pila oo lueinin niaa yoomuan yɛ. Lelan, n co niaa tɛɛlɔn o diola Krista lan, la cɛl mi diom pilɔɔ muungu Hala a niaa tɛɛn.

1Korɛntea 4:1

Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

1Piɛr 2:5

Niaa bɛɛ, la va maa powta kiyɛi, mì la sɔla luɛyɔɔ o tangul cɛi Kɔl-Diandaa nin, mì la va vanaa-solia-lasálàá diandaa, le sálàla kɔltan solio, la hɛnan Hala o Yeesu Krista nin-ndan,

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

1Tesalonikea 5:23

Màá Hala yɔngù vana kɔlɲuloo-o tosa mì la va vanaa ndɔa lɔ́ɔ́-lɔ́ɔ̀! Màá o mandà yiyan niaa, yoomu niaa a kɔɔle niaalen, mì la va vanaa yaalan te-a lɔ́ɔ́ Maalii Yeesu Krista hunnin-ndo!

1Tesalonikea 2:9

Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

1Tesalonikea 2:2

La sínà vɛlɛ maa n sanga fɔlɔn Filipii taw, mí vannda yeow naa, má pala naa. Kɛ a pala nda pala naa kon-ndo kpede, mí Hala luei naa yoomuan le niaa Yoongu kɛndɔɔ tiiyallo.

Filipea 4:18

I sɔla ɲɛm niaa yɔŋ ya-on kpow, mí n hiw kuiyo ya o ba. I pɛ, Epafrodite langa yɔngu ya ɲɛm niaa yɔŋ ya-on, n co macoaa maa lasikɔlɔ cun kɛndɛ, sálà hɛnan Hala-o.

Efɛsea 2:22

Niaa bɛɛ, la co a tangulaa latulu le siŋnɔnndo fonda calaa, nɛɛ Hala càl o Kɔl-Diandaa ndɔɔ nin-nda.

Efɛsea 2:18

Kani a ndu o kɔɔ naa sɔla sɔɔnguuo vellaa-velle Hala Fuɲaa ikɛi o kɔl pilɔɔ nin ni.

Kalatea 3:5

Hala ke niaa Kɔl ndɔɔ mò va dɛnnda kaamaalan tosaa niaa tɛɛn. Mò va maa le mɛɛ niaa co tɔŋndan biyɔɔ yɛ o tosal niaa ken ni baa le mɛɛ niaa tuei mì la laalan Yoongu kɛndɔɔ yɛ?

2Korɛntea 11:23

Hee ndi maa vana seemɛi kpeekpei ya co ndi dimi ni. Vɛ̀ɛ̀ vanaa baalaa Krista-a nda co ni? Ya, i hiow nda o nɛi kon coo, kani i kei o sangalan taw nin mí hiaw nda, a mal-la o kaasoolan taw mí hiaw nda, i sɔla lɔɔ hiovɔɔ o nda sɔla-o. Mbɔ̀ piɔ́mndo bindibindi ya bɔɔ!

2Korɛntea 8:5

Nda pila fɔlɔn aa yɔngun Mɛlɛka ni, o kon kɔɔli má yɔngun le naa o kɛndɛi Hala-e bɛngu.

1Korɛntea 6:19

La sínà le maa dialun nian n co Cɛi-Mɛlɛka Hala Kɔl-Diandaa ni, o co niaa nin-ndo pɛɛn, o niaa sɔla Hala o ba-o? La co a ba niaa le.

1Korɛntea 3:5

Nɛ̀ɛ́ co yɛ niko Apolɔs? Nɛ̀ɛ́ co yɛ Pol? Vanaa baala Hala-a daama naa n co ni, a niaa laalan o ba-a, maa mɛɛ Hala ke vana-vana vallo le tosaa yɛ.

Rɔmnda 15:29

Nduyɛ, i sínà maa te i kɔɛ pɛ o niaa lo, i hunnin a duaa Krista-o taw-taw.

Rɔmnda 5:5

Nduyɛ, kɔlkɛsiaa hui vana le, kani Kɔl-Diandaa kennun naa-o tosá ni mí kaola Hala-o tiw o kɔlta naalan nin sɔ́.

Dɛnnda kiilaa 22:21

O kon mí Maalii dimul-la aa: ‹Kɔ, i viamnin nɔm o vanaa co N'Yuifi le-a lo.›»

Dɛnnda kiilaa 20:32

Nihau, i sɔɔ niaa Hala o ba a o kɛndɛi ndɔɛi bɛngu. O nɔ kpaayaa le niaa yoomuan lueiyo, mò tosal niaa dɛnɛ kɛndɔɔ taw, kpaaya o kɛsi teengen le vanaa co le ndu-a kpow-vo.

Dɛnnda kiilaa 13:2

Paale pilɛ, a va Mɛlɛka biiloo ma va o sumndo nin, mí Hala Kɔl-Diandaa dimul nda aa: «La kɛsul-la Barnabas nda Sol landɔ le baalaa tosaa, o ya hɛli nda-o. »

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.

Rɔmnda 15:20

Kɛ ya pila daama hɛli le Yoongu kɛndɔɔ yondaa o lɛŋii vannda sina vɔ Krista lei nin ni. Yɔŋii yáà tangul o kila vana celen coo.

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.