Rɔmnda 15:15 - BII BILA

¹⁵ Nduyɛ, mí sɛval niaa ndi kpéŋ-kpéŋ le niaa yiyalanndo le kɛndɛi Hala tosal-la-e,

Rɔmnda 15:15 Referans Kwoze

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

Rɔmnda 12:6

Mɛɛ naa n sɔla valta yɛ́-yɛ́lan o kɛndɛi kennun naa-e nin yɛ, te vanndo sɔla pɛ vali tɛɛngaa diom Hala-o, o bɛnda mò tosa vali kon a laalanndo.

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

1Nsaŋ 5:13

I sɛval niaa ndi, haliko mi la sina maa la nɔ yoomu fɛɛn-fɛɛndo, niaa laalan o diola Po Hala-o lan-nda.

2Piɛr 3:15

La sìna maa biuvɔn bɛndu Mɛlɛka-o tosa ni mí la sɔla cindaa. Sɔɛi pilɛi ken koni Pol puapilɛ naa bɛɛ sɛval niaa maa mɛɛ kɔlkalu kennun ndu-o yɔŋnun yɛ ni.

1Piɛr 5:12

Kɛɛmasɔla Silvɛn te, o ya ce maa puapilɛ ni kɛndɛ-kɛndɛ-o, ndu mala ya le niaa sɛbɔɔ ho sɛvallo ni. I sɛval niaa ndu le niaa silaa maa o kɛndɛi Hala-e kpeekpei niaa yiinun nuaa ni.

Hebreea 13:22

Puapilɛa nia, i co niaa tɛɛlɔn mì la yaŋ nilan ɲɛkɛndɛi o sɔɔn ya sɛval niaa mun le niaa yoomuan lueiyo-on. O co bɛɛ sɔɔn bɔɔ le ya sɛval niaa le.

Tite 3:1

Yiyilan vanaa laalannda maa a tuisin tootoo a simlacia a á masaa lelɛŋnda, mà bii sɔɔn ndan, mà va a bɛɛndiannda lɔ́ɔ́-lɔ́ɔ̀ le dɛnnda kɛndɛlan kpow tosaa.

2Timote 2:14

Va nda dɛnndan ndan yiyalanndo, mà va nda silaa Hala o hɔl vakpa maa a kpakpala sɛɛngianndan o diomndan lapum coo, la nɔ tɔnɔ le lan, kani tɛɛmbuuo koni la tɛɛmbuu vanaa yaŋ ndan nilan-nda ni.

2Timote 1:6

Lelan i co nɔm yiyalan, mà bii ke n sɔla tuma ya handu nɔm balan coo-o-o ɲɛkɛndɛi.

1Timote 4:6

Taa yɔngu pɛ puapilɛa silalan ndan, mɛɛ a vanin vana baala kɛndɛ Yeesu Krista-o. A dɔawnunnin balo a sɔɔn laalanndon a á pɛɛku toɲaa, o n del kɔɔli ma lo lecoo-o.

Kalatea 2:9

Telen Nsaki, Sefas a Nsaŋ, a co sungbuma vanaa laalannda-a sínà maa baala Hala ke ya-o co kon ni-o, má yil naa a laba naa Barnabas, le naa cɔmndo maa n co diom pilɛ naa ndaa, haliko mi naa n va kɔlan o vanaa co N'Yuifi le-a lo, o kon mí nda va kɔlan o Yuifia lo.

1Korɛntea 3:10

Maa mɛɛ kɛndɛi Mɛlɛka-e i yɔngun ya-e. Ya ya, i tosa baalaa maa vana caa baalaa taw-vo, mí kila cɛiyo, mí vana celen tangul lecoo. Kɛ, mɛɛ mì vana caa taw a mɛɛ n co cɔwva lecoo yɛ.