Rɔmnda 15:13 - BII BILA

¹³ Màá Hala ke vana kɔlkɛsiaa-o pei niaa ɲaaloo a kɔlɲuloo o laalan niaa nin, haliko mi la pɛ a kɔlkɛsiaa o kpaaya Kɔl-Diandaa nin!

Rɔmnda 15:13 Referans Kwoze

Rɔmnda 12:12

La dɔwnun ɲaale o kɔlkɛsiaa niaa nɔ-o nin. La va vanaa yulu dɛnɛ palaa-a, mì la biwnun o piɛilen nin.

2Korɛntea 9:8

Hala tiwba mò kuilul niaa dɛnnda kɛndɛla súú-súù ka, haliko mi la tiwnun o dɛnndan kpow nin a o telenndan kpow nin, o kon mì ɲɛ lo vɛlɛ niaa o ba taw le dɛnnda kɛndɛlan kpow tosaa.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Rɔmnda 15:5

Màá Hala ke vana biuvɔnndo mò ɲɔɔlu vana-o ke niaa kɔl pilɔɔ vellaa-velle le vaa velan Yeesu Krista-o,

Nsaŋ 14:1

Mí Yeesu dimul kaandeŋaa ndɔa aa: «Kɔlta niaalan la sanga le, la laalan Hala mì la laalan ya vɛlɛ.

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Esai 55:12

A toɲa, la fulanin a kɔlkɛndɔɔ taw, a yaanin niaa o kɔlɲuloo nin, pembun bɛndon a n'pɔmbɔn piɔndinin a ɲaaloo niaa o hɔl, nduyɛ yɔmii co yondoo nin-nde kpow i tiamnin balan.

1Piɛr 1:8

La ci ndu le, mí la kaola ndu. Niáá ci vɔ vɛlɛ ndu le, mí la laalan ndu, mí la va huuloo a ɲaale bɛndoo,

Hebreea 6:11

Kɛ nduyɛ, o naa n yeema-o co ho ni, mì vana-vana o niaa tɛɛn lo lecoo háá o mɛɛlulan. O kon mí ɲɛ niaa kɛsi kɔllo coo-o tosan.

1Timote 1:1

Ya Pol kiilanɔ Yeesu Krista-o, o Hala Vana naa Ciindiaa nda Yeesu Krista Vana naa n tiindan-ndo vem-ndo, ya co sɛbɔɔ ho sɛvaa ni.

Efɛsea 1:2

Màá Hala Fuɲa naa nda Maalii Yeesu Krista a tosal niaa dɛnɛ kɛndɔɔ mà ke niaa kɔlɲuloo!

1Tesalonikea 1:5

kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ.

Yeremi 14:8

Nɔm Israɛl tiindan-ndo, nɔm ciindiaa ndu o telen dɛnɛ palaa-o, le yɛɛ nɛ n tosa yɛ maa mial o lɛŋnde ndɔlen nin, maa vana hiawnan kei cɛi-kola-toandaa ndɔɔ simi le lɔan-ndo?

1Korɛntea 2:4

Sɔɛi nii a pɛɛku nuu ve fula o kɔlkalu ivanacieeya nin a o sɔɔn bii vana kɔllo-on nin te. Kɛ kpaaya Hala Kɔl-Diandaa tosa ni mí kon yɔŋnun,

1Samiɛl 1:18

Mí Anɛɛ dimi aa: «Màá buɛi nɔm laandoo sɔla dɛnɛ kɛndɛ nɔm o ba!» Mí Anɛɛ kɔannun, mó cɛl le ɲɛdiaa dioo. Mó pɛngi suumaa.

Rɔmnda 15:19

o kpaaya Kɔl-Diandaa bɛngu ni. Lelan ya sɛŋi Yoongu kɛndɛ Krista-o ɲɛkɛndɛi kandɔɔ Yerusalɛm kɔlan háá o tàndá Iliri-o nin ni.