Rɔmnda 14:6 - BII BILA

⁶ Vana co yiyanndo maa palɛi i pum i hiow naŋɔɔ-o, le Maalii bɛɛlen keo o co ndi cɔu lende ni. Vana dia ɲɛ-ɲɛ ka-o bɛɛ, le Maalii ndu co dioo ni, kani o co Hala balikaa mello. Vana di ɲɛ-ɲɛ ka loo bɛɛ, le Maalii o kɛɛ n'pum dioo ni, ndu bɛɛ co Hala balikaa mello.

Rɔmnda 14:6 Referans Kwoze

Matie 15:36

Mó cua bulula ŋɔmmɛwla lan a suvaa kan. Ndóò ciiyo balikaa malɔɔ, mó yimiyimi lan, mó yɔngu kaandeŋaa ndɔa lan, mí nda piɔw vannda lan.

Matie 14:19

Mó dimul sɛ́lɔ́ɔ́ le calle o billo coo. Mó cua bulula ŋuɛɛnula lan a suvaa ŋiɔŋaa kan, mó heelu hɔlla o halataala, mó dɔaw duaa. O kon mó yimiyimi buloo, mó yɔngu kaandennda, mí kaandennda piɔw sɛ́lɔ́ɔ́ ndu.

Kalatea 4:10

La co tɔŋnda ipalalan, tɔŋnda n'paangulan, tɔŋnda telenndan a la vɔsilan biyɔɔ.

Nsaŋ 6:28

Má ɲuna ndu aa: «Yɛɛ naa n tosa yɛ mi kon va dɛnnda Hala lan?»

Esai 58:5

Vɛ̀ɛ̀ sum hɛnan ya Mɛlɛka-o co kon ni? Vɛ̀ɛ̀ paale vanacieo tuisin ndu pila tootoo len le co len ni? Mò va maa le bollen tundɔɔ maa lekpɛ̀ndɛ̀, le yalala yuululan vownɔnndo a le lɔngɔlianndo o pultan nin ni? Vɛ̀ɛ̀ kon niaa veelunin ni aa sumndo? Vɛ̀ɛ̀ paale hɛnan Mɛlɛka len le co len ni?

Fulaa 16:25

O kon, mí Moise dimul nda aa: «La dio hau ɲɛ niaa manda-o, kani paale pɛngiaalen le co hau le Mɛlɛka ni. Lelan, la kɔ bɛɛ hau, la seelunnin ɲɛdiaa kalaa le.

Fulaa 12:42

Maa mɛɛ Mɛlɛka lɔl ɲinkon lahɔl le cuavaa ndɔa solio o lɛŋnde Esipte len nin yɛ, le fɛɛn a fɛɛn, te paale len le tiiya pɛ, Israɛlla bɛɛ bɛnda mà lɔl lahɔl. Kani le Mɛlɛka biiloo ɲumma man ma solin sálà ni.

Fulaa 12:14

Le fɛɛn a fɛɛn, kandɔɔ a niaa pila, kɔ bii a cuavaa niaa imamaa, la bɛnda mì la tosa kafo bɛndoo le ya Mɛlɛka biiloo, haliko mi la va loonɔnndo a dɛnɛ kon o kɔɔ.»

Sakari 14:21

Kpɛɛnɔn Yerusalɛm ciee a mun Yuda kpow n vanin n'solianndon sálà le baala Mɛlɛka-Nɔ-Kpaayaa-Kpow-vo-o. Mì vanaa vanin hunɔɔ sálàlan solio-a cua kpɛɛnɛn mun le vision yawvo lenin. O telen kon, yulaa ve lɛnin o cɛi Mɛlɛka-Nɔ-Kpaayaa-Kpow-vo o nin te.»