Rɔmnda 14:4 - BII BILA

⁴ Nɛ̀ɛ̀ nɔm co yɛ, le yamɛi vana baala pilaa kiolɔɔ? O sim-ou, o del-ou, vana ndɔ bɛndoo sina ken ni. Kɛ nduyɛ, o simnin yili, kani Maalii nɔ kpaayaa le ndu simio.

Rɔmnda 14:4 Referans Kwoze

Rɔmnda 9:20

Kɛ nɛ̀ɛ́-nɛ̀ nɔm co yɛ, le simndan sɛɛngianndo niaa Hala? Kpɛɛnɛi puului nda cɔw-ve i ɲuna pá vana cɔw ndi-o aa: «Le yɛɛ nɛ n cɔw yɛ ya nuaa?»

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,

Condii lisai 37:24

Vana kon siɛla bɛɛ, o del te, kani Mɛlɛka bii ndu baa.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Rɔmnda 14:3

Vana dia ɲɛ-ɲɛ ka-o pɛɛsa vana di ɲɛ-ɲɛ ka loo le, vana di ɲɛ-ɲɛ ka loo bɛɛ kialu vana dia ɲɛ-ɲɛ ka-o iyama le, kani Hala cɛl ndu.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Esai 40:29

O yɔngu vana sanga-o yoomuan, mó yɔngu vana vi diallon-ndo dialun fulan.

Condii lisai 37:28

Kani Mɛlɛka kaola dɛnɛ sandaa, o mel vanaa lo o lediom coo-a le. O co nda mandaa lɔ́ɔ́-lɔ́ɔ̀, kɛ cuavaa vanaa kɔlvesɛiya ɲumnin bómbò.

Condii lisai 17:5

I co kelaa o nɛila nɔmndan coo ɲɛkɛndɛi, i co siɛla le.

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

Dɛnnda kiilaa 11:17

Ɛ̀ɛ̀ nduyɛ, te Hala ke nda pɛ ke pilɔɔ maa naa laalan Maalii Yeesu Krista-a, vɛ̀ɛ̀ yáà kuuna nin Hala hɛnan ndɔɔ tosaa ni?»

Condii lisai 37:17

Kani bala vanaa kɔlvesɛiya la yominin, kɛ Mɛlɛka co vanaa sandaa yoomuan lueiyo.

Rɔmnda 11:23

Vanaa kan yɛ, taa lo o nila kalulan nin te, a hun sɔlanin holɔɔ, kani Hala nɔ kpaaya o mingi nda holɔɔ-o.