Rɔmnda 14:22 - BII BILA

²² Laalan n nɔ kon-ndo, manda ndu le nɔm pila Hala o hɔl. Vana duaa co kon ni, vana yaalan o ɲɛ o yiyan le tosaa-o nin too.

Rɔmnda 14:22 Referans Kwoze

1Nsaŋ 3:21

Caaŋaa nia hɛnan ya-a, te kɔlta naalan la yaala naa le, mɛɛ n nɔ tiindanndo Hala o hɔl.

Rɔmnda 14:5

Vana pum co yiyanndo maa paalen lepum le hiow a paalen lepilɛlen. O pum ndu co yiyanndo maa palɛi kpow kpen-kpen i co ni. O bɛnda mì vana-vana laalan yiyan co o ndu kɔllo ɲɛkɛndɛi.

Nsaki 3:13

Nɛ̀ɛ́-nɛ̀ co yɛ vana kɔlkaloo a vana sinaa dɛnɔɔ o niaa tɛɛn? Vana kon bɛnda mò cɔm o kela ndɔ kɛndɔɔ nin maa dɛnnda ndɔlan la fula o tuisinndo nin a o kɔlkaloo nin.

Kalatea 6:1

Puapilɛa nia, te la saalun pɛ vanndo pum dɛnɛ vɔɔndo tosaa, o bɛnda mì niaa co vanaa kɔlla-a mingi ndu o nɛi o fɛ́ɛ́-fɛ́ɛ́o nin. Kɛ niaa pila mandan dɛ, yɔŋii niaa bɛɛ sɔla tɔɔndanndo.

Rɔmnda 14:23

Kɛ vana sika pɛ le ɲɛ o co dioo-o, ndu sɔla yaalaa, kani dɛnnda o tosa lan la fula o laalan nin te. Nduyɛ dɛnɛ oo dɛnɛ vana tosa a laalanndo le, ndu co hakio ni.

2Korɛntea 1:12

Kani ɲɛ naa n nɔla mì n kelu yongaa a ndu o kɔɔ-o co hoo ni, kɔlta naalan la co seilen timbio mɛɛ naa n kela o ceendo nin yɛ, taam-taama niaa o hɔl. Kela diandaa a kela toɲaa o yɔŋnun ni, o fula Hala o ba-o, n tosa kon a kɔlkalu ivanacieeya le, kɛ o kɛndɛi Hala-e bɛngu.

Rɔmnda 14:14

I laalan maa te vanndo va pɛ o Maalii Yeesu nin, ɲɛ-ɲɛ co o nɔɔlɛi ndu o hɔl te. Kɛ te vana pum yiyan pɛ maa ɲɔɔ pum co o nɔɔlɛiyo, mɛɛ le ndu pila ɲɛ kon co o nɔɔlɛiyo ni.

Rɔmnda 14:2

Mì vana pum ndu laalan maa o nɔla mò de ɲɛ-ɲɛ ka, kɛ mì caan celen, o nɔ laalan bɔɔ loo, ndu va lamnda lapeelan kínɛí dioo.

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

Rɔmnda 7:24

Mbɔ̀ dɛnɛ pala ya fɔ́! Nɛ̀ɛ́ baŋa yɛnin ya dialun piɔ́mndon mun o ba?

Rɔmnda 7:15

A toɲa, dɛnnda ya co tosaa lan, i co lan bila biyɔɔ le. O ya yeema-o, i tiwba le kon tosaa le, kɛ dɛnɛ nɛinun ya-o, ndu ya tosa ni.

Rɔmnda 2:1

Éé nɔm vanacieo! Nɔm co yaman caanda kiolɔɔ-o, mɛ̀ɛ́-mɛ̀ɛ́ n va, a nɔ mɛɛ kɔɔsaa le, kani le dɛnɛ n co yamɛi caanda kiolɔɔ-o, nɔm bɛɛ co ndu tosaa, mɛɛ nɔm pila cii yaalan.

1Korɛntea 8:7

Kɛ o co nda kpow le a sínà toɲa kon te. A pum a hiw dɛlio a piɔmnda. Háá sunsun, a co vɔ visin nda co piɔmnda sálàlan solullo-on dioo, vana ca ko bɛɛ aa le piɔmnda nda co ni. A nɔ mayoomu o yiyannda ndalan nin te, lelan nda nɔɔlian o dɛnnda lan nin ni.