Rɔmnda 14:2 - BII BILA

² Mì vana pum ndu laalan maa o nɔla mò de ɲɛ-ɲɛ ka, kɛ mì caan celen, o nɔ laalan bɔɔ loo, ndu va lamnda lapeelan kínɛí dioo.

Rɔmnda 14:2 Referans Kwoze

1Timote 4:4

Nduyɛ, ɲɛm Hala cɔw-von kpow n naŋ. O bɛnda mì n kɛɛ mun dio le, haliko sii n mel Hala balika o mun dioo,

Rɔmnda 14:14

I laalan maa te vanndo va pɛ o Maalii Yeesu nin, ɲɛ-ɲɛ co o nɔɔlɛi ndu o hɔl te. Kɛ te vana pum yiyan pɛ maa ɲɔɔ pum co o nɔɔlɛiyo, mɛɛ le ndu pila ɲɛ kon co o nɔɔlɛiyo ni.

Talelan 15:17

Lam lapeo dioo nɛɛ kaolaa co-a co fisa a visin yeelɛiyon dioo nɛɛ nɛyɔnndo co-a.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

Kalatea 2:12

Bau lɔ́ɔ́ pá mi vanaa Nsaki vem-nda hun, o va dioo latulu nda vanaa co N'Yuifi le-a. Kɛ ndáà hunɔɔ, mó yifan, kani siòònde i va ndu a vanaa ndáà nɔ kɔltan o sɔɔn tooman coo-a.

O Kandɔɔ 9:3

Ɲaa yoomaa co kelaa o lɛŋnden coo-a kpede vanin ɲɛ niaa diaa ni. Mɛɛ ya yɔngu niaa bil kiyɛiyo a yɔmii koamɛi le dioo yɛ, lende koni ya yɔngu vɛlɛ niaa ɲaa yoomaa kan ni.

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.

Tite 1:15

Ɲɛ-ɲɛ co o diandaa le vanaa diandaa, kɛ ɲɛ-ɲɛ dindu le vanaa co a nɔɔlɛi Mɛlɛka o hɔl, mà kɛɛ laalan nda le, kani kɔlkalu ndaa a yiyan ndaa kpede la dindu le.

1Korɛntea 10:25

La dio ɲɛm nda co pisio o lɔ́ɔ́ nin-ndon kpow, kɔlta niaalan la sanga a ɲunaa le,

Daniɛl 1:12

«I tɛɛlun nɔm, mɛɛndan-ndɔ buɛyaa nɔmnda o palɛi tɔ́ bɛngu, mà va naa lam lapeo daama yɔngoo le dioo, a mɛnndan daama le kolɔɔ.

Daniɛl 1:16

Kandɔɔ ɲinkon, mí langbanɔ va nda mandaa-o faŋa ɲɛdiaa a mɔima nda va nda yɔngoo-an, mó va nda lam lapeo daama yɔngoo.

O Kandɔɔ 1:29

Mí Hala dimul nda vɛlɛ aa: «I yɔngu niaa bil oo bil koam kullon o lɛŋnden coo kpow a yɔm oo yɔm koamaa, haliko mi la va baloo dɔwnɔnndo a kon.

Rɔmnda 14:1

La bii vana nɔ laalan bɔɔ loo, o va a yiyannda ndɔlan sɛɛngiaa le.

Rɔmnda 14:20

Tɛɛmbuu baala Hala-o le ɲɛdiaa le. O toɲaa nin, ɲɛ-ɲɛ fee co o diandaa. Kɛ dɛnɛ vɔɔndo o co le vanacieo ɲɛdiaa pum dioo, mò siŋnun pow boŋaa le vana celen ni.

Rɔmnda 15:1

Naa vanaa nɔ kpaayaa o laalanndo nin-nda, o bɛnda mì n biwnun vanaa nɔ kpaaya le-a. N nuwvian o hɛnan naa pila-o kínɛí le.

1Korɛntea 8:9

Kɛ nduyɛ, la caa taw, yɔŋii hɔ́ɔ́yɛi niɛi niaa co dɛnndan tosaa-e i luei vanaa nɔ mayoomu o laalanndo nin te-a o pɔwlan nin.

1Korɛntea 9:22

Mí siingun vana nɔ mayoomu loo vanaa yoomuma lepɛŋnda tɛɛn le nda sɔlaa. Mí cɛl dɛnnda vannda kpow haliko mi yáà kei o nɛi oo nɛi coo le vanaa pum ciindiaa.