Rɔmnda 14:14 - BII BILA

¹⁴ I laalan maa te vanndo va pɛ o Maalii Yeesu nin, ɲɛ-ɲɛ co o nɔɔlɛi ndu o hɔl te. Kɛ te vana pum yiyan pɛ maa ɲɔɔ pum co o nɔɔlɛiyo, mɛɛ le ndu pila ɲɛ kon co o nɔɔlɛiyo ni.

Rɔmnda 14:14 Referans Kwoze

Tite 1:15

Ɲɛ-ɲɛ co o diandaa le vanaa diandaa, kɛ ɲɛ-ɲɛ dindu le vanaa co a nɔɔlɛi Mɛlɛka o hɔl, mà kɛɛ laalan nda le, kani kɔlkalu ndaa a yiyan ndaa kpede la dindu le.

Rɔmnda 14:2

Mì vana pum ndu laalan maa o nɔla mò de ɲɛ-ɲɛ ka, kɛ mì caan celen, o nɔ laalan bɔɔ loo, ndu va lamnda lapeelan kínɛí dioo.

1Korɛntea 8:7

Kɛ o co nda kpow le a sínà toɲa kon te. A pum a hiw dɛlio a piɔmnda. Háá sunsun, a co vɔ visin nda co piɔmnda sálàlan solullo-on dioo, vana ca ko bɛɛ aa le piɔmnda nda co ni. A nɔ mayoomu o yiyannda ndalan nin te, lelan nda nɔɔlian o dɛnnda lan nin ni.

1Timote 4:4

Nduyɛ, ɲɛm Hala cɔw-von kpow n naŋ. O bɛnda mì n kɛɛ mun dio le, haliko sii n mel Hala balika o mun dioo,

1Korɛntea 8:10

Kani te vana nɔ mayoomu o laalanndo nin too ce nɔm pɛ, nɔm vana sina-o, ma va vision sɔmndo o máándo nin, vɛ̀ɛ̀ o sɔla yoomuan mò de visin nda co sálàlan solio-on te?

Dɛnnda kiilaa 10:28

Mó dimul nda aa: «La sinà maa Yuifinɔɔ bɛnda mò sɔɔnguu vana co Yuifinɔ loo ikɛi, te kon te mò luɛi o ndu lo le. Kɛ, Hala cɔm ya maa i bɛnda mì ce vana-vana o nɔɔlɛi, te kon te o dindu ndu Mɛlɛka o hɔl too le.

1Korɛntea 10:25

La dio ɲɛm nda co pisio o lɔ́ɔ́ nin-ndon kpow, kɔlta niaalan la sanga a ɲunaa le,

Rɔmnda 14:23

Kɛ vana sika pɛ le ɲɛ o co dioo-o, ndu sɔla yaalaa, kani dɛnnda o tosa lan la fula o laalan nin te. Nduyɛ dɛnɛ oo dɛnɛ vana tosa a laalanndo le, ndu co hakio ni.

Rɔmnda 14:20

Tɛɛmbuu baala Hala-o le ɲɛdiaa le. O toɲaa nin, ɲɛ-ɲɛ fee co o diandaa. Kɛ dɛnɛ vɔɔndo o co le vanacieo ɲɛdiaa pum dioo, mò siŋnun pow boŋaa le vana celen ni.

Marke 7:2

Má ca kaandeŋaa Yeesu-a pum ɲɛdiaa dioo, aa pilu laba le.