Puapilɛa niaa, la congan vellaa-velle le. Vana congu pɛ puapilɔɔ, te kon te vana yaala pɛ puapilɔɔ, mɛɛ ndu congu tɔŋndo mo yaala tɔŋ kalaa. Nduyɛ, taa kelu pɛ tɔŋndo iyama, mɛɛ a co vana biyaa tɔŋ te, yaamɔɔ tɔŋndo n co ni.
Puapilɛa nia, i co niaa sila, la mandan a vanaa luei piɔvianndo o kundaa tɛɛn-nda, a luei kan vannda o pɔwlan nin a pɛɛku niaa sɔla-o o kɔɔ-a pɛɛn. La faŋan nda kɔɔli few.
Kɛ nɔm, le yɛɛ n co yɛ yamɛi puapilɛ nɔmndo kiolɔɔ? Te kon te, le yɛɛ nɔm co yɛ puapilɛ nɔmndo pɛɛsaa? Kani mɛɛ naa n co kpede, n simnin Hala o hɔl mò kelu naa iyama.
Kɛ nduyɛ, i nɔ ɲɛ pum o kɔl a nɔm: A nɔ vɔ vannda pum, a co a yiinannda a pɛɛku Balaam-ndo-a. Ndu pɛɛku Balak ni maa o tosà o nɛi oo nɛi coo mì cuavaa Israɛlla mal nɛiyo, mà de visin nda solul piɔmnda sálàá-on, mà tosa dɛnnda laasiɛilan.
Nɛ̀ɛ̀ nɔm co yɛ, le yamɛi vana baala pilaa kiolɔɔ? O sim-ou, o del-ou, vana ndɔ bɛndoo sina ken ni. Kɛ nduyɛ, o simnin yili, kani Maalii nɔ kpaayaa le ndu simio.
Dɛnɛ palaa co le ceendo, le tùú o co vannda pelon lueiyo o pɔwlan nin-ndo. I co toɲa maa fɔ mí pɔwlan la yɔŋnun, kɛ dɛnɛ palaa co le vana co yɔŋnɔn sabu le pɔwla lan yɔŋnɔnndo-o.
Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»
Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.
Kani kaola Yeesu-o hiow naa mayoomu, bau n sínà pɛɛngu maa vana pilɛ kpé sɔla piɔ́mndo le vannda kpow ni. Lelan, piɔ́m o sɔla kon-ndo, vannda kpow a vi vu kon lende ni.
La yéow vana nila baŋulɛiyo le, la hándù vana sumɛiyo ɲɛ laci mò kei boŋ ndon te. Kɛ la cɔm o kelala niaalan nin maa la nɔ bɛɛle nilen. Kani ya co Mɛlɛka ni, Hala niaa pɛɛn.